Kum thar hi
Kum 2011 atana AY Kantu Issue hmasa ber chu a lo chhuak ta hram a. Nikum lam ngaihtuah chuan Pathian Malsawmna zarah khaihlak awm lo vin tluang takin kan tichuak thei a. Kuminah pawh hma sawn zel turah inngai ila a tha awm e.
Nikum lamah a man khawn inkhawn nawn palh tih te, thenawmte’n an dawn reng laia hmu ve tlat lo te kan awm palh thin tih kan hria a, tih ngaihna vak kan hre lo naa pawi kan ti hle. Kuminah Agent turin Puitling deuh kan inruat a, a man pek rualin Receipt in dawn zel theih dan tur kan ngaihtuah bawk a, mumal takin kan kal theih tawh pawh kan beisei a ni.
AY Kantu-ah hian mi thahnemngaiten thu in rawn thawh thin a, kum 2011 pawh hian lo thawh chhunzawm zel turin kan sawm nghal che u a, la thawh ngai lo pawhin vawi kum 2011 chuan article pakhat tal lo thawh ve turin kan sawm nghal bawk che u a ni. Article thawh tur nei chuan Kan Joint Editor Pu Zothanzauva Pachuau hnenah pek theih reng a ni e.
Department tina Secretary te hian Department thurel leh hmalakna te hi AY Kantu Editor hnena pek hi kan mawhphurhna a ni tih hriaa, dil kher ngai lo va bengvar chhuah mai turin kan inngen bawk a ni.
Mimal Examnaa ti tha, Zin, Dam lo tih te kan chhuah thei reng a, chhungte emaw mahni emawin Editor hnena sawi mai turin kan inngen bawk a ni.
