Tunkar Sunday (13 March) khan AY-in tlawng luiah intihhlim pahin Blanket suk hnatlang an nei a, Conference Truck hmangin mi 40 chuang hnatlangin an thawkchhuak a ni. Hemi ni hian Blanket 70 vel an su a, an hlim hle. Thalai sum tuakna a ni tih hriaa Blanket suktirtute chungah AYS chuan lawmthu a sawi a. Thenkhat, Blanket suk tur nei lo, Pawisa thawhtu eng emawzat an awm bawka an chungah AYS chuan lawmthu a sawi takmeuh a ni.
( Blanket suk thlalak thenkhat)http://aykantu.blogspot.com/p/picture-page.html
Friday, March 18, 2011
PASTOR L HMINGLIANA HRIATRENGNA INKHAWM NEIH A NI.
Tunkar thawhlehni (March 15 dar 1:30pm) khan Conference Committee Room-ah Mizo Section President lo ni tawh (1976-1982) Pastor L Hmingliana hriatrengna inkhawm neih a ni a. He inkhawm hi Pu Lanilawma Colney, Executive Secretary-in a kaihruai a. Inkhawm an thahnem hle.
Pastor L Hmingliana hi December ni 25, 1925 khan Sialsukah a piang a. Kum 1944-ah Adventist Kohhranah Baptisma a chang a. January ni 16, 1962-ah Blubell Kharshing (Khasi) nen an innei a. Assam Training School-ah zirtirtu niin 1947-ah Mission hna a thawk tan a ni.
Pastor L Hmingliana hian Mizo Section President bakah Union President te, Assam Section Secretary te, Union Secretary te, Assam Section-ah Circle Leader te leh hna pawimawh dang eng emawzat a lo chelh tawh a ni.
“Mizo zinga Adventist hmasa leh sulsutu, Mizo Section tana nasa taka hna lo thawk tawh leh Mizo Adventist-te zingah chuan kan Arsi lian, Pastor L Hmingliana kan chan ta hi kan ui em em a. A nupui, a fa leh tute Lalpan awmpui zel rawh se.” tiin Mizo Conference of Seventh-day Adventists chuan thu a chhuah a ni.
Pastor L Hmingliana hi December ni 25, 1925 khan Sialsukah a piang a. Kum 1944-ah Adventist Kohhranah Baptisma a chang a. January ni 16, 1962-ah Blubell Kharshing (Khasi) nen an innei a. Assam Training School-ah zirtirtu niin 1947-ah Mission hna a thawk tan a ni.
Pastor L Hmingliana hian Mizo Section President bakah Union President te, Assam Section Secretary te, Union Secretary te, Assam Section-ah Circle Leader te leh hna pawimawh dang eng emawzat a lo chelh tawh a ni.
“Mizo zinga Adventist hmasa leh sulsutu, Mizo Section tana nasa taka hna lo thawk tawh leh Mizo Adventist-te zingah chuan kan Arsi lian, Pastor L Hmingliana kan chan ta hi kan ui em em a. A nupui, a fa leh tute Lalpan awmpui zel rawh se.” tiin Mizo Conference of Seventh-day Adventists chuan thu a chhuah a ni.
EDITORIAL
Kan hun hman dan hi
Tunlai kan hun hman dan hi - kohhran leh khawtlanga inhmang hman lo leh thenawm khawvengte tlawhpawh hman lo khawpa mahni tawka buai tak tak vek kan ni a. Thenawm khawveng chu sawi loh, mahni fate takngial pawh kan awmin kan ngaihsak hman lo fo thin a nih hi.
Hetianga hun hman hi a tha ber lo mai thei. Mahse, ei leh bar zawnnaa kan hna thawhte avangin loh theih loh chang a awm fo. Mahse, a lutuk em tih chu kan inenfiah fo thin a ngai ang. Kohhran leh khawtlanga inhmang mi tangkai tak kan nih lai hian kan chhungkaw inrelbawl dan a buai a, kan fate’n nungchang tha lo an lo nei reng a nih chuan kan tihtur kan ti lo tihna a ni ang.
“Ka buai lutuk a, kan hman ngang lo a ni,” ti fo thinte hian an hun an bithliah thiam loh vang leh tihtur hmachhawp an remfel thiam loh vang te, nachang an hriat loh vangte a ni thin.
Bible-ah, ram rorelna hna pawimawh tak chelh Daniala chanchin kan hmu a, ani chuan hna sang tak chelhin tihtur a ngah em em chung khan ni tin vawi thum a in chhawngah tukverh hawngin a tawngtai ziah thei a. Keini hian chhuanlam kan nei lo hle mai. Chu mai ni lovin Daniala chuan Jeremia ziakte a zir thin tih kan hmu bawk a. Pathian hnena lawmthu sawi a, a duh thlen mai duhtawk lovin, Pathianin a hnena thu a sawina hun a pe a, Pathian thu a zir thin a ni.
Han inenlet vang vang ila, tunkar chhung khan ni tin Pathian pawlna darkar engzat nge kan hman le? Darkar a nih loh pawhin Minute engzat nge kan lo hman? Thenkhat chuan Bible chhiar miah lovin kartluanin hun kan hmang mai lo maw? Kan thlarau chaw hi ni tina kan nghei mai chuan kan thlarau chu riltamin kan awmtir reng tihna a ni a, chuvangin Daniala angin ni tin hunbi neiin vawi eng emaw zat minute eng emaw zat hi chu Pathian pawl nan i hmang ang u.
Tunlai kan hun hman dan hi - kohhran leh khawtlanga inhmang hman lo leh thenawm khawvengte tlawhpawh hman lo khawpa mahni tawka buai tak tak vek kan ni a. Thenawm khawveng chu sawi loh, mahni fate takngial pawh kan awmin kan ngaihsak hman lo fo thin a nih hi.
Hetianga hun hman hi a tha ber lo mai thei. Mahse, ei leh bar zawnnaa kan hna thawhte avangin loh theih loh chang a awm fo. Mahse, a lutuk em tih chu kan inenfiah fo thin a ngai ang. Kohhran leh khawtlanga inhmang mi tangkai tak kan nih lai hian kan chhungkaw inrelbawl dan a buai a, kan fate’n nungchang tha lo an lo nei reng a nih chuan kan tihtur kan ti lo tihna a ni ang.
“Ka buai lutuk a, kan hman ngang lo a ni,” ti fo thinte hian an hun an bithliah thiam loh vang leh tihtur hmachhawp an remfel thiam loh vang te, nachang an hriat loh vangte a ni thin.
Bible-ah, ram rorelna hna pawimawh tak chelh Daniala chanchin kan hmu a, ani chuan hna sang tak chelhin tihtur a ngah em em chung khan ni tin vawi thum a in chhawngah tukverh hawngin a tawngtai ziah thei a. Keini hian chhuanlam kan nei lo hle mai. Chu mai ni lovin Daniala chuan Jeremia ziakte a zir thin tih kan hmu bawk a. Pathian hnena lawmthu sawi a, a duh thlen mai duhtawk lovin, Pathianin a hnena thu a sawina hun a pe a, Pathian thu a zir thin a ni.
Han inenlet vang vang ila, tunkar chhung khan ni tin Pathian pawlna darkar engzat nge kan hman le? Darkar a nih loh pawhin Minute engzat nge kan lo hman? Thenkhat chuan Bible chhiar miah lovin kartluanin hun kan hmang mai lo maw? Kan thlarau chaw hi ni tina kan nghei mai chuan kan thlarau chu riltamin kan awmtir reng tihna a ni a, chuvangin Daniala angin ni tin hunbi neiin vawi eng emaw zat minute eng emaw zat hi chu Pathian pawl nan i hmang ang u.
“Engvangin Nge Ka Hmangaih Loh Tehlul Ang Che”
Rachael-i pa
Nu leh pa tamtakin in lo dai hriat tawh hnu chu tun hnai mai khan ka han dai ve tan dek dek a. Fa neih chungchang behchhana thu han ziah ve nghal luam mai chu ka inthlahrung viau a, mahse Amosa pa leh Diktea pate pawhin an ziah ve kha maw!! Tia inthlahrun lohna chhan tur dap kualin, ka han infuih phur vel a. Mi rilrem loh zawng tak erawh kan sawi em lovang chu maw!
Kan fanu Rachael Ruatkimi pian atangin kar thum vel chauh a la vei a. Thla em pawh a la pum lo. Kan nun a tihhlimzia lam chu thu hran ni se. Kan hah pui phian mai a. Pu Zara rawn lengin, “Nau pawm chu nupa inngeih a ngai viau a nia,” a tih fiam zauh kha a dik viauin ka hria. Fa pakhatna a ni bawk a, kan zei lo tih hi phat rual a ni lo. A kar khatna vel lai phei kha chuan a pum a lo nuam lo bawk nen, a zei zia kan la man lo bawk nen, theih tawpa a han tah tawh hi chuan a mangan thlak duh khawp mai; ngaihtuah loh tur tur kan ngaihtuah a, engkim mai hi a bing chuk vek ni mai hian ka hria. Dr. Sangtei kan han fone zut a, tih pawh kan tibuai nasa viau.
A pum nuam lo te a han zia chho va, buai erawh a zia thei chuang lo. Zun ek a lo ngah a, mut hunbi kan nei thei narawh. Tun hma kha chuan zanah kan mu thin a sin maw le! Kan ti rilru neuh neuh thin. Tunah chuan kar thum laia upa a ni ve ta, pangngaia mut erawh kan la nei meuh chuang lo. Chutianga, kan tihdan pangngai a, zanlai dar khat pelh hnu deuh va naute awih mut tuma ka pawm lai chuan, naute tap thawma mu thei reng reng lo, a nu chu chau tawng khawngin khumah chuan rem lo tak hian a mu kawi deuh ngal a. Tihharh loh hram ka duh a. Naute titap lova awih mut hram ka tum lai chuan, naute chu ka en vang vang a, ani pawh chuan min han en liam satliah ve mai a. Ka ngaihtuah neuh neuh va, Aw! kan han hmangaih teh che nen, mi lah chu i hre mang si lo va, ka ti rilru neuh neuh va.
Ka han ngaihtuah thin a, kan hmangaih, kan fanu, nikhua pawh la hre lo. Kan lawm zawng min tihsak chu sawi loh, buaipui reng ngai, darkar tin a zun leh ek thlak ngai hi engvang kherin nge maw ka hmangaih em em le! Ti-a ka ngaihtuah neuh neuh lai chuan a chhanna chu ka rilruah chiang takin a lo lang nghal a. Ka hmangaih em em nachhan chu KA FA a nih vang a ni ringawt mai.
Chu zan reh takah, chutia ka rilru ka kawm mawlh mawlh lai chuan ka thinlungah KA PA (Vana mi) in aw zawi dam dap hian thu a rawn sawi a. Ani chuan, “A ni chiah a sin, i hrethiam ve ta chiah mai maw! Vawi tam tak eng vangin nge Ka hmangaih kher ang che? Tia Ka hmangaih chhan tur che i hriat loh lai khan, i nun i han thlir a, min tilawm turin thil ropui engmah i tih ngai lohzia i hriata mi i tih lai khan, i la hrethiam lo mai zawk alawm. Engvangin nge ka HMANGAIH loh tehlul ang che, ka fa, ka hmangaih em em, ka thlir nin theih loh; Mi i hriat hma pawha HMANGAIH ngawih ngawihtu che kha ka ni a sin,” min rawn ti a.
Changthlan: Ngai teh u, Pain min hmangaihna chu a va nasa em! “Pathian faahte” min vuah tak hi; chutiang chu kan ni reng e. . .” (I Johana 3:1)
Kan fanu Rachael Ruatkimi pian atangin kar thum vel chauh a la vei a. Thla em pawh a la pum lo. Kan nun a tihhlimzia lam chu thu hran ni se. Kan hah pui phian mai a. Pu Zara rawn lengin, “Nau pawm chu nupa inngeih a ngai viau a nia,” a tih fiam zauh kha a dik viauin ka hria. Fa pakhatna a ni bawk a, kan zei lo tih hi phat rual a ni lo. A kar khatna vel lai phei kha chuan a pum a lo nuam lo bawk nen, a zei zia kan la man lo bawk nen, theih tawpa a han tah tawh hi chuan a mangan thlak duh khawp mai; ngaihtuah loh tur tur kan ngaihtuah a, engkim mai hi a bing chuk vek ni mai hian ka hria. Dr. Sangtei kan han fone zut a, tih pawh kan tibuai nasa viau.
A pum nuam lo te a han zia chho va, buai erawh a zia thei chuang lo. Zun ek a lo ngah a, mut hunbi kan nei thei narawh. Tun hma kha chuan zanah kan mu thin a sin maw le! Kan ti rilru neuh neuh thin. Tunah chuan kar thum laia upa a ni ve ta, pangngaia mut erawh kan la nei meuh chuang lo. Chutianga, kan tihdan pangngai a, zanlai dar khat pelh hnu deuh va naute awih mut tuma ka pawm lai chuan, naute tap thawma mu thei reng reng lo, a nu chu chau tawng khawngin khumah chuan rem lo tak hian a mu kawi deuh ngal a. Tihharh loh hram ka duh a. Naute titap lova awih mut hram ka tum lai chuan, naute chu ka en vang vang a, ani pawh chuan min han en liam satliah ve mai a. Ka ngaihtuah neuh neuh va, Aw! kan han hmangaih teh che nen, mi lah chu i hre mang si lo va, ka ti rilru neuh neuh va.
Ka han ngaihtuah thin a, kan hmangaih, kan fanu, nikhua pawh la hre lo. Kan lawm zawng min tihsak chu sawi loh, buaipui reng ngai, darkar tin a zun leh ek thlak ngai hi engvang kherin nge maw ka hmangaih em em le! Ti-a ka ngaihtuah neuh neuh lai chuan a chhanna chu ka rilruah chiang takin a lo lang nghal a. Ka hmangaih em em nachhan chu KA FA a nih vang a ni ringawt mai.
Chu zan reh takah, chutia ka rilru ka kawm mawlh mawlh lai chuan ka thinlungah KA PA (Vana mi) in aw zawi dam dap hian thu a rawn sawi a. Ani chuan, “A ni chiah a sin, i hrethiam ve ta chiah mai maw! Vawi tam tak eng vangin nge Ka hmangaih kher ang che? Tia Ka hmangaih chhan tur che i hriat loh lai khan, i nun i han thlir a, min tilawm turin thil ropui engmah i tih ngai lohzia i hriata mi i tih lai khan, i la hrethiam lo mai zawk alawm. Engvangin nge ka HMANGAIH loh tehlul ang che, ka fa, ka hmangaih em em, ka thlir nin theih loh; Mi i hriat hma pawha HMANGAIH ngawih ngawihtu che kha ka ni a sin,” min rawn ti a.
Changthlan: Ngai teh u, Pain min hmangaihna chu a va nasa em! “Pathian faahte” min vuah tak hi; chutiang chu kan ni reng e. . .” (I Johana 3:1)
CHUTI LO PAWH NI SELA
Lalchhuanawma (HLS)
Mizo tam ber hi chu christian chhungkuaa piang, christians society seilian kan inti thei awm e. Naupan lai atangin kan inkhawm a, thil tih ho leh puipunnaah pawh christian takin tawngtaina nen kan ti ho thin a. Inkhawm ngai lo pawhin, faten HSLC an pass lawm nikhua chuan, Pathian hnena lawmthu sawi tawngtaina hlan turin mahniin an tih theih loh pawhin midang tal an sawm thin. Amaherawh, chu kan rinah leh kan rindanah hian kan chiang chiah em?
Daniela leh a thiante kha chuan rawhtuina meipuia an paih luh dawn pawh khan, “Aw Nebukanezzar, he thu-ah hian kan chhan che pawh a ngai lo ve. Kan Pathian, A rawng kan bawl thina chuan rawhtuina meipui ata min chhan chhuak thei si a, i kut ata pawh, aw lalber, min chhan chhuak mai ang. Chutilo pawh ni sela, aw lalber, i pathiante rawng chu kan bawl dawn lo va, i rangkachak milim din pawh chu chibai kan buk hek lo vang, tih hria ang che,” an ti thei a, an rinah khan an chiang hle a ni.
Keini Amah ringtute chuan sawmapakhat leh thawhlawm hrang hrangte kan thawh thin a. Sawmapakhat kan pek hian, Pathianin mal min sawm let a intiam a ni. Tichuan, sawmapakhat leh thawhlawm dang dang kan thawh hian eng rilru puin nge kan lo thawh thin le, a malsawmna ngawr ngawr beiseiin kan lo thawh thin em? Daniela te thianho ang hian Chutilo pawh ni se la ti chung hian kan thawh thei tho ang em? Sawmapakhat leh thawhlawm dang dang kan thawh hian Pathian hnena CHIAHPUAM ang chauha ngai hian kan lo thawh thin em le? Nge, khawvel zawng zawnga chanchintha puang tur kan ni a, kal chhuak thei lote pawhin mawhphurhna lian tak kan nei. Thilpeka rawngbawl turin Lalpa’n min ko ti chhungin kan thawh?
Bible Society ah life member nih te kan intihhmuh a, Pathian thu la hre ve lote’n Bible an lo neih ve theih nante thawhlawm kan thawh thin a, a tha khawp mai a. Mi tam takin campaign nan Life Member a nih avanga hlawkna a hmuhte an sawi thin a, entirnan, (a) Kan zawngtah/theihai rah thei lo ka life a, a rah nghal. (b) Kan vawkpui rai thei lo ka life a, a rai nghal. (c) An fapa awm tha duh lo kha an life a, a piangthar hlauh mai. Heng chi-ah te hian eng ang rilru puin nge life member nih kan lo rilruk thin le? Keimahniah a hlawkna hmuh nghal inbeisei ranin em ni? Nge Daniela te thianho ang hian “Chutilo pawh ni se la” tichungin, miten Bible an lo neih theih nan kan ti zawk. Bible Society-a life member nih hi lucky ticket ang chauh a ngai hian kan lo ni thin?
Isua Krista hnungzuitu Kristian-a inngai kan awm lai hian, Amah zuitu ni lo hian, a malsawmna chuah zuitu kan lo ni ang tih hi a hlauhawm a. Hrawk leh pumpui hmachhuana amah zui hi Lal Isua’n a duh hauh lo mai. Mipui sangnga a hrai hnu khan mipuiin an zui hut hut a, nimahsela Isua’n amah zuitute hnenah chuan, ‘Chhangper in ei puar avang khan min zui a nih hi, chaw dangral umin phe phe suh u’ tiin a lo zilh zawk a nih kha.
Daniela leh a thiante kha chuan rawhtuina meipuia an paih luh dawn pawh khan, “Aw Nebukanezzar, he thu-ah hian kan chhan che pawh a ngai lo ve. Kan Pathian, A rawng kan bawl thina chuan rawhtuina meipui ata min chhan chhuak thei si a, i kut ata pawh, aw lalber, min chhan chhuak mai ang. Chutilo pawh ni sela, aw lalber, i pathiante rawng chu kan bawl dawn lo va, i rangkachak milim din pawh chu chibai kan buk hek lo vang, tih hria ang che,” an ti thei a, an rinah khan an chiang hle a ni.
Keini Amah ringtute chuan sawmapakhat leh thawhlawm hrang hrangte kan thawh thin a. Sawmapakhat kan pek hian, Pathianin mal min sawm let a intiam a ni. Tichuan, sawmapakhat leh thawhlawm dang dang kan thawh hian eng rilru puin nge kan lo thawh thin le, a malsawmna ngawr ngawr beiseiin kan lo thawh thin em? Daniela te thianho ang hian Chutilo pawh ni se la ti chung hian kan thawh thei tho ang em? Sawmapakhat leh thawhlawm dang dang kan thawh hian Pathian hnena CHIAHPUAM ang chauha ngai hian kan lo thawh thin em le? Nge, khawvel zawng zawnga chanchintha puang tur kan ni a, kal chhuak thei lote pawhin mawhphurhna lian tak kan nei. Thilpeka rawngbawl turin Lalpa’n min ko ti chhungin kan thawh?
Bible Society ah life member nih te kan intihhmuh a, Pathian thu la hre ve lote’n Bible an lo neih ve theih nante thawhlawm kan thawh thin a, a tha khawp mai a. Mi tam takin campaign nan Life Member a nih avanga hlawkna a hmuhte an sawi thin a, entirnan, (a) Kan zawngtah/theihai rah thei lo ka life a, a rah nghal. (b) Kan vawkpui rai thei lo ka life a, a rai nghal. (c) An fapa awm tha duh lo kha an life a, a piangthar hlauh mai. Heng chi-ah te hian eng ang rilru puin nge life member nih kan lo rilruk thin le? Keimahniah a hlawkna hmuh nghal inbeisei ranin em ni? Nge Daniela te thianho ang hian “Chutilo pawh ni se la” tichungin, miten Bible an lo neih theih nan kan ti zawk. Bible Society-a life member nih hi lucky ticket ang chauh a ngai hian kan lo ni thin?
Isua Krista hnungzuitu Kristian-a inngai kan awm lai hian, Amah zuitu ni lo hian, a malsawmna chuah zuitu kan lo ni ang tih hi a hlauhawm a. Hrawk leh pumpui hmachhuana amah zui hi Lal Isua’n a duh hauh lo mai. Mipui sangnga a hrai hnu khan mipuiin an zui hut hut a, nimahsela Isua’n amah zuitute hnenah chuan, ‘Chhangper in ei puar avang khan min zui a nih hi, chaw dangral umin phe phe suh u’ tiin a lo zilh zawk a nih kha.
LAWRKHAWM
Lunglengah Revival Camping:Remnant Revival Team-te chuan March 17 -21, 2011 hian Lunglengah camping an buatsaih dawn a, Khumtung, Sairang Aizawl atangtein he Camping-ah hian mi eng emawzat kal an tum. Remnant Revival Team Speaker Pu Lalthlamuana’n, “Kohhran hoten min lo tawngtaipui mawlh mawlh turin kan ngen che u,” tiin Ay Kantu kaltlangin kohhran mite min sawm a ni.
Zaipawl Hla zir tur: Zanin Verper inkhawm banah AY General Camp-a kal lo Zaipawl Member-ten hla zir tur a ni e.
Leadership Training Darzo-ah: Pastor VL Sanglura te nupa leh Upa S Lalkamlova te chu Darzo Kohhran Leadership Training neihpui turin tukin khan an kal.
Conference Staff Retreat: Tunkar nilaini (March ni 16) khan Conference Staff Sihhmuiah an Picnic-a an hlim hle.
Annual Sport: Helen Lowry School High School Section (Class VIII telin) tunkar chhung hian Annual Sport an nei a.
Pathfinder Meeting awm dawn lo: Hotute General Camp-a an kal avangin Sunday-ah Pathfinder Meeting a awm dawn lo.
Japan Lirnghing leh ADRA: March ni 12 Adventist News Network Report-a lan danin lirnghingin chhiatna a thlen nasat berna hmun pakhat Sendai, Miyagi chu Adra team ten March 12 khan an thleng a. ADRA Japan-in Chawmdawlna thawhnaah Japan Sorkar a thawhpui nghal a. ADRA International chuan US Dollar 25,000 a ruahman nghal a, pawisa an la dawng chhunzawm zel bawk.
Japan a Adventist Church president Masumi Shimada, chuan Kohhran Building 4 chu chhe nial nual a awm a. Kohhran Member zingah thi leh hliam report a la awm lo. Lirnghinna hmunah hian Biak in 17 leh School 10 leh kohhran hmun pawimawh dang 5 a awm a.
Tokyo-ah ADRA chuan awmlailawkna hmun a siam a, eitur bakah a thlawnin Wi-fi service an pe bawk.
Japan ramah hian Adventist 15,000 vel awmin, biak in 115 kan nei mek a ni.
Zaipawl Hla zir tur: Zanin Verper inkhawm banah AY General Camp-a kal lo Zaipawl Member-ten hla zir tur a ni e.
Leadership Training Darzo-ah: Pastor VL Sanglura te nupa leh Upa S Lalkamlova te chu Darzo Kohhran Leadership Training neihpui turin tukin khan an kal.
Conference Staff Retreat: Tunkar nilaini (March ni 16) khan Conference Staff Sihhmuiah an Picnic-a an hlim hle.
Annual Sport: Helen Lowry School High School Section (Class VIII telin) tunkar chhung hian Annual Sport an nei a.
Pathfinder Meeting awm dawn lo: Hotute General Camp-a an kal avangin Sunday-ah Pathfinder Meeting a awm dawn lo.
Japan Lirnghing leh ADRA: March ni 12 Adventist News Network Report-a lan danin lirnghingin chhiatna a thlen nasat berna hmun pakhat Sendai, Miyagi chu Adra team ten March 12 khan an thleng a. ADRA Japan-in Chawmdawlna thawhnaah Japan Sorkar a thawhpui nghal a. ADRA International chuan US Dollar 25,000 a ruahman nghal a, pawisa an la dawng chhunzawm zel bawk.
Japan a Adventist Church president Masumi Shimada, chuan Kohhran Building 4 chu chhe nial nual a awm a. Kohhran Member zingah thi leh hliam report a la awm lo. Lirnghinna hmunah hian Biak in 17 leh School 10 leh kohhran hmun pawimawh dang 5 a awm a.
Tokyo-ah ADRA chuan awmlailawkna hmun a siam a, eitur bakah a thlawnin Wi-fi service an pe bawk.
Japan ramah hian Adventist 15,000 vel awmin, biak in 115 kan nei mek a ni.
Subscribe to:
Posts (Atom)