Constituency Meeting: Thawhtan zing dar 7:00 rik hma deuh khan North East India Union Constituency, Northeast Adventist College, Thadlaskein, Meghalaya-a neih tur hmang turin Mizoram atangin mi 55 (Pastors, Evangelists, leh laymen) bus 2 leh Bolero-in an kal. Anni bakah hian, Tripura East leh West Circle atangin Aizawl rawn tlawh kual lova kal mi eng emaw zat an awm bawk.
E Piano thar lei dawn: Kan Kohhranin hun rei tak ata kan lo tuak tawh Piano changkang tak chu lei turin hma an la tan tak tak ta a, karleh Sabbath ni chuan inkhawmnaah hman hman beisei a ni. He Piano hi sum tuak ngah sain a daih chiah loh avangin a daihlohna pawisa ngaihtuah belh a la ngai dawn a, a tul anga hma la tan la turin member-te beisei kan ni e.
AY OB Meeting: Tunlar ningani tlai khan AY OB-te chuan Pastor Rodingliana te Quarter-ah zanriah ei khawmin zanah Meeting an nei a. Thu pawimawh tak tak rel a ni a, Kumin chhunga AY Society kal dan tur tlangpui te sawi ho a ni.
Naktip Sunday atang khian AY Member Census neih a ni dawn. Naktuk inkhawmnaah Member-te hnenah lehkha dahkhah tur sem a ni ang a. Chu chu in lamah lo dahkhaha AY Hruaitute lo kal hunah lo pek mai tur a ni ang.
AY General Camp pawh kumin chhung ngei a neih leh tum a ni a. Tin, AY Sport pawh neih tum a ni bawk.
Innei dawn: Karleh thawhlehni (Jan 18) hian Nl H Laldawngkimi (Dinthar) leh C. Vanlalsawma te kan Biak inah an innei dawn a, Member-te tawiawm turin min sawn a, a tam thei ang ber kal kan tum dawn nia.
AWR leh AIR FM: Adventist World Radio leh All India Radio FM Aizawl Station chuan inremna siamin Aizawl FM Station atangin AWR Programme zan tin darkar khat chhung an tihchhuah sak thei dawn ta.
Pastor C Lalthanzika Memorial Service: Maubawk Kohhran chuan naktuk Sabbath ni khian Pastor C Lalthanzika Memorial Service an hmang dawn. Divine Service-ah an chhungte’n hun tawi an hmang ang a. AY Meeting-ah chuan ama chanchin sawina hun leh a hla leh a pa hla phuahte sain hun hman tum a ni. Telpui turin kan vaiin min sawm a ni.
School tan: Tunkar nilaini (Jan 12) khan kum 2011 School session tan a ni leh ta. Helen Lowry School pawhin Pathian malsawmna dawngin naupang thahnem tak an nei leh ta.
