KOHHRANIN ePiano NEI THAR (Zaninah Hlanna hun tawi hman a ni dawn.)

Nikum hmasa lam daih atanga Kohhranin Keyboard tha lei tura hma a lo lakna chuan rah duhawm tak a chhuah ta. Tunkar Sunday (Jan16) khan Shillonga Constituency kalte’n Casio Company kutchhuak ePiano AP 420 Celviano an rawn hawn thleng ta. He Piano hi Cheng sing ruk leh sang sarih (67000) man a ni a. Sum neih sain a daih lohna chu Kohhran sum atanga hnawh khatin lei a ni.
He kan rimawi hmanraw tharah hian keys (Hmehna kuang?) 88 a awm a, ri chihrang 16 a nei a USB Port te neiin tunlai thei ang bera thuam a ni. He khawl hi Quintal khat chuang (101.3kg) laia rit a ni.
Rimawi hmanraw tha tak hi Pathian faka hlim leh phur zawka zai phah nan kan hman loh chuan a pamhmai hle ang le.

KUM 2011 ELDERS INCHARGE

Upa H Lalzidinga - Dorcas Society, Women’s Ministries;
Upa Lalngaihawma - Dorcas Society, Women’ Ministries, Health Ministries;
Upa Darhmingthanga - Sabbath School;
Upa Lalnilawma Colney - AY, AJY, Children’s Ministries;
Upa S Lalkamlova - Personal Ministries, Membership;
Upa F Zatluanga - Deacon and Deaconess;
Upa PC Liansailova - Family Ministries, Communication,
AY Kantu, Zaipawl, Sound, Hla Hruaitu
MEETING INCHARGE
Upa Darhmingthanga - Divine Service
Upa F Zatluanga - Tawngtai inkhawm
Upa PC Liansailova - Sabbath Zan inkhawm

UPA BIAL THEN
Upa F Zatluanga - Bial 1-na (Mission Compound, Pr HB Lalkhawliana te veng telin.)
Upa Darhmingthanga - Bial 2-na (7th Day tlang chhuahlam, Pr T Lalauva leh Pr C Thangpuimanga)
Upa S Lalkamlova - Bial 3-na (7th Day tlang te leh Zotlang)
Upa Lalnilawma - Bial 4-na (Chawnpui, Kanan
P. Biaksanga in thlengin)
Upa PC Liansailova - Bial 5-na (Vaivakawn, Hunthar, Dawrpui Veng thar)
Upa Lalngaihawma - Bial 6-na (Venghla)

EDITORIALIncheina

Incheina
Eng emaw lai atang khan thalai (a bikin mipa tleirawl hovin) necktie awrh chunga kawr (kamis) thun (tuck) lo va Biak ina inkhawm an ching a, hetianga inchei hi tunhma te kha chuan incheina mawi taka ngaih a ni lo va, inchei hmuh tur pawh hi an awm ngai lo. T.V. kan en nasa a, milarho incheina kan lo copy ve thin niin a lang. Necktie awrh chunga kawr thun loh pawh hi tunhnai lawk khan sap rama zaithiam thenkhatin an rawn ching thara, chu chu thalaite’n an lo copy ve a ni ngei ang. A pawi em em na sawi tur phei chu a awm lo pawh a ni mai thei, mahse Biak ina inchei nan a pawmtlakah kan ngei em tih hi inzawh a ngai kan ti em?
Heng an incheina kan copy hote hi mi lar, celebrity kan tih te an ni a, mi mit la tur leh incheina danglam deuha inchei chu an thupui ber pakhat a ni, a chhan chu celebrity an ni miau a. Mipui chawh hlim kha an eizawnna a nih avangin an tan chuan a tulna chen pawh a awm ang. Amaherawhchu anni ngei pawh hian a hun leh a hmun chu an thliar thiam hle. Hman ni lawka zaithiam lar Michael Jackson-a vuina-ah te khan danglam taka inchei hmuh tur an awm lem lo, mi lar tam tak kalkhawmte kha formal takin an inchei thap mai a nih kha. A hunah chuan smart takin an inchei thin tih kan hriat a tha khawp mai. Tunlaia zaithiam Lady Gaga an tih pawh hi Britian Lalnu a hmuh dawnin pangngai taka inchei turin an warning a ni awm e.
Ngaihpawimawh tul kan ti lem lo a nih pawhin; nakin lawkah thalai inkhawma chanvo neite leh inkhawm hun danga tantu leh fak hla satute, thusawitu hial te pawh an la ni ang; necktie awrh chunga kamis thun lovin inkhawm te min la kaihruaiin, Pulpit-ah rawngbawlna thianghlim te an la nei dawn a nia (tuna kan thalaite hi nakin lawka kohhran ban turte an ni si a). Chung hunah chuan kan ngaimawh ang em?

AY THU

Nizan (Jan 20) khan AY Council neih a ni a, kum 2011 chunga AY rawngbawlna tur hma chhawp hrang hrangte sawi ho a ni.
Sum tuakna a tan Kohhran Member-te inah kalin Passport size thla an laksak dawn a, Copy 8 cheng 30-in an laksak dawn a ni. A duh apiang tan chhungkaw thla a lak theih bawk ang.
AY Department hian Thalaite inkawm ho nan leh thu thehdarh nan Facebook Group an siam a, 7th-day Tlang AY Society a ni a, a duh apiang tan join theih a ni e.
Facebook-ah hian Mizo Conferene of SDA group siam a ni bawk a, he group atang hian Conference thu thar tar chhuah reng niin lehkhabu pdf file eng emaw zat download theiha tarchhuah a ni bawk.

LAWRKHAWM

Pi Lalsawmzuali Sailo Damlo: Pi Lalsawmzuali Sailo w/o Pu Daniel Tete chu tunkar Thawhtanni (Jan 17) khan Newlife Hospitalah dam lohna avangin a lut a, Nimin (Jan 20) khan dam takin a chhuak. Damna tha tak a chan zel theih nan i tawngtaipui ang u.
Personal Ministries Council neih a ni: Sabbath Ral zan (Jan 15) khan Personal Ministries Council, Fellowship Hall-ah neih a ni a, Danial Pawl thawhlawm khawntu tur an ruat thar bakah Kum 2011 chhunga rawngbawl dan tur te sawi ho a ni.
Church Board Meeting neih a ni: Tunkar tawngtai inkhawm zan (Jan 18) khan inkhawm banah First Elder Upa H Lalzidinga kaihhruaiin Church Board Meeting neih a ni a. He Meeting-ah hian Dorcas Welfare Society, Women’s Ministries, Family Ministries, Communication, Children’s Ministries etc Council Member turte ruat an nih bakah thu pawimawh tak tak rel a ni. Meeting thuchhuak te hi Karleh lamah kimchang zawka tarlan tum a ni.
ePiano hlanna zaninah: Zanin inkhawmah ePiano hlanna hun hman a ni dawn a. hetiang hian program siam a ni:
Hlantu: Upa H. Lalzidinga
Pathian fakna hla sak hona: Dedicate zawh veleh hla pakhat sak ho tur a ni.
AY Leader-in sum la daih lohna leh mipuite hnenah thawhlawm khawn dan tur a puang ang a, Naktukah thawhlawm bawm hun a ni ang a, Member te thahnemngai taka thawh tura beisei kan ni e.
Northeast India Union Director tharte:
CC Dkhar – Communication and Health Department
MV Dkhar – Children’s Ministries Department
Betty Lyngdoh – Women’s Ministries
Vanlalnghaka Colney – Sabbath School, Personal Ministries and Publishing Department
SK Archete – Stewardship Department
P Kullu – Education and Youth Department
Zohruaia Renthlei – Ministerial, Global Mission and Extraordinary Tithe Department
LF Lungdoh – Family, Legal and Public Relation
Pu Kapzauva Hauzel - ATS Headmaster
AYF inthlan naktuk zanah: Naktuk zan (Jan 22) Conference Hall-ah kum 2011-a AYF hruaitu tur thlanna neih a ni dawn.
Ngenna: Kum 2011 chhunga Kohhran Department hrang hrang chu dinfel a ni ta a, council/meeting neuh neuh a awm fo dawn a, Committee thu chhuak leh Kohhran Member te hriat tur tul kan rel a nih chuan Department tina Secretary te’n AY Kantu Editor-te hriattir nachang i hria ang u.