BENGTLA LO: Tawngka lamah “I va han bengtla lo ve” kan tih chang a awm thin. ‘Bengtla lo’ tih tawngkam a an lo hman tan dan chu hetiang hi a ni awm e. Hmanlai chuan kan pipute chuan Bengbeh an beh thin a. Hmeichhia, Mi-tha fa leh awmthei, Lal nupui leh Lal upa nupui ten Sai-Ngho emaw an beh thin a. Sai-Ngho bengbeh chu a rih em avangin beng a fual duai thin a; Chutianga beng fual duaite chu mipui chung lam an nih thin avangin ‘Mi rawn tlak’ an ni thin a. Mi-chhia, bengbeh atana Sai-Ngho beh pha ve lo te chu mi hnuaihnung zawk deuhte an nih thin avangin mi rawn tlak an ni ngai lo. Heta tang hian Mi mumal lo, rawn tlak lo, nikhua lo leh tlaktlai lo lam sawi nan ‘Bengtla lo’ tih hi an hmang ta a ni.
MIZO TAWNG
BENGTLA LO: Tawngka lamah “I va han bengtla lo ve” kan tih chang a awm thin. ‘Bengtla lo’ tih tawngkam a an lo hman tan dan chu hetiang hi a ni awm e. Hmanlai chuan kan pipute chuan Bengbeh an beh thin a. Hmeichhia, Mi-tha fa leh awmthei, Lal nupui leh Lal upa nupui ten Sai-Ngho emaw an beh thin a. Sai-Ngho bengbeh chu a rih em avangin beng a fual duai thin a; Chutianga beng fual duaite chu mipui chung lam an nih thin avangin ‘Mi rawn tlak’ an ni thin a. Mi-chhia, bengbeh atana Sai-Ngho beh pha ve lo te chu mi hnuaihnung zawk deuhte an nih thin avangin mi rawn tlak an ni ngai lo. Heta tang hian Mi mumal lo, rawn tlak lo, nikhua lo leh tlaktlai lo lam sawi nan ‘Bengtla lo’ tih hi an hmang ta a ni.
BEL-RUAT: Hmanlai chuan Mizote hian chaw chhumna te, chawhmeh chhumna te, zu bilhna te hi ‘Vai Bel’(Hnamdang siam) an la hmu ngai lova, an nei ngai lo reng reng. Chuvangin Nu-in Hlum (Bellei) sawh ban hian Bel tur an vua (siam) a. Nu chuan Bel atana a vuak (siam) tur hlum sawhban chu “Hei hi ‘Tukthuan bel tur,’ hei hi ‘zanriah bel tur,’ hei hi ‘Ngan Bel tur’” tiin a ruat lawk diam thin a. Chutianga a ruat sa ang diat diat chuan Bel-ah a chantir ta thin a; he thu atang hian BEL-RUAT tih tawngkam hi a lo piang chhuak ta a ni.
: Hmanlai chuan Mizote hian chaw chhumna te, chawhmeh chhumna te, zu bilhna te hi ‘Vai Bel’(Hnamdang siam) an la hmu ngai lova, an nei ngai lo reng reng. Chuvangin Nu-in Hlum (Bellei) sawh ban hian Bel tur an vua (siam) a. Nu chuan Bel atana a vuak (siam) tur hlum sawhban chu “Hei hi ‘Tukthuan bel tur,’ hei hi ‘zanriah bel tur,’ hei hi ‘Ngan Bel tur’” tiin a ruat lawk diam thin a. Chutianga a ruat sa ang diat diat chuan Bel-ah a chantir ta thin a; he thu atang hian BEL-RUAT tih tawngkam hi a lo piang chhuak ta a ni.
