CHURCH BOARD MEETING NEIH A NI
(Special Committee din a ni dawn,
Krismas hman a ni dawn)
Tunkar tawngtai inkhawm ban (Nov 9) khan Church Board Meeting neih a ni a, Member 24 kalin, Upa Darhmingthanga Chairman a ni.
Kum thar 2011 inthlanna atan Special Committee November ni 13 (Sabbath ni) hian din ni se tia rel a ni a. Buaipui turin Upa S Lalkamlova leh Pastor PC Liansailova te ruat an ni a. Puibawm turin hengte hi ruat an ni:
1. Pu Laldinthanga 2. Dr Lalnilawma
3. Upa Lalngaihawma 4. Pu PC Zorinmawia
5. Pu Zakhuma Ralte 6. Pu Lalthanzara Colney
7. Pu Lalhlimpuia 8. Pu RL Biakdika
9. Pu David V Sailo 10. Pi L Rosiami
11. Pu Daniel Tete 12. Pu Danmawia Khiangte
13. Pi Hauzami 14. Nl H Lalhmangaihsangi
Special Committee Member member atan mi 15 thlan chhuah tur a ni dawn a. Hemi atan hian member ten hming 15 ziak chhuakin vote hmu sang mi 15 thlan chhuah an ni ang. Baptisma Member ten ziakna tur pen keng theuh tura beisei kan ni e.
Ay Department-in Upate ni November ni 27-a hman an rawtna chu Church Board hian a pawmpui a ni.
Pathfinder Camp kumin chhunga neih an dilna pawh phalsak an ni.
Zan inkhawm hun mumal deuh zawka siam a ni a. Hetiang hian ruat a ni:
November - January - 6:00pm
February - April - 6:30pm
May - August - 7:00pm
September - October - 6:30pm
Biak in Backdrop Banner siam ni se tia rel a ni a, lo bawhzui turin Pastor PC Liansailova leh Pu David V Sailo te ruat an ni a.
Krismas Organising Committee: Krismas hman tha tih a ni a, Organising Committee member turin hengte hi ruat an ni:
Chairman - Pastor PC Liansailova
Secretary - Pu Lalrinsanga
Member Upa Lalngaihawma, Pu Zakhuma Ralte,
Pi L Rosiami, Dr Kenneth Chawngliana,
Pu Ronald Sapa Tlau
Monday, November 15, 2010
EDITORIAL
Kan tawngkam hi
Tawngkam kan hman thinte hi ngun taka ngaihtuah a lo pawimawh hle mai. Committee-naah te, then leh rual kan kawmnaahte hian, kan thusawi hretute khei deuh salh leh chhun deuh ngaiha thu sawi nuam kan tih riau chuan, kan chapo viau emaw kan fing tawk lo hle emaw a lo ni daih thin. Thenkhat chuan mi thinlung tihnat an duh vang leh mi huatthu sawi an tum vang pawh ni lem lovin, mi rilru an hliam fo. A chhan chu an tawngkam hman an fimkhur tawk thin loh vang a ni thin.
Rawngbawltute hi mi hmaa thu kan sawi hian, mi thinlung tina tur tawngkam dengkhawng kan hman fo chuan inenfiah a, ngaihdam dil a lo tul a nih pawhin dil mai tur kan lo ni.
Hla phuahtu chuan “Tawngkam tha ka hman thinte hian nun thim a tihen theih chuan, lawm hla saa ka zai riin ngui a chhawk zan phawt chuan siam thatna thu sawi thei turin Aw Lalpa min pui rawh,” a lo ti a. Hmangaihna kan lantir avanga mi nun kan tihhlim theih chuan kan theihna te a tha lama hmangin Krista tan kan thawk thei a ni. Kolossa 4:6 “Mi tin engtia chhan theuh tur nge tih in hriat theih nan in tawngka chhuak chu, chi al, khawngaihna tel ni fo rawh se,” tiin Tirhkoh Paula chuan tunlai ringtute hi min lo chah a ni.
“Vawiinah mi rilru ka tina a nih chuan Lalpa min ngaidam la. Naktukah chuan mi rilru tina lova ka hun ka hman theih nan min pui la, i hmangaihna puangtu ni zawk turin Lalpa min pui ang che,” tih hi zan tina kan tawngtaina ni se Kohhran hi kan hlim sawtin a rinawm a ni.
Kan tawngkam hi
Tawngkam kan hman thinte hi ngun taka ngaihtuah a lo pawimawh hle mai. Committee-naah te, then leh rual kan kawmnaahte hian, kan thusawi hretute khei deuh salh leh chhun deuh ngaiha thu sawi nuam kan tih riau chuan, kan chapo viau emaw kan fing tawk lo hle emaw a lo ni daih thin. Thenkhat chuan mi thinlung tihnat an duh vang leh mi huatthu sawi an tum vang pawh ni lem lovin, mi rilru an hliam fo. A chhan chu an tawngkam hman an fimkhur tawk thin loh vang a ni thin.
Rawngbawltute hi mi hmaa thu kan sawi hian, mi thinlung tina tur tawngkam dengkhawng kan hman fo chuan inenfiah a, ngaihdam dil a lo tul a nih pawhin dil mai tur kan lo ni.
Hla phuahtu chuan “Tawngkam tha ka hman thinte hian nun thim a tihen theih chuan, lawm hla saa ka zai riin ngui a chhawk zan phawt chuan siam thatna thu sawi thei turin Aw Lalpa min pui rawh,” a lo ti a. Hmangaihna kan lantir avanga mi nun kan tihhlim theih chuan kan theihna te a tha lama hmangin Krista tan kan thawk thei a ni. Kolossa 4:6 “Mi tin engtia chhan theuh tur nge tih in hriat theih nan in tawngka chhuak chu, chi al, khawngaihna tel ni fo rawh se,” tiin Tirhkoh Paula chuan tunlai ringtute hi min lo chah a ni.
“Vawiinah mi rilru ka tina a nih chuan Lalpa min ngaidam la. Naktukah chuan mi rilru tina lova ka hun ka hman theih nan min pui la, i hmangaihna puangtu ni zawk turin Lalpa min pui ang che,” tih hi zan tina kan tawngtaina ni se Kohhran hi kan hlim sawtin a rinawm a ni.
WOMEN’S MINISTRIES INKHAWMPUI REPORT
~Lalrampari
Aizawl Bial Women’s Ministries inkhawmpui vawi 8-na chu Zawlnuamah hlim taka neih a ni ta a. November ni 4, 2010 zing dar 7:00-ah Sairang kawng, tawngtaina hmunah innghak khawmin Bus pali (4) leh Sumo leh Motor kengte nen Zawlnuam panin kan chhuak a. Khuang nen kawngtluanin hla sa chungin kan inawi thla a. Rawpuichhip daiah kan chaw pai te eiin kan kal zel a. Dar 3:00 hma deuhin Zawlnuam chu kan thleng a. mi pahnih khat motor chuang sual chau deuhte awm mah se kan hlim tlang hle a ni.
Tualchhungin Registration an lo buaipui a, mikhual 204 leh langa kal 20 vel kan awm a. Khaw hrang hrang 33 atangin kan kal khawm a ni. Khaw lum lutuk a ziaawm deuh tawh a, mahse tui a tam bawk a, kan inbual ni tin mai. Zawlnuam Thuampui veng Community Hall-ah kan inkhawm a.
Tan zan atangin thusawi a tha em em a, thusawitute reng reng an inbuatsaih nasa tih a hriatin an thusawi a nung a. Thupui, “Pathian hnaih hi a tha a ni,” Sam 73:28 hmangin rilru khawih leh mi hneh tak tak an sawi a. Zoram Danial Pawl Chhantu Chairman, Pu Vanhmingliana pawhin, “Rawmawl a hun rengin mittui min sentir tam hle,” a ti hial a. Zai a nuamin kut bengin hlim takin kan zai thup reng mai a ni. Seminar-ah pawh Pu Vanhmingliana’n Paper a buatsaih a present a, sawi hona pawh kham lo takin kan nei a ni.
Report kan ngaihthlak atangin khaw tina kohhran khaipate hi hmeichhia te an lo ni deuh vek emaw ni tih theih turin an hnathawh report a ropui a. Inkhawmpuiah pawh thusawi a ni emaw, report pek a ni emaw, dinpuitute an ni emaw chanvo changtute an fel hlawm hle mai. Khawkhat hruaitu ni awm tak takte an ni reng a ni. Palai hi hmeichhiat chauh kan ni lo va, mipa pawh 30 vel, Bialtu Pastor Zirlawma telin an awm a ni. Kan Women’s Ministries Director Pi Nunthari pa, Pu Biakchhunga kum 88 hmang tan mek pawh a lo tel ve a, ani hi inkhawmpui kal zinga upa ber lawmman, Adventist Hla bu kan pe nghe nghe a ni. Mipa kalte hian an sawi chu - Chapo leh tu huatthu emaw lo ni lo se, “Danial pawl inkhawmpui aiin a nuam zawk,” zu tia maw le! Thlarau Thianghlim a tlangnel niin a lang thei bawk.
Zaipawl leh zaia rawngbawltute’n hma an sawnin an zahpuiawm lo khawp hlawm mai. Kum dang chu kan khum hle a ni. Republic leh Central Kohhran zaipawl an fakawmin an thiam a, an inbuatsaih nasatzia an hla sak nung tak atangin a hriat theih. Pathian an pawl nasa hle ngei ang. Zaipawl Member 39 vel rual nu valai, nula te pawh telin an han zai a, harsatna nei lo chu an ni bik hauh lo ang le! An theih tawp Pathian tan an phal a ni zawk. Rualawh a na duh hle mai.
Thurel hrang hrang zinga pakhat chu - December thla chhung ngei hian Chhandamna Camping neih ni rawh se tih a ni a. A neihpui turin Kross Thuchah Puangtute ni se tih a ni bawk.
Inkhawmpui hlawhtlin nana theih tawp chhuahtute: Hruaitute leh midang leh Zawlnuam Kohhran hote an fakawm hle. Zawlnuamah hian chhungkaw 4 vel chauh an awm a, hetiang inkhawmpui an thleng thei hi tluk loh an nihzia a lang. A bik takin Pu Durthanga te chhungkua leh Pu Laskara (Pi Luri) te chhungkaw inpekna a nasa a, kan vai deuhthawin min mikhual a, Biak in bulah ei rawngbawl a ni a, eitur hnianghnar leh tui kan nei a. An lo inbuatsaihna leh inpekna kan fak takzet a ni. Evangelist Lalduhawma te chhungkua an fakawm hle bawk. Antangkai hlawm hle mai. An inpekna leh thawhrimna te Pathianin a let tam takin vur se tih hi kan tawngtaina a ni.
November ni 8 zing takah kham lo tain Nakuma inkhawmpui lehna tur thlirin mahni khaw lam kan pan ta hlawm a. Kawng tluanin hlaa Pathian pawlna nen inkhawmpui leha inhmuh leh hun thlirin kan inthen ta hlawm a ni.
~Lalrampari
Aizawl Bial Women’s Ministries inkhawmpui vawi 8-na chu Zawlnuamah hlim taka neih a ni ta a. November ni 4, 2010 zing dar 7:00-ah Sairang kawng, tawngtaina hmunah innghak khawmin Bus pali (4) leh Sumo leh Motor kengte nen Zawlnuam panin kan chhuak a. Khuang nen kawngtluanin hla sa chungin kan inawi thla a. Rawpuichhip daiah kan chaw pai te eiin kan kal zel a. Dar 3:00 hma deuhin Zawlnuam chu kan thleng a. mi pahnih khat motor chuang sual chau deuhte awm mah se kan hlim tlang hle a ni.
Tualchhungin Registration an lo buaipui a, mikhual 204 leh langa kal 20 vel kan awm a. Khaw hrang hrang 33 atangin kan kal khawm a ni. Khaw lum lutuk a ziaawm deuh tawh a, mahse tui a tam bawk a, kan inbual ni tin mai. Zawlnuam Thuampui veng Community Hall-ah kan inkhawm a.
Tan zan atangin thusawi a tha em em a, thusawitute reng reng an inbuatsaih nasa tih a hriatin an thusawi a nung a. Thupui, “Pathian hnaih hi a tha a ni,” Sam 73:28 hmangin rilru khawih leh mi hneh tak tak an sawi a. Zoram Danial Pawl Chhantu Chairman, Pu Vanhmingliana pawhin, “Rawmawl a hun rengin mittui min sentir tam hle,” a ti hial a. Zai a nuamin kut bengin hlim takin kan zai thup reng mai a ni. Seminar-ah pawh Pu Vanhmingliana’n Paper a buatsaih a present a, sawi hona pawh kham lo takin kan nei a ni.
Report kan ngaihthlak atangin khaw tina kohhran khaipate hi hmeichhia te an lo ni deuh vek emaw ni tih theih turin an hnathawh report a ropui a. Inkhawmpuiah pawh thusawi a ni emaw, report pek a ni emaw, dinpuitute an ni emaw chanvo changtute an fel hlawm hle mai. Khawkhat hruaitu ni awm tak takte an ni reng a ni. Palai hi hmeichhiat chauh kan ni lo va, mipa pawh 30 vel, Bialtu Pastor Zirlawma telin an awm a ni. Kan Women’s Ministries Director Pi Nunthari pa, Pu Biakchhunga kum 88 hmang tan mek pawh a lo tel ve a, ani hi inkhawmpui kal zinga upa ber lawmman, Adventist Hla bu kan pe nghe nghe a ni. Mipa kalte hian an sawi chu - Chapo leh tu huatthu emaw lo ni lo se, “Danial pawl inkhawmpui aiin a nuam zawk,” zu tia maw le! Thlarau Thianghlim a tlangnel niin a lang thei bawk.
Zaipawl leh zaia rawngbawltute’n hma an sawnin an zahpuiawm lo khawp hlawm mai. Kum dang chu kan khum hle a ni. Republic leh Central Kohhran zaipawl an fakawmin an thiam a, an inbuatsaih nasatzia an hla sak nung tak atangin a hriat theih. Pathian an pawl nasa hle ngei ang. Zaipawl Member 39 vel rual nu valai, nula te pawh telin an han zai a, harsatna nei lo chu an ni bik hauh lo ang le! An theih tawp Pathian tan an phal a ni zawk. Rualawh a na duh hle mai.
Thurel hrang hrang zinga pakhat chu - December thla chhung ngei hian Chhandamna Camping neih ni rawh se tih a ni a. A neihpui turin Kross Thuchah Puangtute ni se tih a ni bawk.
Inkhawmpui hlawhtlin nana theih tawp chhuahtute: Hruaitute leh midang leh Zawlnuam Kohhran hote an fakawm hle. Zawlnuamah hian chhungkaw 4 vel chauh an awm a, hetiang inkhawmpui an thleng thei hi tluk loh an nihzia a lang. A bik takin Pu Durthanga te chhungkua leh Pu Laskara (Pi Luri) te chhungkaw inpekna a nasa a, kan vai deuhthawin min mikhual a, Biak in bulah ei rawngbawl a ni a, eitur hnianghnar leh tui kan nei a. An lo inbuatsaihna leh inpekna kan fak takzet a ni. Evangelist Lalduhawma te chhungkua an fakawm hle bawk. Antangkai hlawm hle mai. An inpekna leh thawhrimna te Pathianin a let tam takin vur se tih hi kan tawngtaina a ni.
November ni 8 zing takah kham lo tain Nakuma inkhawmpui lehna tur thlirin mahni khaw lam kan pan ta hlawm a. Kawng tluanin hlaa Pathian pawlna nen inkhawmpui leha inhmuh leh hun thlirin kan inthen ta hlawm a ni.
DANGDAI
Pastor T Lalauva
Dangdai: A lam rik dan ‘mai mai’ emaw ‘danglam’ emaw angin lam tur a ni a. He thumal hian kawh zawng riau a nei a. A huatthlala zawng khera danglamah te, thiante emaw, midangte sualna baka sual fal bik deuh ngat te sawi nan hman a ni thin.
Entirna pakhat: Hmeichhe naupang inkawibah turten an kawi an keng khawm a. An inbah that lai takin an zinga pakhat chuan kawi biak tha tha la khawm nghauh nghauhin, “Ka bang,” tih pahin a tlan hawpui daih a. Midangin an pi leh pute hnena an han sawi chuan, “He naupang hi zawng a dangdai reuh em a, kawm ve tawh lo mai teh u,” an lo tihsan a.
Ka hriat dan ka han sawi ve mai mai a ni e.
Pastor T Lalauva
Dangdai: A lam rik dan ‘mai mai’ emaw ‘danglam’ emaw angin lam tur a ni a. He thumal hian kawh zawng riau a nei a. A huatthlala zawng khera danglamah te, thiante emaw, midangte sualna baka sual fal bik deuh ngat te sawi nan hman a ni thin.
Entirna pakhat: Hmeichhe naupang inkawibah turten an kawi an keng khawm a. An inbah that lai takin an zinga pakhat chuan kawi biak tha tha la khawm nghauh nghauhin, “Ka bang,” tih pahin a tlan hawpui daih a. Midangin an pi leh pute hnena an han sawi chuan, “He naupang hi zawng a dangdai reuh em a, kawm ve tawh lo mai teh u,” an lo tihsan a.
Ka hriat dan ka han sawi ve mai mai a ni e.
NGAIHTUAH ZUI TEH
Amosa Pa
I beisei anga mi an awm lohva, kawng dik zawh tura i beisei laia an tlukna sual ngai bawka an tluk leh thin hian engtin nge i tih thin le?
Mahni tlin lohna leh chak lohna te theihnghilh a, midang chauh ena dem mai hi a awl thin. Mahse, vawi engzat nge sualah kan tluk a, vawi engzat chiah nge Pathian hnena ngaihdam dila kan tawngtai thin le? Vawi tam tak ngaihdam ngai theuh kan lo ni.
I kianga chak lo zawkte tanpuia, tlu te kai tho va, tanpuitu ni turin Kristan a duh che a ni tih hriain Krista hmanruaah tan tum tlat ang che.
Amosa Pa
I beisei anga mi an awm lohva, kawng dik zawh tura i beisei laia an tlukna sual ngai bawka an tluk leh thin hian engtin nge i tih thin le?
Mahni tlin lohna leh chak lohna te theihnghilh a, midang chauh ena dem mai hi a awl thin. Mahse, vawi engzat nge sualah kan tluk a, vawi engzat chiah nge Pathian hnena ngaihdam dila kan tawngtai thin le? Vawi tam tak ngaihdam ngai theuh kan lo ni.
I kianga chak lo zawkte tanpuia, tlu te kai tho va, tanpuitu ni turin Kristan a duh che a ni tih hriain Krista hmanruaah tan tum tlat ang che.
LAWRKHAWM
Evangelism Fund: Zanin inkhawmah Evangelism Fund khawn a ni dawn a, inkhawm turte’n kan hre theuh dawn nia.
Thalai IV hriattirna: Thalai then 4-na Lamchhip kalna tur kha bus a remchan loh avangin motor te 6-in kal tur a ni dawn a, Sabbath zing dar 7:00-a chhuak hman turin Pu Sangtluanga in kawtah awm hman tur a ni. Kal turte chuan tiffin pai tur a ni a. 2 Wheeler neite’n keng tura beisei kan ni bawk.
Pi Dorothy Eaton Watts boral: Pi Doroty Eaton Watts (72) chu November 8, 2010 khan USA-ah a boral a, a vuina inkhawm hi November 11, 2010 (Thursday) khan Southern Asia Seventh-day Adventist Church, Silver Spring, USA-ah neih a ni. Pi Watts-i hi Pastor Watts-a Southern Asia Division President chawl ta nupui kha a ni a, amah hian lehkhabu 27 a ziak a, Morning Watch - This is the day tih te, Stepping Stones tih te, Getups tih te, Friends for Kids tih te leh Sabbath School Program Planner tih te chu an larin mi ngainat leh hriat an hlawh hle a ni.
Pastor Malsawma Tochhawng Kolasib-ah: Personal Ministries leh Sabbath School Department a thil pawimawh leh hriat turte zirtir turin Pastor Malsawma Tochhawng chu Kolasib-ah Sabbath ni hmang turin a kal.
Pu Lalnilawma Colney: Mizo Conference Executive Secretary Pu Lalnilawma Colney chu South Bungtlang,Chhimtuipui Circle-ah Biak in thar hawng turin tunkar Ningani (Nov 11) khan a kal.
AY Council neih a ni: Tunkar thawhtan zan (Nov 9) khan Ay Council neih a ni a, December ni 11&12-a Maubawka AYF inkhawmpui neihnaa kalna tur bus hmanna tur sum tuaka hnatlang neih a ni dawn. Member-te lo inring turin hriattir leh ngen kan ni e.
November ni 27 hian kan Kohhran-a upate pualin hun hman a ni dawn a. Hemi ni hian upate chawimawina hun hlimawm tak buatsaih a ni ang.
Kumin chhung ngei hian Pathfinder Camp neih tura rel a ni bawk.
Pastor PL Biakchhawna’n inneihtir: Andrew Lalnunzira S/o Robuanga leh Lalfaksangi te Tlangsang Seventh-day Adventist biak inah tunkar nilai (Nov 10) khan Pastor PL Biakchhawna’n a inneihtir a, Tlangsang mipuite’n Adventist innei an hmuhnawm an tiin ropui an ti hle a ni.
Evangelism Fund: Zanin inkhawmah Evangelism Fund khawn a ni dawn a, inkhawm turte’n kan hre theuh dawn nia.
Thalai IV hriattirna: Thalai then 4-na Lamchhip kalna tur kha bus a remchan loh avangin motor te 6-in kal tur a ni dawn a, Sabbath zing dar 7:00-a chhuak hman turin Pu Sangtluanga in kawtah awm hman tur a ni. Kal turte chuan tiffin pai tur a ni a. 2 Wheeler neite’n keng tura beisei kan ni bawk.
Pi Dorothy Eaton Watts boral: Pi Doroty Eaton Watts (72) chu November 8, 2010 khan USA-ah a boral a, a vuina inkhawm hi November 11, 2010 (Thursday) khan Southern Asia Seventh-day Adventist Church, Silver Spring, USA-ah neih a ni. Pi Watts-i hi Pastor Watts-a Southern Asia Division President chawl ta nupui kha a ni a, amah hian lehkhabu 27 a ziak a, Morning Watch - This is the day tih te, Stepping Stones tih te, Getups tih te, Friends for Kids tih te leh Sabbath School Program Planner tih te chu an larin mi ngainat leh hriat an hlawh hle a ni.
Pastor Malsawma Tochhawng Kolasib-ah: Personal Ministries leh Sabbath School Department a thil pawimawh leh hriat turte zirtir turin Pastor Malsawma Tochhawng chu Kolasib-ah Sabbath ni hmang turin a kal.
Pu Lalnilawma Colney: Mizo Conference Executive Secretary Pu Lalnilawma Colney chu South Bungtlang,Chhimtuipui Circle-ah Biak in thar hawng turin tunkar Ningani (Nov 11) khan a kal.
AY Council neih a ni: Tunkar thawhtan zan (Nov 9) khan Ay Council neih a ni a, December ni 11&12-a Maubawka AYF inkhawmpui neihnaa kalna tur bus hmanna tur sum tuaka hnatlang neih a ni dawn. Member-te lo inring turin hriattir leh ngen kan ni e.
November ni 27 hian kan Kohhran-a upate pualin hun hman a ni dawn a. Hemi ni hian upate chawimawina hun hlimawm tak buatsaih a ni ang.
Kumin chhung ngei hian Pathfinder Camp neih tura rel a ni bawk.
Pastor PL Biakchhawna’n inneihtir: Andrew Lalnunzira S/o Robuanga leh Lalfaksangi te Tlangsang Seventh-day Adventist biak inah tunkar nilai (Nov 10) khan Pastor PL Biakchhawna’n a inneihtir a, Tlangsang mipuite’n Adventist innei an hmuhnawm an tiin ropui an ti hle a ni.
Subscribe to:
Posts (Atom)