Naktuk Sabbath ni-ah chaw nghei tawngtai hun urhsun hman a ni dawn a, Kohhran mite tel vek tura beisei kan ni e. A hnuaia tarlante hi kaihruaitu tur atana ruatte an ni:
Upa S Lalkamlova - Zing dar 7: 00 atanga Sabbath School
Pr PC Liansailova - Divine Service leh AY inkar
Upa F Zatluanga - AY Inkhawm ban
Thursday, January 27, 2011
MISSION WORKER TRANSFER
~Zothanzauva Pachuau
Article ziak tura beisei ten an hman remchan leh tak lohah chuan mahni ha hawlh zawng ka’n thai kawi ve leh hram teh ang. "Hetiang lam thu hi chu ziak suh" ti a min ngen lawm lawmtu, Nupuite awm loh hlanin ka han leh ziak hram a, luhlul thlak teh e aw!
"Khawihli leh panchhia te pawh hi chhungril lama thohtu a nat viau chuan vun phui tak chu tawn kehin hnai a chhuak mai thin a, a hnaite a chhuah chuan a dam leh mai thin a lawm" tiin tun tum pawh hi chhungril lama min thohtu chu hnai chhuah ka’n tum dawn teh ang, a huaisual em lovang chu maw?
Isuan khawvela rawng a bawl hun chhung aia rei hret, Lalpa grape huana hna peng pawimawh tak, Zirna-In lamah hnathawkin ka lo bung chu a ni ve ta reng mai. Mission-ah hian khup thleng emaw chauh ka la daia, ka zei dawn lo riau hian ka inhre thin. Mahse, Pathian zarah kan dam a nih chuan kan la dai thuk tual tual dawn chu a ni si a le.
Hetia mission-a khup thleng emaw lek ka dai chung hian thil mak tak tak, ka hmu ve ta zeuh zeuh mai. Kan dai thuk tulh tulh ang a, kan la hre tam tulh tulh dawn chu a ni si a. A fim deuh leh nu deuh kan dai chang a la awm fo dawn a nih hmel. Mahse, mi tam takin an lo dai kai tawh a, vawiina thil mak hi ngaiah kan la nei ve mai ang chu.
Layment-te zing atanga mission worker-te ngaihnepna leh dah hniamna nasa tak mai hi keini Adventist-te zingah hian a hluar bik em ni? te ka ti thin. Kohhran pawl dangte’n an rawngbawltute an en dan nen chuan a dang deuh niin ka hria. Hmun thenkhatah chuan kan ordain minister, Pastor-te meuh pawh nawmnah takin ‘Tor-tea’ tiin kan ko a, fiamthu nan kan la hmang zui bawk a. Tawngkam duhtui lo leh sum kar nei lo mi thenkhat te’n, "Mission worker-te chu hmun danga hna hmu zo lo awm khawm, hlawh tlem te te hlawh awm tawk chauh" anga an sawi thawm ka hriat chang hian ka rilru hi a lo na thin.
Amaherawhchu, "Mite min sawina leh min hmuh dan chu kan nihna leh awm dan a ni lo" tiin tang tlat dawn ta ila, kan tang thui thei ang em aw? Lalpa hna zahawmna tihluhlang tawk leka hna kan lo thawh thin vang a ni mai zawk ang em? Hetia kohhran mite ngei pawhin hnathawktute an dah san theih lohna chhan hi. Chutih rualin luh chilh duh tak tak mang si lova, a him chin atanga sawisel leh dem thiam em em te kam chhuak hian thlarau nun hi a chawm mawlh si lo.
Mission-a kan luh chuan pension thlenga awmna ngaia awm thei kan ni lo, transfer a tul huna transfer tur kan ni tih chu worker zawng zawng ten kan hre theuh. Mahse, Conference committee-in worker-te a transfer chang hian, hmun kilkhawr leh Tripura lama sawn chu duhsak loh zawngte hremna ang deuha ngaihna thawm hi a lo ri ve ta faih faih mai. Keimahni leh kan hnathawh hi kan tithangtlawm deuh hian ka hre thin. Kohhran unau dangte inpekna leh an hnathawh dan atang hian zirlai zirtur kan nei ngei ang.
Presbyterian pastor chhuan berte zinga mi, Rev. Zairema pawh kha an hun laia lekhathiam ber kan tih thei ang; mahse, Silchar-ah sul su turin an dah a, kum 8 zet hnathawkin a kal mai. Synod Moderator kal chhuak ta Rev. Chawngliana pawh kha kum 36 Synod-a rawng a bawl chhungin kum sawm chuang zet chu Tripura field-ah lungawi takin a thawk. Rev. Lalrinmawia pawh ATC-ah Pathian thu zirtirtu pawimawh leh tangkai tak a ni a, PhD zir turin hotu lam pawhin phalna an pek vek hnuah Lucknow Mission field-ah thawk tura tirh a ni leh a, lungawi takin a kal mai. Tuna Serampur College-a Principal, Rev. Dr. Lalchungnunga pawh khu Aizawl Colllege-a Vice Principal a nih laiin missionary nih a duh a, college atangin a bang a, ATC-ah BD a zir ve leh a. A aia naupang fe ten an zirtir a, chumi hnuah mission field-ah hna hniam te atangin a tan leh duh nia maw le. An thiamna a san deuh avangin an transferna lamah an buai ve lo. An thawh chhan an hria a ni zawk.
Keini zingah pawh hian mi thenkhat, transfer an tawh changa an khawlai titi leh, pulpit tlang lawmthu sawi inpersan lutuk ka hriat chang hian mak ka tiin, ka lo ip nasa thin.
Biak in lamah chuan transfer an nih avanga an lawmzia Pathian leh kohhran mite hmaah hahipin an sawia; chutihlaiin pawn lamah chuan hotute demin "chumi te vang chu a ni" tiin thinrim engphiarin an lungawi loh thu kan sawi leh si thin. Kan lungawi lo a nih rau rau chuan Pathian leh kohhran mite hmaah chuan a derin lawm angin i insawi ngai suh ang u, Lalpa maicham hi lemchanna hmun a ni si lo. Ka thu han hnai chhuah chu a rimchhe deuh mai thei, a huaisual a nih loh chuan a dam ve mai ang chu.
He article ziaktu ngei pawh hi, eng tik ni-ah emaw chuan a beisei leh duh ang ni kher lovin transfer a la ni ve ngei ang; chutih hunah chuan a inpekna ai mahin a vuivai thawm a ring ang tih hlauhawm tak a ni.
"Khawihli leh panchhia te pawh hi chhungril lama thohtu a nat viau chuan vun phui tak chu tawn kehin hnai a chhuak mai thin a, a hnaite a chhuah chuan a dam leh mai thin a lawm" tiin tun tum pawh hi chhungril lama min thohtu chu hnai chhuah ka’n tum dawn teh ang, a huaisual em lovang chu maw?
Isuan khawvela rawng a bawl hun chhung aia rei hret, Lalpa grape huana hna peng pawimawh tak, Zirna-In lamah hnathawkin ka lo bung chu a ni ve ta reng mai. Mission-ah hian khup thleng emaw chauh ka la daia, ka zei dawn lo riau hian ka inhre thin. Mahse, Pathian zarah kan dam a nih chuan kan la dai thuk tual tual dawn chu a ni si a le.
Hetia mission-a khup thleng emaw lek ka dai chung hian thil mak tak tak, ka hmu ve ta zeuh zeuh mai. Kan dai thuk tulh tulh ang a, kan la hre tam tulh tulh dawn chu a ni si a. A fim deuh leh nu deuh kan dai chang a la awm fo dawn a nih hmel. Mahse, mi tam takin an lo dai kai tawh a, vawiina thil mak hi ngaiah kan la nei ve mai ang chu.
Layment-te zing atanga mission worker-te ngaihnepna leh dah hniamna nasa tak mai hi keini Adventist-te zingah hian a hluar bik em ni? te ka ti thin. Kohhran pawl dangte’n an rawngbawltute an en dan nen chuan a dang deuh niin ka hria. Hmun thenkhatah chuan kan ordain minister, Pastor-te meuh pawh nawmnah takin ‘Tor-tea’ tiin kan ko a, fiamthu nan kan la hmang zui bawk a. Tawngkam duhtui lo leh sum kar nei lo mi thenkhat te’n, "Mission worker-te chu hmun danga hna hmu zo lo awm khawm, hlawh tlem te te hlawh awm tawk chauh" anga an sawi thawm ka hriat chang hian ka rilru hi a lo na thin.
Amaherawhchu, "Mite min sawina leh min hmuh dan chu kan nihna leh awm dan a ni lo" tiin tang tlat dawn ta ila, kan tang thui thei ang em aw? Lalpa hna zahawmna tihluhlang tawk leka hna kan lo thawh thin vang a ni mai zawk ang em? Hetia kohhran mite ngei pawhin hnathawktute an dah san theih lohna chhan hi. Chutih rualin luh chilh duh tak tak mang si lova, a him chin atanga sawisel leh dem thiam em em te kam chhuak hian thlarau nun hi a chawm mawlh si lo.
Mission-a kan luh chuan pension thlenga awmna ngaia awm thei kan ni lo, transfer a tul huna transfer tur kan ni tih chu worker zawng zawng ten kan hre theuh. Mahse, Conference committee-in worker-te a transfer chang hian, hmun kilkhawr leh Tripura lama sawn chu duhsak loh zawngte hremna ang deuha ngaihna thawm hi a lo ri ve ta faih faih mai. Keimahni leh kan hnathawh hi kan tithangtlawm deuh hian ka hre thin. Kohhran unau dangte inpekna leh an hnathawh dan atang hian zirlai zirtur kan nei ngei ang.
Presbyterian pastor chhuan berte zinga mi, Rev. Zairema pawh kha an hun laia lekhathiam ber kan tih thei ang; mahse, Silchar-ah sul su turin an dah a, kum 8 zet hnathawkin a kal mai. Synod Moderator kal chhuak ta Rev. Chawngliana pawh kha kum 36 Synod-a rawng a bawl chhungin kum sawm chuang zet chu Tripura field-ah lungawi takin a thawk. Rev. Lalrinmawia pawh ATC-ah Pathian thu zirtirtu pawimawh leh tangkai tak a ni a, PhD zir turin hotu lam pawhin phalna an pek vek hnuah Lucknow Mission field-ah thawk tura tirh a ni leh a, lungawi takin a kal mai. Tuna Serampur College-a Principal, Rev. Dr. Lalchungnunga pawh khu Aizawl Colllege-a Vice Principal a nih laiin missionary nih a duh a, college atangin a bang a, ATC-ah BD a zir ve leh a. A aia naupang fe ten an zirtir a, chumi hnuah mission field-ah hna hniam te atangin a tan leh duh nia maw le. An thiamna a san deuh avangin an transferna lamah an buai ve lo. An thawh chhan an hria a ni zawk.
Keini zingah pawh hian mi thenkhat, transfer an tawh changa an khawlai titi leh, pulpit tlang lawmthu sawi inpersan lutuk ka hriat chang hian mak ka tiin, ka lo ip nasa thin.
Biak in lamah chuan transfer an nih avanga an lawmzia Pathian leh kohhran mite hmaah hahipin an sawia; chutihlaiin pawn lamah chuan hotute demin "chumi te vang chu a ni" tiin thinrim engphiarin an lungawi loh thu kan sawi leh si thin. Kan lungawi lo a nih rau rau chuan Pathian leh kohhran mite hmaah chuan a derin lawm angin i insawi ngai suh ang u, Lalpa maicham hi lemchanna hmun a ni si lo. Ka thu han hnai chhuah chu a rimchhe deuh mai thei, a huaisual a nih loh chuan a dam ve mai ang chu.
He article ziaktu ngei pawh hi, eng tik ni-ah emaw chuan a beisei leh duh ang ni kher lovin transfer a la ni ve ngei ang; chutih hunah chuan a inpekna ai mahin a vuivai thawm a ring ang tih hlauhawm tak a ni.
LAWRKHAWM
Pathfinder Meeting: Naktip (Sunday) khian Pathfinder Member zawng zawng leh Member ni thar duh zawng zawngte chu zing dar 10:00am-ah biak in kawtah kal khawm vek tur a ni e.
Women’s Ministries Camping: Aizawl Bial Women’s Ministries chuan hmeichhiate pualin Camping February 25-28 chhung khian an buatsaih dawn. Hmeichhia zawng zawng lut tura lo inbuatsaih lawk turin an ngenin an inhriattir a ni.
Pu Lalthanzara Colney Damdawi inah: Kan Head Deacon Pu Lalthanzara Colney chu tunkar khan dam lohna avangin Adventist Hospital-ah enkawl a ni. A dam that thuai kan duhsak e.
Ngengpui Crusade: Ngengpui, Lawngtlai District-ah Pastor PL Biakchhawna hovin Crusade neih a ni a, January ni 15 & 16 khan mi 12-in baptisma an chang.
AYF Inthlang: Tunkar thawhtan zan (24 Jan) khan OB thlanchhuahte’n Pu C Lalnunmawia te in Dintharah inthlanna an nei a, hengte hi kum 2011 AYF hruaitu atana thlante an ni:
President : Pu Chawngsiampuia
Exe Vice President : Pu H Vanlalruata
Secretary Treasurer : Pu Danmawia Khiangte
Asst Secy Treasurer : Nl Nancy Lalremruati
Parliamentarian : Pu C Lalnunmawia
Planning Chairman : Pu M Lalzidinga
Social Activities Chairman : Tv H Laltlanmawia
Public Relation Director : Nl HP Lalrinawmi
Religious Activities Chairman :Tv Lalmuansanga Khiangte
AYF Executive Committee Member chu Kohhran tin atangin mi pathum (3) inthlanchhuah tur a ni a, thlan chhuahte hming hi February ni 2 aia tlai lovah AYF Secretary hnenah thehlut tur a ni e.
Mizo Conference Adcom Thuchhuak Thenkhat: Jan 20, 2011 a Adcom Meeting neihah chuan Director thenkhat hna chanpual siam danglam a ni a, chungte chu:
Pu Lalnilawma Colney : Public Liberty, Religious Liberty, Global Mission, Voluntary Services.
Pu Darhmingthanga : Building Development, i/c Circle Leader, Barak Valley
Pastor PL Thlenga: Youth Ministries, Publishing
Ngenna: Kum 2011 chhunga Kohhran Department hrang hrang chu dinfel a ni ta a, council/meeting neuh neuh a awm fo dawn a, Committee thu chhuak leh Kohhran Member te hriat tur tul kan rel a nih chuan Department tina Secretary te’n AY Kantu Editor-te hriattir nachang i hria ang u.
Women’s Ministries Camping: Aizawl Bial Women’s Ministries chuan hmeichhiate pualin Camping February 25-28 chhung khian an buatsaih dawn. Hmeichhia zawng zawng lut tura lo inbuatsaih lawk turin an ngenin an inhriattir a ni.
Pu Lalthanzara Colney Damdawi inah: Kan Head Deacon Pu Lalthanzara Colney chu tunkar khan dam lohna avangin Adventist Hospital-ah enkawl a ni. A dam that thuai kan duhsak e.
Ngengpui Crusade: Ngengpui, Lawngtlai District-ah Pastor PL Biakchhawna hovin Crusade neih a ni a, January ni 15 & 16 khan mi 12-in baptisma an chang.
AYF Inthlang: Tunkar thawhtan zan (24 Jan) khan OB thlanchhuahte’n Pu C Lalnunmawia te in Dintharah inthlanna an nei a, hengte hi kum 2011 AYF hruaitu atana thlante an ni:
President : Pu Chawngsiampuia
Exe Vice President : Pu H Vanlalruata
Secretary Treasurer : Pu Danmawia Khiangte
Asst Secy Treasurer : Nl Nancy Lalremruati
Parliamentarian : Pu C Lalnunmawia
Planning Chairman : Pu M Lalzidinga
Social Activities Chairman : Tv H Laltlanmawia
Public Relation Director : Nl HP Lalrinawmi
Religious Activities Chairman :Tv Lalmuansanga Khiangte
AYF Executive Committee Member chu Kohhran tin atangin mi pathum (3) inthlanchhuah tur a ni a, thlan chhuahte hming hi February ni 2 aia tlai lovah AYF Secretary hnenah thehlut tur a ni e.
Mizo Conference Adcom Thuchhuak Thenkhat: Jan 20, 2011 a Adcom Meeting neihah chuan Director thenkhat hna chanpual siam danglam a ni a, chungte chu:
Pu Lalnilawma Colney : Public Liberty, Religious Liberty, Global Mission, Voluntary Services.
Pu Darhmingthanga : Building Development, i/c Circle Leader, Barak Valley
Pastor PL Thlenga: Youth Ministries, Publishing
Ngenna: Kum 2011 chhunga Kohhran Department hrang hrang chu dinfel a ni ta a, council/meeting neuh neuh a awm fo dawn a, Committee thu chhuak leh Kohhran Member te hriat tur tul kan rel a nih chuan Department tina Secretary te’n AY Kantu Editor-te hriattir nachang i hria ang u.
Wednesday, January 26, 2011
KAN HNIAM TUAL TUAL EM?
~Zothanzauva Pachuau
Tun hma deuh kha chuan Adventist-te hi lehkha thiam, sap tawng thiam kohhran niin kan inhre thin. Kan hotute lah kan ngaisangin tu el phakah mah kan dah ngai lo. "Saisu ang mai kan ni a, kan thleng ril tulh tulh a, kan lian tual tual," kan ti thin a nih kha. A ni reng tak a, kha tih hun lai kha chuan keimahni tawkah kan dinhmun a chhe lovin kan induh tawk ve viau pawh a lo ni mai thei. Khatih hun lai dinhmun nena khaikhin phei kha chuan tuna kan dinhmun hi chu sang tak, kan hotu mual liam tawhte duhthusam leh suangtuahna piah lam ram kan thleng hial tawh pawh a ni mai thei a ni.Tun hma ai chuan kohhranin tih tur leh ngaihtuah tur, buaipui tur leh hmalakna tur hna peng hrang hrang pawh a ngah tawh hle mai. Amaherawhchu, vawiin thleng hian Mizoram hmun tin deuh thawa Adventist-te zingah kohhrana mawhphurhna leh chanvo kan neih angte zah leh hlut thiam kan la awm meuh lo mai hi chu a mak tih loh rual a ni lo. Adventist kan nih ang hian Isua lo kal tur hi kan nghakhlel lova, kan phur lova, kan tui hek lo. Kan lo nih ve lak lawh tawh avangin a hmingin kan ti ve mai mai niin a lang. Pathian thu tak tak han khel leh buaipui pawh kan peih chuang lo. Hei hi kan nihna a ni tlat, zep rual a ni lo. Mi thahnemngai mi tlem te te avangin kohhran pawh hi a kal tawk tawk a ni ber. Kan tun dinhmunah chuan Local Church leh Mission-ah pawh mihring hman tlak leh chhawr-nahawm tlakchhamna a nasa ta tial tial. Kan inpekna lah a pawnlang sawt em em a, kan chhehvela kohhran dang unaute inpekna te nena khaikhin phei chuan kei ni hi chu kan hniam tak zet a ni. Tun ang zel a kan than chuan, thawktu mihring inthlahdahna leh tl^kchhamna avangin kan nih tur ang kan ni pha dawn lova, kan kova mawhphurhna hi midang kovah nghah a la tul ngei ang. Chuvangin Isua nun en chungin, Pathian Thlarau Thianghlim tanpuina zarah kohhran hian Revival leh Reformation chu a neih ngei hi a tul takzet a ni. Tum khat chu Artist ropui tak, Michael Angelo khan Mosia lim hi lung atangin a chher a, Mosia la hmu miah lote pawh khan Mosia ang an ti em em mai a. Michael Angelo hnenah chuan "Engtin nge hetiang hian Mosia lem i chher chhuah theih" tiin an zawt a. Ani chuan, "Lung atang khan Mosia ang lo lai apiang ka kher thla zel a, tichuan hetiang hian a lo chhuak ta a ni," tiin a chhang an ti. Hetiang deuh bawk hian, kan kristian nun kawngah hian keimahnia Krista ang lo lai apiang hi paih thla ila, sak deuh lai a awm a nih pawhin kheng thla ngam ila, a khen thl^kna hmanrua pawh hriam deuh a ngaih tum a awm ngei ang. Isua nun nena inang lo lai apiang kan tihthlak ngam chuan keimahniah Krista nun mawi chu a lo lang ang a, hun hnuhnunga kohhran mamawh ber harh tharna leh siamthatna chu kan chang thei dawn a ni.
Subscribe to:
Posts (Atom)