LAWRKHAWM

Remnant Revival Team Keifangah: Pu Lalthlamuana (Patea) te team chuan tun kar tawp Sabbath ni leh Sunday ni hmang hian Keifang an tlawh dawn a, Kohhran mite tawngtaipuinaah lawmthu an sawi rualin tawngtaipui chhunzawm zel turin Remnant Revival Team hian min sawm a ni.
AYF Executive Meeting vawi 1-na: Karleh thawhtan zan (Feb ni 7) ah khian Aizawl West AYF chuan kum ina Executive Committee Meeting vawi 1-na an nei dawn. Kan Kohhran atangin Tv Zodinmawia Pachuau, Nl H Lalhmangaihsangi leh Nl Lalramnghinglovi te Executive Member atan ruat an ni.
In thar luah leh in luah sawn: Pu F Lalengliana (Maenga) te chhungkua chuan tunkar Sunday ni khan Chawnpuia an in thar an luah ta. An luah thin Pr R Biakthansanga in chu Pi Lalrampari te chhungkuain an luah ta.
President Tripura-ah: Pastor R Biakthansanga chu tunkar ningani (Feb 3) khan Teliamura (Tripura)-ah Agartala-a Tripura Mission Headquarters hmun en turin a kal.
Deaconess Ordain: Deaconess la nemngheh lohte nemngheh an nih dawn avangin la nemngheh loh zawng zawngte inkhawm vek tura ngen leh hriattir an ni.
Publishing Department Director Council: Pastor PL Thlenga (PDD) leh Pu Daniala Sailo (Conference Treasurer) te chu Feb ni 8 khian Pune-ah Division pum huap Publishing Department Director Council hmang turin an kal dawn, Feb ni 22 vela lo haw thleng leh tura beisei an ni.
Adventist Hla Bu chhu leh dawn: Adventist Hla bu solfa awm leh solfa awm lo copies 1,000 ve ve (total 2000 copies) chhut belh leh a ni dawn a. Tuna kan hmanlaiah hian a dik lo a awm nual a ni tih kan hre theuh awm e. A thuziak dik lo, solfa inrem dik lo leh solfa awm leh awm lo hla bua thute a inang lo bawk a, hengte hi thahnem ngaia lo ziak chhuak a, Communication and AWR Office-ah 15th February 2011 hma ngeia thehlPastor Romawia Lungleiah: Pr. Romawia chu Conference Evangelist atan Conference Executive Committee chuan a ruat a, Lungleiah a awm ang a, a nupui Pi Sangpuii’n Southern Flower School, Chandmari, Lunglei-ah zirtirtu hna a thawk ang.
Helen Lowry School PTA Meeting: Tunkar ningani khan Helen Lowry School chuan naupang (Kg I - Cl VIII) nu leh pate ko khawmin CCE kalphung thar an zirpui.