Aykantu

30 Sept

2011-09-30T07:55:00.000+05:30

COMMUNION SERVICE LEH DAY OF FASTING AND PRAYER

Naktuk Divine Service-ah Communion Service neih tur a ni a, Upa S Lalkamlova hun changtu a ni ang. He hun hi ngaipawimawh theuh tura ngen leh beisei kan ni.

Deacon Duty turte:

Chhang leh Uain sem tur: 1) Pu F Lalhriatpuia 2) Pu PC Lalthlamuana 3) Pu Chawngsiampuia

4) Pu C Zomuana 5) Pu Zothanzuala 6) Pu Joseph Lalmuanpuia

Tui buaipui turte: 1) Pu Daniel Tete 2) Pu Vanlalhluna 3) Pu R Lalhmachhuana

Duty turte chu Kamis var leh Kekawr dum haa Necktie awrh vek turin beisei an ni.

Poor & Relief Fund: Kan tih thin angin naktuk Communion Service neih zawhah Poor & Relief Fund khawn tur a ni ang.

Day of fasting and prayer: Naktukah vek hian Chaw nghei Tawngtaina hun nilengin hman leh tur a ni a. Member-te a tam thei ang ber tel i tum ang u. (Programme kimchang kan rawn tarlang thei lo va, a pawi kan ti hle)

THALAI HNATLANG NEIH TUR

Sunday (2 Oct, 2011)hian AY Hnatlang neih tur a ni a. Hmanraw ken turte: (Hmeichhia: buara or Leivung thiarna tur) (Mipa: Bawngtuthlawh, chempui, Suahdur, Thirtiang/tuthulh, dozer) Hnatlang turte chu Zing dar 9:00. A Hmun: KC Thanga Complex (Upa F Zatluanga kawmthlang)

SAITUAL BIAL DANIAL PAWL CHHANTU SILVER JUBILEE

Saitual Bial Danial Pawl Chhantu Silver Jubilee lawm turin Conference President Pastor R Biakthansanga, Pastor PL Biakchhawna te bakah Saitual lam khawchhuak leh member engemawzat Saitualah an kal.

NAUPANGIN PATHIAN THU ZIR

Sept 25 (Sunday) ni khan 7th Day Tlang Kohhran naupangte chuan nilengin Pu Zosiamliana hovin Pathian thu zir hona leh inhlan thar lehna an nei a. Naupangte an kal tain an hlawkpui hlawm hle.

October ni 6 (Thursday) leh October ni 9 (Sunday)-ah Pu Zosiamliana ho bawkin chhunzawm leh turin ruahmanna siam a ni a. Tiffin pai lehtheuh tur a ni ang.

Editorial

Kohhran chhung rawngbawlna

Rawngbawlna hi Kohhran din chhan pawimawh berte zinga pakhat a ni awm e. Rawngbawlna kan tih hian Kohhran pawn lama rawngbawlna chauh hi kan ngaihtuah a nih chuan a dik lo vang a. Kohhran chhunga rawngbawlna nen rualkhai takin a kal dun tur a ni ang. Kohhran member-te’n naute an nei a, kohhran hminga naute in ensak kan ching te hi thil tha tak a ni. Tunkar chho pawh khan Kohhran nuho chuan kohhran hmingin naute eng emawzat an ensak a, thilpek te an hlan a. Naute neite tan chuan a lawmawm em em dawn a ni.

Kohhran mite chu kan lawm a inlawmpui tawn a, kan lungngaiha inhnem tur kan ni a. Unau chhungkhat kan ni tih hriaa, kan harsatnate intawngtaipui tawn a, harsatna atanga intanpui tawn hi kan tih tur a ni reng a ni.

Khawlaia inhmuh te hian hun a awm a nih chuan hlim hmel pu chungin inbe thei zel ila, hun a awm lo a nih pawhin hlim hmel inhmuh a inkal pelh pawh thil tha tak a ni ang. Hei hi Kohhran hruaitute tih turah chauh dah lovin kan vaiin i ching ang u.

Member-puite sawichhiat hmang leh mi rel ching an awm a nih chuan anmahni chu dem mai lo vin; i tawngtaipui thin ang u. Thenkhat hi chu an sual vang pawh ni lovin, lo chin dawklak (Habit) vang chauhin mi an rel an rel ve mai bawk thin a nia.

Lawmte inlawmpui a, zirnaa hlawhtling te, hna thar hmute lawmpuite hi a dawngtu tan chuan a lawmawm thei em em a ni tih hriain lawmpuina thute hi ren miah lovin sawi thin ila, mite fakna hi an thih hun nghak lovin an hriat turin, an dam lai ngei hian i sawi thin ang u.

Article

“MI HRIAT RENG NAN HEI HI TI THIN RAWH U”

~Laltanpuia Khiangte

Mi thenkhat chuan Luka 22:19-a Isua tawngkam pawimawh tak, “Mi hriat reng nan hei hi thin rawh u,” tih hi lehlin dik lo niin an ngai a. Saptawng Bible-ah pawh ‘ti thin’tur angin a lang lo va, hriatrengna chawhlui an kil ho ni maiin an ngai a ni. Fundamental Baptist-ho buatsaih Thuthlung Tharah pawh “Hei hi ka taksa, in tana pek chu a ni. Mi hriat reng nan hei hi lo ti rawh u” a ti then mai.

Heti ang ngaihdan neitute thusawi hi chhut chian lem loh chuan dik thluamin a lang a. An sawi ang hian Saptawng Bible lehlin (version) hrang hrang han en hian ‘ti thin’ tia lehlin ai chuan, ‘ti rawh u’ tia lehlin a inhmeh zawk reng a ni. Saptawng Bible hrang hrang, KJV te, TEV te, RSV te, leh NRSV te chuan “Do this in remembrance of me,” tih vekin an dah a. The Living Bible chuan tlema her danglam hretin, “Eat it in remembrance of me,” a thung a. Mahse hei pawh hi “do this” tih nen a thuhmun tho va, a danglamna a awm hran lo. NIV te, Philips Modern English te, leh Jerusalem Bible te chuan “Do this as a memorial of me,” tiin an dah a. NEB erawh chuan he lai thu tak hi a ziak lang ve lo va, a phek hnuai lamah note siamin, “Some witnesses add the following: ‘which is given for you; do this as a memorial of me,’ tih a tarlang a. Saptawng Bible dang pawh rawn kual zel mah ila, ‘thin’ tih tel lo vek a nih a rinawm!

Saptawng Bible-ah ‘thin’ tih lang lo vek mah sela, Mizo tawnga ‘thin’ a tel hi a dik tho tho a ni. A chhan chu Thuthlung Thar ziahna tawng (original language) hi English a ni lovin Grik tawng zawk a ni a, he lai thu lehlinna pawh hi English Bible ni lovin Grik Thuthlung Thar ngei hmanga lehlin a ni. Helai thu hi Grik Thuthlung Tharah chuan, ‘touto poiete eis ten emen anamnesin’ tih a ni a, ‘ti thin’ tih lai tak chu ‘poiete’ hi a ni a. He thumal hi ti tura thupek, ‘imperative mood’ a ni a. Grik grammer-a imperative mood chuan tense a nei zel a, ‘present tense’ emaw ‘aorist tense’ emaw a ni thin. ‘Aorist imperative’ a nih chuan vawi khat ti tura thupek a ni a, a hnu leh zel a keng tel lo. ‘Present imperative’ a nih erawh chuan vawi khat tiha duh tawk mai tur ni lovin, ti leh zel tura thupek a ni a.1 ‘Poiete’ hi ‘present imperative’ zawk a lo ni mauh mai si a, ti zel thin’ tura thupek a ni tlat. Chuvang chuan kan Lalpan pindan chungnunga a zirtirte nena Zanriah an kil ho khan inthlahna chawhlui an kil ho a ni mai lo va, a lo kal leh hma zawnga kan chan ho zel tur, ama thisen leh taksa ngei hmangin sacrament thianghlim min dinsak a ni zawk. A ropui khawp mai!

He thu vek hi Paula pawhin 1 Korinth 11:25-ah a sawi ve a. Chutah pawh chuan ‘poiete’ tho a hman avangin ‘ti thin’ tih bawka lehlin a ni. Thuthlung Thar lehkhabu ziaktute zinga Grik tawng thiam ber ber pahnih Luka leh Paula te hian an tisual lovang tih ring ila. Sapho pawhin an lehlin fuh zan loh kha kan Mizo Bible letlingtuten dik tak maiin an lo letling hi a lawmawm hle mai. A thuhrimah ‘thin’ tih awm lo Bible hmangtu Saphote pawh khuan keini ang thovin Lalpa Zanriah hi a khat tawkin an kil ve thin tho va. Chuvangin Krista ropui taka a lo kal leh hma loh chu Lalpa Zanriah hi lo kil ho zel tur kan ni e.

(Footnotes)

1 “The present imperative denotes a command or entreaty to continue to do an action, or to do it repeatedly.” J. W. Wenham,

The Elements of New Testament Greek

. 1982, p. 74.

LAWRKHAWM

Business Meeting neih tur: Karleh Tawngtai inkhawm ban (4 Oct, 2011)-ah Business Meeting neih tur a ni a. Member zawng zawng kal tura beisei kan ni. Department hrang hrang Reoprt ngaihthlak a ni ang.

Lengpuiah Revival Camping: Kan Kohhran (7th Day Tlang) buatsaihin Lengpuiah Tunkar nilaini atang khan kohhran dang mite huapin Revival Camping buatsaih a ni a. Kan kohhrana hruaitu thenkhatte’n an chamchilh mek. Pastor Rodingliana leh Upa S Lalkamlova te Speaker an ni.

Remnant Revival Team Delhi-ah: Speaker Pu Lalthlamuana (Patea) leh Treasurer Pu Ralkapzauva te New Delhi-a Revival Crusade neia an kal pawh tluang taka Revival Meeting an neih hnuah tunkar nilaini khan dam takin an lo thleng leh ta. Revival Meeting hlawhtling tak an neih thu Speaker Pu Lalthlamuana (Patea) hnen atanga dawn a ni.

Pr Lalhluna Kolkatta-ah: Pastor Lalhluna chu tunkar nilaini (28 Sept) khan in-checkup turin Kolkatta-ah hruai a ni. Ani hi lung lam tha lo avangin tunhnai khan Damdawi inah hun eng emawti chhung enkawl a ni. Damna tha tak a chan leh thuai kan duhsak e.

Mizo Conference Office Staff lo haw: Sept. 18-a Mizo Conference Office Staff-te New Delhi-a Excusion-a kal chu, Sept. 28 khan Aizawl an lo thleng leh ta. An hlim hle nia thu dawn a ni. Tunah chuan Officer zin-te pawh Office-ah dawr theihin an awm leh ta.

North-east Pumpui inzaisiak top 3-ah tling: Lalbiakdiki (BDI) d/o C Lalrosanga kan Kohhran member tuna Chanmari venga khawsa mek chu North-east pumpui zaia intihsiak Doordarshan-in a buatsaihah a thiam pathum (3) thlanah tling chho zelin December thlaah Guwahati-ah Final neih tur a ni.

Naupang Zing Tawngtai Inkhawm: Naktuk Sabbath zing naupang tawngtai inkhawmah Dr Eileen Rinpuii thusawitu a ni ang a, Sweety Swansi tantu a ni ang.

24 September, 2011

2011-09-22T20:53:00.000+05:30

CHILDREN’S MINISTRIES HNATLANG NEI: 7th Day Tlang kohhran Children’s Ministries Department chuan September ni 18 (Sunday) zing khan Community Work an nei a. Naupang 60 chuang zet an thawk chhuak. Conference Workshop bul te, Kanan Veng pan thlakna Step te leh Pu Sangtluanga (L) kawt te an tifai. Zing dar 6:00-ah thawk tanin dar 9:00 thleng an thawk a ni.

SUNDAY-AH PATHIAN THU ZIR HONA:Pu Zosiamliana hovin September 25, 2011 (Sunday) hian 7th Day Tlang Kohhran naupangten Bible zirna neih leh tur a ni dawn a, zing dar 10:00-ah Fellowship hall-ah kim taka kal tur a ni. Bible, Adventist hla bu leh Tiffin ken ken theuh tur a ni a, pen leh note bu ken bawk tur a ni.

ZIRNAA HLAWHTLING
C Lalnunpuii d/o Lianchhumi chu tunkara BSc Nursing Result chhuakah khan Mizoram pumah 2-na niin Mizoram College of Nursing atangin Result tha tak a nei a. A hlawhtlinnaah a lawmpuiawm hle.

BUHFAITHAM KHAWNTU TUR
October leh November thla chhunga buhfaitham khawn turin hengte hi ruat an ni:
Mission Compound : Nl Hmangaihsangi & Nl Lianzuali
7th Day Tlang te : Pi Parmawii & Pi Zirkungi
Upper Kanan : Nl Dindini
Zotlang/Chawnpui : Vaninmawii & Lalthakimi
KC Thanga Complex : Nl Linda & Lalnunziri
Vaivakawn : Lalremruati & Mahmuni
Chawnpui : VL Ruati & Dansangi
Middle Kanan : Pi Zovi Sailo
Hospital Complex : Inpuii (?) & Enpuii

COMMUNION SERVICE DUTY TURTE:
4th Quarter, Lalpa zanriah neih huna Deacon Duty turte:
Chhang leh Uain sem tur: 1) Pu F Lalhriatpuia
2) Pu PC Lalthlamuana 3) Pu Chawngsiampuia 4) Pu C Zomuana 5) Pu Zothanzuala
6) Pu Joseph Lalmuanpuia

Tui buaipui turte: 1) Pu Daniel Tete 2) Pu Vanlalhluna
3) Pu R Lalhmachhuana
Sabbath Zing naupang Tawngtai: Naktuk Sabbath zing tawngtai inkhawma thu sawitu tur chu Pu Zosiamliana a ni ang a, dinpuitu tur chu H Lalrinsangi a ni ang.

Business Meeting hnai: Business Meeting a hnai a, Department tinin Report fel tak neih theih nan, report an buaipui tan mek. Department hrang hrangte inbuatsaih tura hriattir an ni

Keimahni: Remnant Press hnathawktute Delhi lama an zin avangin Ay Kantu Xerox-a tihchhuah a ni a, a phek a tam thei lo va, pawi kan ti hle. Karleh lamah chuan a pangngaiin a chhuah theih tawh a rinawm.

16 September

2011-09-17T07:18:00.000+05:30

COURTSHIP & MARRIAGE

Nizan (Sept 15) khan Conference -in Courtship & Marriage Sub committee a din chu Executive Secretary kaihhruaiin a room-ah meeting neih a ni a, Adventist mi leh sa ngei inneih theihna tura hma lak dan tur hrang hrang an rel.

Adventist Thalai duhawm tak tak, an nulat tlangval laia, kohhran thalai hruaitu fel tak tak ni thinte’n Kohhran an chhuahsan fo thin chhan lian ber mai chu Kohhran dang nupui pasala an neih thin vang a ni. He lamah hian hruaitute tan tan lak a tul hle reng a. Mahse, thil awllai tak erawh a ni hauh lo vang a. Taihmak leh remhriat a ngai ang.

Plan fel tak nei a (Case Study kan ti dawn nge) thil awm dan zir chian hmasak a ngai a. Data lak khawm a, chu data chu mumal taka remkhawm a, thlirna chi hrang hranga thlir ho hnuah ruahmanna siam a ngai a ni. “Hmanah pawh hetiang hian an tia, a tha khawpin ka hria,” tia tih ve ngawt hian thil tha a thlen tam vak lo thei.

Mizorama Kohhran lian ber Presbyterian chuan KTP unit tinah inelna thianghlim takin inelna an buatsaih a. Chu inelnaah chuan KTP Unit leh tinin Kum khat chhungin Kohhran Dan thianghlima innei engzat nge an neih? tih hi a ni. A number tam lam ai mahin, Dan 2-na emaw, kohhran dang nei emaw kha Report tel a ngai a. Chutiang a nih avangin Dan 1-naa innei tam hle mah se, Dan 2-na leh kohhran dang nei an tam zawk tlat chuan an Record a chhe tho tho thin. Chu chuan Thalaite thinlungah Dan 1-na hlutna a tipung a, chutianga inneite chuan ngaihhlut an hlawh phah thin.

SABBATH SCHOOL ZIRLAIBU

Fourth Quarter Sabbath School zirlaibu zawrh chhuah a ni dawn a, a man chu a pangngai ang a ni ang. Chanchin buatsaih lai hian English a lo la thleng lo va, Mizo Conference atanga kan hmuh ang chi kha chu lei theihin a awm dawn a. A baa lak a ngaih loh nan i inring theuh ang u.

ARTIFICIAL LIMB CAMP

Kut/ke lem (Artificial Limb) camp Rotary Club of Aizawl in January 2012 ah a buatsaih dawn a. Hetiang lama harsatna nei a, hre chiang duh tan heng No.-ah hian zawh chian theih a ni e.

Contact: 9436142013/9436140101/9436143503

EDITORIAL

Kohhran leh Khawtlang

Hmanni chu zirtirtu pakhatin a naupang Test a pe a, an zinga pakhat chuan a lo entawn tlat mai a. Zirtirtu-in a han man takah chuan a chhuanlam a sawi ta a, “Sir, min hre thiam rawh. Tunlai chu Chang kan zir thin a, zing tin leh tlai tin chhuah a ngai a; lehkha pawh ka zir hman lo a ni,” tiin.

A nuihzatthlak viau angin a lang naa hemi phenah hian thu pawimawh tak a inphum awm e. Pu Vanneihtluanga chuan, entrepreneurship Trainee te hnenah, “In hnuaia thawk turin Kohhran leh khawtlanga inhmang aiin inhmang lem lo zawng rawh u, chung chu i duh angin i chhawr tangkai thei zawk ang,” tiin a hrilh.

Kohhran leh Khawtlanga inhman a tha lo ve tihna ni lovin; kohhran leh khawtlanga inhmang thenkhat hian an eizawnna (Profession) hi an ngaihthat a, an hnain a tuar thin a ni. Kohhrana mi tangkai tak, mahse hnathawhna hmuna a huna thleng ngai lo leh, kohhran leh khawtlang thil avanga Leave la fo mai kan nih chuan kan hotute leh kan thawhpuite phurrit siamtu kan ni reng thei a ni.

Leave la chiah lo leh thiante tibuai chiah lo pawhin mahni hna thawhrim tur anga thawh loh phah nan a hman theih bawk. Chuvangin Kohhranah kan inhmang a nih pawhin, kan thawh theih tawk leh kan tlin tawk kan thawh thiam a pawimawh hle mai. Chutiang bawkin, hotute pawh hian, “Ani hi a tlawmngai thei,” tih vanga mi pakhat kuta mawhphurhna nghah teuh mai hian mi nunah harsatna kan thlen thei tih kan hriat thiam a pawimawh awm e.

Ni tina kan eizawnna leh chhungkaw enkawlna ber kan tih that loh chuan rawngbawlna dang chu a tla na har duh hlein a rinawm a ni.

HUN HLUTNA

Hlawhtlinna Lamtluang

Uluk taka ka han thlir vel hian, thenkhatin hun an khawhral mai mai lai hian, chu hun vek chu midangin hlawhtlinna remchangah an lo hmang tih ka hmu.~Henry Ford

Hun hi darkarin kan tihek huau huau ngai lo. Mitkhap kar te te hian kan tihek a ni. Vel mawng rereuhtea pawp pawh hi nikhua a rei chuan bel ruak ang tho a ni. ~Paul J Meyer

Tunge lal zawk? Hun hmangtu nge hun neitu? Hun hi kan hman tangkai rual chiah hian hun hi kan hmangin kan thunun tihna a ni. Kan han tangkai loh veleh hun hian min hmangin min thunun nghal thin. Mi pahnih inang lo tak mai an awm a, pawn lamah chuan inang chiahin darkar 24 pek ve ve an ni a, chhung lama an danglamna siamtu chu an hman tangkai dan inang lo chu a ni.

Mi tam tak chuan ni tina an hnathawh tura an hmachhawp hi an lupan hnathawh a, ngaihtuahna tak tak an seng lem lo. Han chut let vang vang pawha puitling tana hun khawhralna atan chauh nuihzatthlak khawpa hun tam seng ralin hna tlemte an thawkchhuak a, ngaiah an neih a, a pawina an hre lem lo a ni. An thawh let tam tak thawkchhuak thei tur khan tlemte chauh an thawk chhuak thin.

Hun hi, thil dang zawng aiin, ruahman lawkna leh hmachhawp duan fel loh vangin a riral nasa ber a ni an ti. Charles C Gibbons-a chuan,”Hun ran dan tha tak chu ngaihtuah lawkna leh ruahman lawkna fel tak siam hi a ni. Inngaihtuah lawkna atan minute nga i hman avang hian darkar khat lai hun tihekin hna chuang i thawh loh phah thei a ni.” tiin a sawi.

Hun ren kan sawi hian, hun tak tak hi va ren leh hman thiam vak theih a ni tak tak lo. Mahni inenkawl fel hi hun renna chu a ni mai. Inthununna leh phurna tlakchham vangin ni khata kan tihtur tih tak loh tam tak kan nei thin. Thenkhat hi chuan hma lam pan aiin hahchawlh hi nuam kan ti ve hrim hrim bawk. Thil tih hun a nih laia tihtur dik tak tih peih loh vanga hlawhchhamna hian hlawhtling tur tam tak beidawngin a siam thin. Thatchhiatna tlanbosan tur hian (1) hmabak ruahmanna tura Dairy leh notebook neih te, (2) mahni hnathawhna hmun ngai leh rilru sawrbingna tikhaihlak thei lak atanga inthiar fihlim te, (3) thil eng pawh tih dawn reng renga a hma thei ang bera bul tan te hi a tangkai hle a ni.

Thinrim, lunglen, lusun, mi ngei leh $ts$k tih ang chi hian mihring nun hi tam tak a khawhraltir a ni. Heng thil hi “i chungah thlentir suh!” tih theih a ni lo. Mihring nuna bet ve a ni. Mi tinin kan nei vek. Mahse, kan hmachhawn dan a inang lo em em thung a ni. Hetiang vanga rei tak inup buai ai chuan, puak keh vat ila, tap ila, kan rilru hahna zawng zawngte hi sakhaw puipate bulah emaw, kawppui leh thiante bulah emaw te han inphawrh fai vek ila, kan nuna thil inup tam tak hi sawi chhuak vek ila, chu chuan min tiengthawl a, nunphung pangngai min neihtir leh thuai thei a ni.

Machine gun preacher

by Tpa

Sam Childers chu kum 1962 khan North Dakota, USA-ah a lo pianga. A naupang lai chuan Pathian a ngaihsak thin a, mahse high School a kal lai chuan zu leh ruitheih thil khawih tan a. A nun chu rutheih thil leh a khawih nasat avangin a buai ta hle a, zu leh drugs addict niin hun rei tak chhung a khawsa a. Hemi hun lai hian Motorcycles khalh thin pawlah (gang) telin insual a hrat hle. Hetianga bawraw taka a nun a hman lai hian Pathianin amah ala hman dan tur chu a hre lawk kher lovang.

Kum 1992 khan Pathianah piantharna a chang ta hlauh mai a. Kum 1998 khan Africa ram pakhat Sudan a tlawh a. Sudan rama hel pawl pakhat ‘Lord’s resistance army’ hovin naupang chunga an chet dan chuan a rilru a khawih hle a. Lord’s resistance army (LRA) hotu chu Joseph Kony a ni a, an pawl hian naupang 30,000 chuang a ru bo tawh a. Mipa naupang tam tak an ruk bo chu an nu leh pa an thah luihtir a, chuan sipaiah an tan luihtir thin a. Hmeichhe naupang chu an pawngsual a, nawhchizuar atan an hralh thin a ni.

Sam-a chuan an ram lama a sumdawnna hlawhtling tak kal lai mek chu kalsanin, Sudan ramah hian fahrah enkawlna a siam ta a. Sam-a hian naupang enkawlna a siam “children village” ah hian naupang 200 vel an awm mek a, LRA ho kut atang hian naupang 1000 chuang a chhanchhuak tawh a ni. Sudan chhim lama fahrah enkawlnaah chuan children village hi a lian ber a ni.

Sam Childers-a hian naupang ven nan leh LRA kut atanga chhanchhuah nan hian silai a hmang thin a. Sam-a chuan tharum thawha chet chu duh lo hle mahse, napang ruk bo an thah leh pawngsual mai thin avangin AK-47 silai kengin a veng thin a, chuvangin ‘machine gun preacher’ tiha hriat a ni bawk. Sudan rama tanpui ngaite tanpui tura ram dang atanga pawl lo kal NGO an awm nual a, ram chhunga buaina leh indona a chhuah chuan Sudan ram chu an chhuahsan thin a, a ralmuan hunah an kir leh mai thin. Mahse a pawlte chu ram chhungah buaina emaw, indona pawh awm mah se, an chhuak ve ngai lo a ni. A harsat ber lai pawhin a rawngbawlna chu a chhunzawm reng tho a ni. A hi a rawngbawlnaah hian a nupui leh a fanu pahnihten an pui thin a. Heti hian kum 13 vel chhung chu Pathian hmingin Sudan ramah naupang enkawlin a hun a hmang tawh a ni. (http://miz.tanpuia.com/2011/09/13/machine-gun-preacher/#more-332)

LAWRKHAWM

Birthday Programme:Naktuk Sabbath School-ah Birthday lawmna hun hman a ni dawn a, July, August, September thla chhunga piangte chu Sabbath School hruaitute’n thutna tura an ruat lawkah thut tur a ni a. Naupangte pawh Birthday lawm turte chu Biak in puiah inkhawm tur a ni e.

13th Sabbath: Karleh Sabbath khi 13th Sabbath a nih dawn a, chanvo nei tur - Chang sawi tur emaw, Fakna hla bik sa tur emaw te chuan naktuk inkhawmah Sabbath School hruaitute hnenah inhriattir tur a ni.

Remnant Revival Team Delhi-ah: Speaker Pu Lalthlamuana (Patea) leh Treasurer Pu Ralkapzauva te chu New Delhi-a Refugee Camp-ah Revival Crusade nei turin nimin khan New Delhi an pan. September 16-27 chhung rawngbawlna hi neih tum a ni.

Pr HB Lalkhawliana US-ah: Pastor HB Lalkhawliana leh Pi Lalremi chu Mizo SDA Kohhranin Function an neihna hmanpui turin US-ah an kal. Tin, Nl Romalsawmi pawh US-ah chhungkaw thil pawimawh avangin a thang mek bawk.

Mizo Conference Staff New Delhi-ah: Karlehah Sept. 18 khian Mizo Conference Office Staff-te chuan New Delhi-ah Excusion an nei dawn a, Sept. 28-ah Aizawl lo thlen leh hman an tum. Officers zingah heng- Upa Lalnllawma Colney, Pu Daniela Sailo, Pi Nunthari Sailo, Pastor PL Thlenga te hi kal ve an tum avangin dawr duh chuan an lo hawn hun nghah a ngai dawn a ni.

Thalai inkhawmpui T-Shirt: Thalai inkhawmpui T-Shirt, Nl H Lalhmangaihsangi hnen atang a lei theih ta e. Rs. 250/- man a ni. Neih vek kan tum dawn nia.

Helen Lowry School: September 13 &14 khan Inspection neih a ni a, Inspection hi Pi Nunthari Sailo, Pastor P Kullu, Upa S. Lalkamlova, Upa Lalnilawma Colney, Dr F Lalnunmawia ten an nei a. Inspection Result hi tihchhuah nghal a ni a, Helen Lowry School Grade chu ‘C’ a ni.

September 9

2011-09-09T18:27:00.002+05:30

Lengpui revival camping-pui dawn

Lengpui Kohhranin kan kohhranah Revival Camping neihpui tura min ngenna chu Church Board meeting-in a ngaihtuah a, rem a tihpui hnuah Personal Ministries Committee kutah a hlan chhawng a. Personal Ministries-in tawngtai inkhawm ban khan a ngaihtuah a. Speaker atan Pastor Rodingliana, Upa S Lalkamlova leh Pu Zothanzauva te a ruat a. Nilaini khan Lengpui Kohhran hruaitute leh Personal Ministries Committee Member thenkhatin Joint meeting an nei a. September 23-a tan a, October 2 thleng neih tum a ni. Kohhran member tan Camping neih phawt a ni ang a, midang tan a hnuah chhunzawm leh tura ruahmanna siam a ni.

Aizawl West Children’s Ministries

Aizawl West Circle naupang inkhawmpui November thlaa neih tur atan naupang eng emaw zatte chuan Drama leh hla (Group & Solo) an zir tan ta. Naupang zaipawl hle tur pawh zir tan thuai tum a ni.

Aizawl West Circle Children’s Ministries OB-te pawhin inkhawmpui tur chungchang September ni 8 (Thursday) khan Pu C Lalnuntluanga te in, Maubawk-ah tlai chaw eiin Committee neih a ni.

Bible Society collectors

Hengte hi Kum 2011 chhunga kan Kohhran chhunga Bible Society Collector turte an ni: Pu Laldinthanga- Convener, Pu R Lalhmachhuana- Secretary, Pu Danmawia Khiangte, Pu Ramhunthara, Pu F Lalhriatpuia, Pu C Zomuana, Pu Joseph H Lalmuanpuia, Tv Nunchanga.

Kum 2011 chhunga kan Kohhran Target chu Rs 31,000/- a ni a. Donation pe duh emaw Membership fee pe duh emaw Anniversary thilpek pe duh emaw te tan kan remchan dan ang zela thawhlawm pek theih a ni. Heng kan hming tarlanah te hian zawhfiah theih reng a ni a, a duh tan pek theih reng a ni e.

Kohhran zaipawl Puan pe

Pi Rinmawii w/o Zosiamliana chuan Kohhran Zaipawl form tur puan a tum sak a, zaipawl hruaitute leh Member-te an lawm hle. Rawngbawlna leh biak in cheina atan mimal-in thil hlu tak tak an pe thin a, Kohhranin hma a sawn phah hle a ni.

Thawhlawm khawn

Thawhlawm khawn chungchang Lengzem chanchinbu-in a tarlang hi thenkhat, Kan kohhran mila her remin kan han chhuah chhawng ve ang e. Kan tangkaipui takin:

Bill emaw thawhlawm emaw khawntute in ina an lo kal hian engtin nge in lo chhan thin le? Chhungkaw thenkhat chuan, “Puitling kan awm lo.. tlaiah lo kal leh rawh,” tiin chhuanlam remchang apiang kan siam kual a, chhuanlam siam tur kan hriat loh tawpah ka pe chauh ang deuh a ni.

Chanchinbu kan la duh a nih chuan a man kan pe tur a ni. Church Building Fund leh Danial Pawl Thawhlawm Goal kan insiam a nih chuan kan pe mai tur a ni. Goal kan insiam a vawi 2 vawi 3 khawn nawn ziah ngai kan nih te hi thil zahthlak a ni. Kan nei lo pawh a ni lo, kan ngaihthah a ni ber fo.

A tlangpuiin, hetia thil khawntu tihkhawtlai chingte hi, a khawntuah an tang ve ngai lo a ni duh khawp mai. “Eng vangin nge kan chhungkua hi khawtlang leh kohhranin thawhlawm khawnah min ruat ve ngai loh le?” tihte pawh hi ngaihtuah chhuah nachang htiat awm tak a ni.

Cheng 50 lek vang hian chhungkua tihmualpho theih a ni tih i hria ang u. An rawn khawn hun awm hi kan hre vek a. Chhuanlam siam a, “Lo kal leh rawh,” tih ai chuan, ina awm apiangin lo pek mai theih tura lo inrin lawk hi chhungkaw fing tih dan a ni.

Hei hian mi mal nun ai mahin chhungkaw pumpui nepzia leh inthununna tlakchhamzia a lantir a ni. Chutiang chhungkua atanga chhuak chu nupui pasalah i nei duh ang em? Chutiang chhungkua ami nen chuan sumdawnna tih dun a him ang em? Ngaihtuah a ngai e.

PASTORAL PRAYER

~Zothanzauva Pachuau

Joint Editor

Khawvela kohhran tam tak zingah hian Seventh-day Adventist kohhrante hi inkaihruaina nei mumal ber pawl kan ni hialin ka ring. Tualchhung kohhran atanga General Conference thleng hian inkaihhruaina tha tak kan nei a, hei ngawt pawh hi thil lawm awm tak chu a ni. Inkhawm kaihhruaina pawh hi kan thenawm kohhrna unau dangte tih dan ang lo deuhin kalphung hran kan nei a, hei hi a tlangpuiin khawvel pumah kan tihdan a in ang. A bikin Vesper, Sabbath School leh Divine Service inkhawm phei hi chu khawi hmunah pawh kan hman dan a in ang lehzual. Hei hian khawvel puma Adventist-te kan inpumkhatna a tilang hle a ni.

Thianghlimna inkhawm kan tih (Divine Service) hi Adventist te’n Pathian kan biaknaah chuan kan dah pawimawhin kan duhtui lehzual a. He huna thusawi tur leh ding chhuaka chanvo chang tur ngawt pawh hian member awm remchang a piang hman ngawt a rem lo. Kan thurin leh rinna kawnga mi puitling deuh zawk te’n chanvo pawimawh an chang hram hram thin.

Divine Service inkhawm tanna hla sak zawh hian thingthi-a tawngtaina hun hman a ni thin a, he tawngtai hi a pawimawhin mi nazawng chan turah pawh an dah ngai lo, he tawngtai hi a sap tawng chuan, ‘Pastoral Prayer’ tih a ni. He pastoral prayer hi a tlangpuiin Pastor/Elder ordain-te’n an chang deuh kher thin. Pastoral Prayer hlantute pawh hian kar tluana kohhran member hna hrang hrang thawk, lo kal khawmte tana tisa leh thlarau lam malsawmna te, lawmthu sawina leh kohhran hruaitu leh rawngbawltute tan mai bakah Thuhriltu tana malsawmna leh dilna an thlen thin.

Keini Seventh-day Tlang, Mizoram Adventist kohhran tana Model Church, Headquarters Church-ah hian pastoral prayer kan hman dan hi kan namnul deuh em? A chang chuan he pastoral prayer hi hmeichhia leh ordain ni lem lo te’n kan hmang ve leh mai thin. Mi indaih lohna hmunah chuan hetianga tih chang hi chu awm ve bawk mah se, keini Seventh-day Tlang kohhranah hi chuan uluk deuh zawka hman dan a awm mai lo maw? Elder 7 leh service lai pastor bakah pensioner eng emaw zat an awm a, remruatna tha deuh zawk siam a nih chuan hmunpui lama an tih ang hian kan ti ve thei maiin ka ring.

DISPENSATIONALISM

Laltanpuia Khiangte

Dispensationalism tih hi Europe leh America rama an Pathian thu kalpui dan pakhat a ni a, kum 19-na chawhma lam atanga rawn lar chho tan a ni. Liberal zirt$rna lo chhuak dodaltu ber a ni a. A bul tumtu deuh ber chu John Nelson, Darby-a a ni a, ani kha Playmouth Brethren pawl dintu a ni bawk a ni. Darby-a hian hrilhlawkna thu leh kum sang rorel (millennialism) te hi a tuipui hle thin a. A zirt$rna hi America rama mi tam takten an lo tuipui ve a, chung mite nen chuan Dispensationalism bul tantu an lo ni ta a ni.

Darby-a leh a thuihruai, kum sang rorel tuipuihote (dispensationalists) hian Liberal zirt$rna firfiak chu dodalin, Evangelical zirt$rna thenkhatte chu firfiak takin an kalpui ve thung a. Bible thute hi dik lo thei lo a nih avangin a ziak ang thlap thlapa pawm mai tur a nih thute an sawi uar hle thin. Hun hnuhnung thurin hian an ngaihtuahna a chiah hneh hle a. Kum sang rorel thu phei hi chuan an Pathian thu kalpui dan a kaihruai hneh hle a ni. Daniela bu leh Thupuan bu te hi tanchhanin khawvel hun hi hun (dispensation) sarihah an then a. Hun sarihna, kum sang rorel hun chu a lo thleng tep tawh niin an sawi a ni. Thuthlung Hlui huna Pathian mite kaihruai thintu Dan chuan tangkaina nei tawh lovin an ngai a. Thupek sawm (Decalogue – Ten Commandments) pawhin Kristiante tan pawimawhna leh hlutna engmah nei tawh lovin an zirt$r bawk a ni.

Kum zabi 20-na t$r lama Larkina zirt$rnaah phei chuan Protestant zirt$rna kalhin, Genesis bua thil siam chungchang hrilhfiah nan Science zirt$rna eng emaw chen kalpui a ni a. “A tirin Pathianin lei leh van a siam a,” tih thute hi tuna kan chenna khawvel ni lo, kum maktaduai tam tak liam tawha mihring tluk vanga tihchhiata awm tawh lei hmasa leh van hmasa sawina angin a zirt$r a. Ni ruk chhunga thil siamte hi chu lei leh van hmasa khuh pila awm tawh, koh chhuah leh mai niin a sawi a ni.

Naupang 31-in Baptisma an chang

Kan Kohhran Children’s Ministries Department hmalaknain July ni 22-25, 2011 khan Salvation Camping neih a ni a, Pu Zosiamliana Speaker-ah hman a ni a. Chumi hnuah Follow up Programme neih chhunzawm niin Bible Zir honate vawi tam tak neih a ni a. Pu Lalrinsanga’n Baptisma Class a neihpui leh hnuin naupang duhawm tak tak sawmthum leh pakhatin September 31, 2011 khan Baptisma an chang ta a. Heng naupangte hi Puitling leh upa lam zawkte’n fimkhur tak leh dimdawi taka kan enkawl a pawimawh hle awm e.

Division leh Union Youth Director lo kal:Division Youth Director Pastor Ravindra Shankar leh Union Youth Director Pastor P Kullu te Youth Leadership Training min neihpui turin an lo kal.

T Shirt lei tur tlem awm: October thlaa Mizo Conference huam chhunga Adventist thalaite inkhawmpui lo awm turah a thlengtu Branch Serchhip Branch chuan T Shirt an siam a, kan kohhran pawhin 10 vel kan chang ve a, a lei duh tan AY Leader-te hnen atanga lei theih a ni e.

Sabbath zing naupang tawngtai inkhawm: Naktuk Sabbath zingah naupang tawngtai inkhawm neih leh tur a ni a. Tantu: Malsawmzela Tlau a ni ang a, Pi Lalramhluni Tochhawng thusawitu a ni ang.

Upa Lalnilawma Hospital-ah: Upa Lalnilawma Colney chu chanchin buatsaih lai hian Adventist Hospital-ah enkawl mek a ni a. Ngaihtuahawm erawh a ni lo. A Dam thuai theih nan i tawngtaipui ang u.

Kanhmun Biakin hawng: Karhmasa Sabbath (Sept 3) khan Mizo Conference President Pastor R Biakthansanga’n Kanhmun biak in thar a hawng. Kanhmunah hian nikum lamah khan Quarters sak zawh a ni tawh a ni. Biak in Platform leh thutthleng inkar kalna chhuah tile -te leh kohhran khuangte member thahnemngaite thawh a ni. Kohhran member 28 an awm mek a. Tunah hian Evan. Lalramnghaka Ralte-in a enkawl mek a ni.

Elder Pu H Zidinga te zin haw: Upa H Lalzidinga te nupa sap rama zin chu tunkar ningani khan an lo thleng leh ta.

Helen Lowry School: Vawiin (Sept 9) atang hian Pawl 11 leh 12-in Term exam an tan. Karleh (Sept 13, 14) khian Helen Lowry School hian Inspection an hmachhawn dawn a ni.

AY Meeting-a Musician turte: Keyboard - Tv David Lalramchhana, Guitar - Tv Zoremmawia Pachuau, Bass -Tv Lalrosanga, Drums -Tv Lalnuntluanga

2nd September, 2011

2011-09-02T18:04:00.000+05:30

Zaninah Evangelism Fund: Zanin Vesper inkhawm hi September thla Sabbath zan hmasa ber a ni a, kan tih thin dan angah chuan Evangelism Fund khawn hun a ni a. Inring ang u.

Sabbath zing naupang tawngtai inkhawm: Naktuk Sabbath zingah naupang tawngtai inkhawm neih leh tur a ni a. Tantu: Deborah a ni ang a, Pi Nunthari Sailo thusawitu a ni ang.

Conference hotute zin: Upa Lalnilawma Colney Hmarkhawlian-ah a zin a, Pastor PL Biakchhawna Serchhipah Department Promote-in a zin bawk.

Naute nei: Pu Daniel Tete leh Pi Sawmi Sailo te chuan tunkar nilaini khan Adventist Hospital-ah fanu duhawm tak an nei. An lawmpuiawm hle mai.

Kohhran Sum Audit: Tunlai hian Aizawl khawpui chhunga Kohhran sum Audit hna thawk mek a ni. Stewardship Depertment Director Pastor VL Sanglura hovin Pu Zakhuma Ralte leh Pu Vanlalnghaka Chhangte ten an nei a ni.

Samuel Zaithanpuia Memorial Football Tournament Final: 7th Day Tlang Pa United FC chuan HLS Hostellers 2-0-a hnehin a vawi 4-na atan Champion no mawi an chawi leh ta. Zemabawk FC pawhin Azova Memorial FC hnehin Pathumna lawmman an dawng bawk.

Naupang Divine Service: Naupang Divine Service inkhawma chanvo neitu turte: Thusawitu- Pi L Rotluangi, Welcome: Pi Lalhruaitluangi, Dinpuitu: Lalbiakdika, Lalawmpuia Kawlni. Fakna Hla: Lalhruaitluangi (Tluangtluangi) & Friends, Vanruatsanga. Thawhlawm: David, Alex, Thlamuanpuia. Zai hruaitu: Tv C Lalnuntluanga.

Insawn: Kan Circulation Manager Pi Lalhruaitluangi leh Pu Lalramluna te nupa chu Chawnpui veng atangin Helen Lowry School Quarters, Pu F Lalhriatpuia te in luah hnuaiah tunkar Sunday khan an insawn.

SURIA NGE EDOM ZAWK?

Kar hmasa chhuakah khan Thuthlung Thar lam kan sawi a, tun tum chu Thuthlung Hlui lam ami i’n thur chhuak ve thung teh ang.

“Chung lai chuan Suria lal Rezina chuan Elath khua chu Suria ram atan a la leh a, Judate chu Elath khua ata a hnawtchhuak a. Suria-ho chuan Elath khua chu an va luah a, tun thlengin an la awm a” (2 Lalte 16:6).

He lai thu hi indo chanchin ziakna a ni a. 2 Lalte 16:5 ah chuan Suria lal Rezina leh Israel lal Peka chuan Juda lal Ahaza an do rawn a. Jerusalem pawh an hual a; mahse an la thei lo tih kan hmu a. Chutih laia Jerusalem piah a awm, Juda ram chhim lam daiha mi Elath khua va lak leh theih daih si chu thil inhmeh lo tak a ni a.

2 Lalte 16:6 hian a sawi tum tak chu Suria leh Israel lalten Juda lal an tihbuai lai chu remchanga lo hmangin Edom lalin Juda ram khaw pawimawh pakhat Elath a lo lak thu niin a lang a. Suria tih hi Hebrai tawng chuan Aram tih a ni a, Aram tih leh Edom tih chu Hebrai Bible-ah chuan D leh R tih chauh loh chu a spelling a thuhmun vek a ni. Hebrai tawngah chuan D leh R hi inang tak a ni a, fimkhur loh chuan ngaihpawlh palh theih tak a ni. Chuvangin he laiah pawh hian copy chhawnna lamah, Edom tiha D dahna hmun tR an lo dah palh a nih hm>l a, Edom tih aiah Suria (Aram) tih a lo ni ta mai niin a lang.

Juda-te chanchin hlui (history) han chhui kir pawhin englai mahin Suria-in Elath khua an luah hun a awm lo va. Edom erawh chuan an luah tawh thin ngei tih hriat a ni thung. Chuvang chuan Saptawng Bible lehlin thenkhat (Revised Standard Version, New Revised Standard Version, New English Bible, Revised English Bible, New Jerusalem Bible, leh New American Bible te hi chhiar la)-ah chuan “Suria” ti tawh lovin “Edom” tiin an dah tawh a, Mizo Bible lehlin thar, Common Language-ah pawh “Edom” tia dah a ni ve tawh a ni.

Hlimna Ni

Sabbath hi engtin nge i hman thin? Hlimawm i ti em? Seventh-day Adventist-te hi Dan zawma thiam chan tum niin min sawi fo thin a. A chhan pawh Thu sawm pek kan ngaihpawimawh vang a ni a. Thusawm pek zingah pawh Sabbath ni phei hi chu a dang zawng aiin kan sawi zing thin. Chutiang ngaihdan lo siam thei tur takin thenkhatin Sabbath ni a tih thiang lo tam tak kan insiam a, Thianghlim leh urhsun taka Sabbath kan serh chuan Pathian kan tilawm thei ang, tih ngaihdan nei angin kan lang fo thin. Chutiang avang chuan hmanlai Juda hunlaia Sabbath phurrita an neih hunlai ang khan Sabbath ni chu hlimawm takin kan hman loh phah fo thin.

Sabbath ni chu chawlhkar dang zawng aiin ni hlimawm a ni tur a ni a. Nidanga kan lo hahna te, kan hrehawmna zawng zawng lak atanga kan zalenna ni a ni tur a ni. Thusawmpek palinaah pawh a lang a. Pathian chu siamtu a nihzia lanna a ni a, Pathianin hun hnuhnunga a mite a Chhinchhiahna tur a ni a. Pathiana a mite’n lawmna an neih lohna turin Setana chuan Pathian mite a beihna a ni dawn a ni.

Setana tan chuan ringtute thinlunga Sabbath serh hi vanram kaina kawng anga lantir hi hna pawimawh tak a ni awm e. Chu mai ni lova, Sabbath ni chu ni hlimawm ni lo va, ni huphurhawm taka a lantir theih a, Naupangin ral thuai thuai se an tih tur khawpa a lantir theih phei chuan a tan chuan hlawhtlinna lian tak a ni ringawt mai dawn a ni. Sabbath ni hi Inkhawm lai leh Programme kan neih lai chauh ni lo, a minute tin mai hi hlimawm tak leh nuam tak a ni tur a ni. Nilngin Pathian nena inpawlna hun hlu tak a ni tur a ni a, kan rilrute kan tihharh tharna ni a ni tur a ni. Sabbath ni chu hlimawm taka kan hman chuan Sabbath chu lo thleng leh thuai thuai se kan ti thei ang.

Zirtawp tlai atang hian Sabbath boruak kan tem tan thei tur a ni a. Sabbath ni chu ni danglam bik a ni a, Pathianin a tihthianghlim leh mal a sawm a ni tih hre rengin Zirtawp tlai lam thleng thlenga buai tak taka thawh tur hna insiam lo ila, Sabbath ni chu kan hmuak a nih chuan a lo thlen hunah pawh hlim takin kan hmang thei dawn a ni.

Sabbath ni thianghlim taka serh tur hian tih thiang lo leh tih loh tur ringawt kan rilruah awm lo se, angtin nge hlim tak leh Pathian pawl nan kan hman theih ang tih lam hi kan ngaihtuah zawk thin tur a ni.

(AW)

NAUPANG ENKAWL

Naupangte hi an hluin Leia nu leh paten kan rohlu ber an ni. An aia hlu hi a awm thei chuang lo a, Lunghlu tha mi leh rangkachak engzata tam pawhin kan fate hi kan thleng phal hauh lo ang. Chuti a nih lai chuan kan fate nungchang leh anmahni ngaihsak hauh lo a mahni hna leh mawhphurhna ringawt buaipui nu leh pa tan a awl hle mai. Tawhsual leh thihna hial lo tawk ta se nu leh pa tam takte hi chu kan faten min mamawhna ang leh kan hmangaihna an mamawh ang kan pek loh avangin inchhirin kan kun ngei ang le! Sum leh pai leh ei tur tha te, thawmhnaw tha leh man to te, in leh lo leh lirthei tha ber ber chite ai pawha an mamawh nasat zawk chu kan hmangaihna leh ngaihsakna hi a ni.

Zirtirtu, nilenga school lama naupang zirtir tawh tan chuan in lama mahni fate zirtir a har duhin thin a chhe duh an ti thin. Kar tluana naupang School-a zirtir tawh hnua Chawlhnia naupang kaihhruai ngai leh thin pawh hi mi tam tak chuan an peih lo a, chhuan lam an zawng thin pawh hi hriatthiam loh lutuk tur a ni hran lo. Naupang kaihruai tur chuan taimak a ngai em em a: mahni fate ringawt enkawl pawh hi hna hautak leh sang tak a ni. Chumi baka midang fate la enkawl leh phei hi chu thil huphurhawm tak a ni a; mi tam tak chuan an peih lo a,ka thiamlo tiin chhuanlam an siam thin.

Kan fate aia hlu hi khawvelah an awm lo. In lama enkawl chu nu leh pate mawhphurhna a ni. Kohhranah pawh anmahni enkawl tur bik Children’s Ministries Department kan nei. Naupang lam Department hi ngaihthah lovin pawn lama rawngbawlna ang thovin an tana rawngbawl hi a pawimawh a ni tih i hre thar zel ang u.

Adventist Choir:August 28, 2011 zan khan 'Adventist Choir' (Mizo Conference Adventist Choir) Board of Director rorel tum 3 na neih a ni a. Choir uniform tura rawtna te pawmpui a ni a, Choir tana sum mamawh ADCOM-a putluh turte ruahman a ni. Zaipawl member Soprano bik tur mi 2 lakbelh tura rawtna chu pawmpui a nih bakah, Choir rawngbawlna tura program ruahman te pawmpui a ni. Adventist Choir hian an chet chhuahna hmasaber atan September 3 Sabbath hian kan kohhranah zaia rawngbawlna an nei ang.

Speaker dah

Pu Saingura Sailo te chhungkua chuan kan biakin Balcon-a dah atan Ahuja SMX-602 speaker pair (Tweeter made in Italy), cheng engemawzat man chu an thawh. Speaker hi a awmna hmun turah nizan lamah khan Sound System buaipuitu mi thahnemngai thenkhatin an dah nghal a ni. Mi inphalte zarah kan biakin pawh a lo changtlung ve chho zel e. AY Assistant Secretaty thar

AY Assistant Secretary Nl Susan Lalsangpuii chu lehkha zira a awm bo avangin a aiah Tv Lalrintluanga Colney chu tunkar thawhleh zana Church Board Meeting chuan a recommend a, naktuk tih chian a ni ang.

Camping hun sawn

Kohhranin Revival Camping hun tur atana September 9-11, 2011 a ruat hunah Camping neihna tur hmun a remchan loh avangin, kum tawp lamah neih a ni ang.

Bible zir hona nei

August 31, 2011 (Wed) khan Pu Zosiamliana hovin 7th Day Tlang Kohhran naupangte chuan Biak inah nilengin Pathian thu zir hona an nei a, an hlawkin nuam an ti hle.

Naktukah Baptisma chang dawn

Naktuk Baptisma channa hun hman a ni dawn a, Baptisma chang tur mi eng emaw zat an awm. Naktuka baptisma chang turte hi Adventist ni naupang duhawm tak takte an ni. Thla la turin Kohhranin Tv Zodinmawia Pachuau a ruat a. Ani hian baptisma chang apiangte thla a lo la zel ang a. Midangin lo lak buai ve a ngai dawn lo a ni.

26 AUGUST, 2011

2011-08-26T13:56:00.000+05:30

Kohhran |halai Sairangah

Naktuk Sabbath hmang tur hian Sairangah kan Kohhran, Zotlang leh Chawlhhmun thalai eng emawzat an kal dawn. Sabbath School Pu H Vanlalruata’n (Chawlhhmun) a zirtir ang a. Naupang Nl R Lawmzuali leh Tv Lalnuntluanga ten an zirtir ang.

Divine Service-ah Pu Vanlalhluna’n hun a hmang ang a. AY inkhawm chu Lengpuiah neih tur a ni a. Lengpuiah hian Dinthar leh Maubawk Kohhran thalaite nen hun hman ho a ni ang a, Kan kohhran Zaipawlte pawh zai turin an inbuatsaih a, Programme tha tak leh hlawkthlak tak hman i tum theuh ang u.

Sairanga kal tumte chuan Zing dar 8:00-ah Conference Office kawt atangin chhuah tur a ni ang. Kal turte chuan mahni inah chaw ei sa tur a ni. Mahni lirtheia kal turte pawhin Rs 40.00 thawh theuh kan tum dawn nia.

Revival Sub Committee Kohna

August 30, 2011 zan, tawngtai inkhawm banah Revival Sub Comiitte Memberte leh Revival Campinga chanvo nei tur zawng zawngte Fellowship hall-ah Committe neih tur a ni a, Committee-naa tel turte chu kim taka kal vek tura beisei kan ni e.

Samuel zaithanpuia memorial foorball tournament final

Tunkar Sunday khan 7th Day tlang Pa United FC chuan Champion tura rinkai Azova Memorial FC chu 2-1-a hnehin Final an thleng a. HLS Hostellers chuan Zemabawk FC te Tie break-ah hnehin Final an lut bawk.

August 28, 2011 (Sunday) hian Lammual-ah final hmuhnawm tak khelh a ni dawn a, fans lam pawh Helen Lowry School Hostellers-te leh zirtirtu te, 7th Day tlang nuho-te pawh kal tum an thahnem hle. Pathumna inchuhin Azova Memorial FC leh Zemabawk FC te an inkhel bawk ang.

EXHIBITION MATCH

Final khelh hma hian Exhibition Match hmuhnawm tak A hmapuar FC leh Thaibawih FC-ten an khel leh dawn bawk.

EDITORIAL

2011-08-26T13:55:00.000+05:30

Kohhran inkhawm chanvo

Kohhran inkhawmah hian chanvo hrang hrang, hla hruaitu, dinpuitu, tantu, banna siamtu tihte leh thil dang eng emawzat kan nei thin a. |henkhatin an chanvo ngai pawimawhin, tawngtai inkhawm a ni emaw, Sabbath School inkhawm a ni emaw, hma takah dar khatna rik rualin biak in an thleng thin a.

Chutih laiin thenkhat, mahni chanvo neih tum pawha inkhawm tan hmaa biak in thleng hman mang lo, a aiawhtu tur an lo inzawm ruk tawh hnu-a thleng chauh te an la awm thin. Chu aia lu tihai lehzual chu, chanvo pha si lo; tih tum si loho hi an ni.

Inkhawmna mai ni lo, bial thalai emaw, nuho pawl emawin Programme an buatsaih a, chanvo nei reng si, kal tum miah lo. An kal dawn loh thu hruaitute hnena sawi nachang pawh hre lo an awm thin. Hengho vang hian Inkhawm leh thiltih tam tak a nih tur angin a nih theih loh phah fo thin. Hruaitu ni ve si, “Min sawm ve lo va,” tia kal ve ta lo mai mai te pawh zu awm a. Midang sawmtu tur zawka ngaihte hi!

Kan dam a, chhungkuaah harsatna lian tak te kan tawk hlauh a nih loh chuan, hruaitute’n ti ve thei tura min ngaia min ruat a nih tawh chuan theih tawpa thain inbuatsaih ila, tawngtaina nen kan inbuatsaih chuan keimahni leh kan rawngbawlna ten hlawkna kan chang ngei ang.

SANGHAWNGSEI NGE HRUIZEN

2011-08-26T13:51:00.001+05:30

“Ka hrilh a che u, mi hausa Pathian rama luh aiin sanghawngsei hriau beng luh tlang a awl zawk” (Mathaia 19:24).
He thu hi at$ra ziak chhawnna lamah tihsual palh a ni mai thei a ni. Mi thenkhat chuan a inziak ang hian hrilhfiah an tum thin a. Hmanlai Jerusalem kulh kawngka pui s$rah hian kawngka te zawk a awm a. Chu kawngka chu “Hriau Beng” an ti a. Chu kawngka chu sanghawngsei in bawk khup chungin, harsa ti takin a kal tlang thin a ni an ti. Mahse a tak takah chuan heti ang kawngka hi Jeruslemah a awm ngai lo va. Heti ang an sawi tanna hi kum zabi 11-na lei vel atang chauh khan a ni a. Thutaka lak chi a ni lo; phuahchawp liau liau a ni.
Helai thu awmzia mithiam thenkhatte sawi dan hi i en chhin teh ang. Grik tawngin sanghawngsei chu ‘kamelos’ an ti a. Hruizen erawh chu ‘kamilos’ a ni thung. Heng thumal pahnihte hi lam fimkhur loh chuan ngaihpawlh theih tak a ni a. Midang chhiar lo ngaihthlatu chu a beng a that tawk loh chuan a chhiar loh ang zawka hriat daih theih a ni bawk. Chuti ang chuan Bible an ziak chhawn laiin a chhiartuin a chhiar dik loh avangin emaw a ziak chhawngtuin a chhiartu chhiar a lo hriat fuh loh avangin emaw, tih dik loh a nei thei a ni. Chuvangin ‘kamilos’ tih tur kha ‘kamelos tih a lo ni ta ang a, ‘hruizen’ kha ‘sanghawngsei’-ah a lo chang ta a nih hmel a ni.
Lal Isua tum ber ni awm chu, “Mi hausa Pathian rama luh aiin hriau benga hruizen thil thlang a awl zawk” tih niin a lang a. Heti ang hian tawngkam pawh a tluang nalh zawk a. Chuti ang tawngkam chu Judaten thil harsa tehkhin nan an lo hmang thin reng a ni.

LAWRKHAWM

2011-08-26T13:47:00.001+05:30

Sabbath zing naupang tawngtai inkhawm: Naktuk Sabbath zingah naupang tawngtai inkhawm neih leh tur a ni a. Tantu: Roneihhlua a ni ang a, Pi Nunthari Sailo thusawitu a ni ang.

Conference hotute zin: Pastor VL Sanglura Serchhip-ah Stewardship & Family Seminar neihpui tur leh Dinthar leh Chanmari Kohhran Audit turin a zin mek a. Pi Nunthari Sailo leh Upa Lalnilawma Colney-te pawh Chanchin buatsaih lai hian Champhai-a Kohhran School Inspection neiin an kal.

Sunday-ah Naupangin Bible zirho dawn: Pu Zosiama hovin Sunday-ah naupangin Bible zirhona neih tur a ni a. Zing dar 10:00-ah Biak inah tan tur a ni ang. Naupangte kim taka kal tum theuh ang u.

Kross Thuchah Puangtu Team Rabung-ah: Pastor PL Biakchhawn a hovin Kross Thuchah Puangtu Team chuan Rabung khuaah Home Crusade nei turin tukin khan Aizawl an chhuahsan. Pastor PL Biakchhawna hnen atanga AY Kantuin thu a dawn danin, Rabungah hian CD hmanga Pastor Biakchhawna Sermon ngaihthlak atangin chhungkaw pariat laiin tunah hian Sabbath serhin Vawksa te an lo ei lo a, chung mite chuan Kohhran pawl bik zawm an la nei lo. Rawngbawlna hlawhtling tak an neih theih na turin Pathian awmpuina i dilpui ang u.

AY Asst. Leader M.Sc Passed: Tunkar Thawhtanni khan Mizoram University chuan M.Sc Result tichhuakin, Nl R Lawmzuali D/o Pastor R Biakthansanga chu First Division-ah a passed.Tunah hian ani hi Helen Lowry School-ah Science a zirtir m>k a. A hna thawhnaah pawh mi taima leh viak tha tak a ni. A hlawhlinnnaah kan lawmpui a, a hmalam hun atan duhsakna kan hlan bawk e.

KOHHRAN REVIVAL CAMPING

2011-08-19T07:57:00.001+05:30

Ruahman lawk ang chuan September 9-11 chhung hian Revival Camping neih a ni dawn a, Speaker turin Pastor PL Biakchhawna leh Pastor Rodingliana te ruat an ni a. Camping na hmun tur atana State Training Center beisei chu a rem dawn loh avangin hruaitute’n hmun dang an dap mek a ni. Hmun dang a rem chang lo a nih chuan a hun sawn a ni ang.
Camping hi neih ngei a ni dawn a, Member-te thahnemngai takin tawngtaina nen lo inbuatsaih ila, Rawngbawltute tan leh Camping-na tur hmun tha tak kan neih theih nan i dil ang u.
Kan chhuah tawh angin, kan kohhrana inkhawm thin a duh apiang tan Camping hi luh theih a ni ang.

Adventist hla bu thar

2011-08-19T07:45:00.001+05:30

Adventist Hla bu chhut thar chu tunkar khan Mizo Conference Office-ah hralh theihin a lo thleng leh ta. A duh apiang tan Pu H Vanlalruata hnen atangin lei theih a ni leh ta e. A hma aiin tha zawk tura ngaih a ni. A man: Solfa tel lo Rs. 120/- Solfa tel Rs 150/- a ni e.

Editorial

2011-08-19T07:44:00.000+05:30

Hnathawktu
Hna thawh tur mahni zawnah kan nei theuh va, hna thawh tur nei lo, nutling patling nih si chu thil chakawm lo tak a ni awm e. Mahse, hna duh, thawk duh si lo an awm an ti. Sawrkar leh Private firm-ah te hna a awm chuan dil ve thei zel- thawk tura an lak a thawk tha peih mang si lo an awm fo thin. Ringtute tiha chuan a mawi lo hle.
Hna kan thawh hian kan thawh dawn leh kan thawh laia kan rilru put hian kan hna thawh a tinuamin a tihrehawm thei. Peih lo chunga kan thawh chuan kha hna kha hna hrehawmah kan siam a, keimahni leh keimahni kan inhrem tihna mai a ni. Phur taka kan thawh thung chuan hna hahthlak tak pawh hi hlim takin a thawh zawh thak theih a ni. Peih lo chunga thawh hian thawhpuite sawisel leh dem mai a awl duh khawp mai.
“Hna zahawm leh zahawm lo chu a thawktuin a zah leh zah loh azir a ni mai,” tiin an sawi thin. Eng hna pawh thawk ila a thawktute’n zahawm taka kan thawh a, rinawm taka kan thawh chuan hna zahawm a ni mai a. Hna ropui tak pawh thawk ila, zah lo tak leh ningnel deuha kan thawh chuan hna zahpuiawm tak a ni daih thei a ni.
Pathian hna kan thawh hian, hlim tak leh phur takin nge kan thawh a, “Nakum lamah chuan pha tawh teh ang, a hahthlak em mai!” ti rilru chungin kan thawk thin le?
Kan eizawnna hmuna kan thawhpuite hian phunchiar min ti nge kan bula hna thawh nuam an ti? “Ani awm achinah hian kan boruak a nuam lo vek,” tiin kan chanchinte hi an lo sawi a nih chuan, kan lanchhuahtir tur eng chu kan lanchhuahtir lo a ni ang. Pathianin ama tana thawk tur leh kan mihringpuite hnena malsawmna thlen turin min duh a ni tih hre reng chungin hlim tak leh phur takin kan hna theuh i thawk ang u.

TROJAN HORSE SETANA FREE GIFT

2011-08-19T07:42:00.000+05:30

2004 kuma film chhuak Troy kha kan en vek tawh awm e, David Benioff-a ziak niin Wolfgang Petersen’n a direct a nih kha. Trojan War hmuhnawm tak kan hmu a. Brad Pitt kha Achilles niin Myrmidons hruaitu ber kha a ni a, Orlando Bloom/Paris khan Sparta lal fanu Helen kha ngaizawngin an han ru chhuak a, Troy khuaah an hawn a, kha vang khan indona nasa rapthlak a rawn thleng ta a nih kha.
Trojan Horse
An han indo a, Trojans lam khan kulh an neih that em avang khan Spartan tan khan luh a harsa, chuvang chuan an tlawm titih ta a nih kha. Mahse fin phakar chhuahin an hawng der a, Trojan Horse kha an hnutchhiah a, Priam, Troy lalpa khan ngaihhruihna thilpek emaw a ti, chutih laiin Paris erawh kha chuan hal darh vek turin a ti a. Mahse apa chuan Troy khuah chuan a lalut ta tho thova, Chu Trojan Horse chhungah chuan Achilles te chu an lo tawm a, zanah an inrin loh laiin an run ta thut a nih kha, tichuan Sparta chuan Troy chu rapthlak takin a hal darh ta a !!
Trojan Horse Setana hmanrua !!
Hetiang chiah hian keini Kristiante pawh hian hmelma pa beihna kan tawk thin. Kan nitin khawsakna ah hian setana hian thil duhawm leh lawmawm tak tak min rawn tawktar thin. A then chu sum thianghlimlo a nih laiin a then chu zu hmun hlimna leh mipat hmeichhiatna hman khawlohna te a ni bawk a. Hengte hi han en mai chuan an itawm thin em em, kan nuna lakluh a chakawm ngawt thin bawk.
Kan ban phak maiah a rawn dah ta a, lakluh kan duh ta, chutah keimahnia Thlarau Thianghlim awm Paris-a khan hal darh vek turin min ti, mahse ngaithla duh lovin kan lalut lui ta a, tichuan nuam kan chen a, kan hlim a, nileng thak thakin kan lam hual ve ta a. Chutah kan thil tha lo lak luh chhunga Achilles-a leh a hote (setana leh a hote) chuan kan rinna a pan ber lai chuhin, kan inrin loh lai chuan min rawn bei ta thut thin a ni.
Tichuan nasa takin min ching phar ta a, keimahnia Pathian in kan lo din te pawh chu an hal darh ta a, kan thinlung chhung leh keimahni chu nasa takin mei anga halin kan thinlung chhung chu na takin min hliam a. Thlarau thianghlim thurawn kha lo ngaipawimawhin kan in chhungah khan lalut lo ta ila chuan kei leh ka nupui fanaute kan him tur a ni a! Tichuan kan harh chhuah meuh chuan kan lo tlai mah mah tawh thin si.
Chuvang chuan heng Setana free gift l^k chakawm tak takte hi i thliar thiam ang u, chuti lo zawng Troy film ang khan ka thinlung TROY chu hmelma pain luhkhungin a hal darh ve palh ang e.

EXHIBITION MATCH TEAM

2011-08-19T07:41:00.001+05:30

EXHIBITION MATCH
Sunday-ah Lammual inkhelhah Exhibition Match hmuhnawm tak a awm dawn a, tunhmaa Football lo larpui tawh thinten an vanglai hun an la phak nge phak lo enchhin duhin Team an siam a, hengte hi Team Hming list-a langte an ni:
Pu Lalthanzara
Pu Zakhuma
Pu Vanlalhluna
Pu Lalthova
Pu Biakzuala
Pu Ramhluna
Pu Ramhluna
Pu Zothanzaula
Pu Zorema
Dr Lalnilawma
Upa Lalnilawma
Upa Lalngaihawma
Pu Zomuana
Pu Lalmuanpuia
Pu F Lalengliana
Pu Lalnunmawia (Laltea)
Pu Lalchawiliana
Pu Lalchhuanmawia Tochhawng
Pu F Lalhriatpuia
Pu Daniel Tete
Pu Reubena
Pu PC Lalthlamuana
Dr Lalnunmawia
Pu Lalremsiama Tlau
Pu C Lalhriatpuia
Heng mite hian inkhelh laia hak tur kawr var lam ken \heuh tur a ni e.

Lawrkhawm

2011-08-19T07:32:00.000+05:30

Sabbath zing naupang tawngtai inkhawm: Naktuk Sabbath zingah naupang tawngtai inkhawm neih leh tur a ni a. Tantu: Loreta Zothanpuii a ni ang a, Pi Thankimi Colney thusawitu a ni ang.
Upa S Lalkamlova leh Pi Nunthari Sailo zin: Upa S Lalkamlova leh Pi Nunthari Sailo te chu Kohhran tlawhin Saiha lamah an kal. Lawngtlai Kohhran chu Company-a hlan tlak an nih leh nih loh an en a, Southern Flower School Inspection Aug 18 khan an nei a. Tun chawlhni pawh hi Lunglei lamah an la hman dawn nia thu dawn a ni.
Extra Tithe hnuaia Evengelist pual training: August 19 atanga tan turin Training neih ani dawn a, Pastor R Zohruaia, Union atangin a lo kal Training pe turin a lo kal a. Ani bakah hian Pastor PL Biakchhawna, Pi Nunthari Sailo, Pastor R Biakthansanga, Pastor Malsawma Tochhawng-ten hun an hmang bawk ang.
Pastor PL Thlenga Shillong-ah: Youth Director Pastor PL Thlenga chu Shillong Church-a Revival Meeting nei turin August ni 18 khan Shillong lamah a kal. Revival Meeting hi chawlhkar khat chhung neih a ni ang. Member-ten i tawngtaipui ang u.
Karleh Sabbath Sairang leh Lengpuiah: Karleh Sabbath-ah Sairang leh Lengpui tlawh tur a ni a, Sairangah Seventh-day Tlang, Chawlhhmun leh Zotlang-in chawhma hun kan hmang ang a, Dinthar leh Maubawkin Lengpuiah hun an hmang ang a, AY inkhawm chu Lengpuiah hman ho tur a ni. Member-te a tam thei ang ber kal kan tum dawn nia, kal turte chuan mahni zing chaw ei tur infunin Rs 40 thawh tur a ni e.
Samuel Zaithanpui Memorial Football Tournament: Sunday-ah inkhelh a awm ang a, inkhel turte: 7th Day Tlang Pa United FC Vs Azova Memorial FC HLS Hostellers Vs Zemabawk Semifinal a ni dawn a, en turin a thei thei i kal ang u. Semifinal bakah hian Exhibition Match a awm dawn a, a hmuhnawm hle dawn a ni.

2011-05-14T07:32:00.001+05:30

CHURCH BOARD MEETING NEIH A NI

Tunkar tawngtai inkhawm ban khan Church Board Meeting neih a ni a, thutthleng Project chak taka kalpui tum a ni a, biak in hmalama darthlalang vuah thuai tura hma lak a ni bawk. Tin, Pi Zapari Chawlhhmun lama a membership transfer a nih avangin Dorki hruaitu atan Pi Lalthuamliani Recommend a ni a, Deaconess atan Pi Lalrinkimi recommend a ni bawk. Nl H Laldinpuii aiah Nl Lalsawmpuii Tlau chu Ay Assistant Secretary atan recommend a ni bawk.

AYF SPORTS-AH SEVENTH-DAY TLANG CHAMPION

Tunkar Sunday khan Helen Lowry School tualah Aizawl West Branch AYF Sports neih a ni a, Volleyball te, basketball te, Sackrace te leh infiam na chi hrang hranga inelna leh intihhlimna nilengin neih a ni a, Kan Kohhran chu intihsiakna chi hrang hranga chak tam ber niin kan nomawi kan dawng.

INNEI DAWN

Tv Lalmuansanga Khiangte, kan AY Assistant Leader, Pathfinder Director chuan karleh thawhleh ni khian kan kohhran biak inah Nl RC Lalrempuii, Dinthar chu a nupui tak ni turin a nei dawn ta.

He inneihna hmanpui tur hian kohhran mite sawm kan ni a, tel theuh i tum ang u.

EDITORIAL

2011-05-14T07:30:00.000+05:30

Kohhran mite inneihna
Kan hriat angin tunkar nilaini khan Kan member chuan kohhran mi pasal a nei a, karleh lawkah kan member vekin adventist nula a nei leh dawn a ni a, inneihna hi kan chawimawi a, la innei lote pawh Kohhran dan thianghlima an inneih theihna tura kohhranin hma kan lak a pawimawh hle mai. Presbyterian kohhran chuan dan anga inneite an chawimawiin, dan anga innei nei tam kohhran nih tumin an tang nasa hle. Kohhran dang anga innei zat leh dan 2-naa innei zat an chhinchhiah thlap a, kum tawpah kohhran hmunpuia report an pe thin. Keini kohhran pawh hian hetianga a tha zawnga hma laka inelna neih hi a tihchi hlein a rinawm.
Kan kohhran Seventh-day Adventist thalaite hi kum 2011 chhung hian Kohhran dan thianghlima innei engzat nge awm a, Kohhran dan thianghlima innei lo, inru leh Mizo dan hmanga innei ta mai mai engzat nge awm tih hi hre ta ila khawi nge tam zawk ang a, engzatin nge a inthlauh ang tih hriat tum ila, chuta tang chuan rawngbawl zel dan tur pawh a hriat deuh ngei ang le.

KAN PATHIAN BIAK INKHAWM PHUISUI ZAWK NAN

2011-05-14T07:25:00.000+05:30

~Upa S. Lalkamlova

Kan ni tin nunah hian tawngkaa a ri-a thusawi hian hmun a chang thuk hle a. Biak-ina kan inkhawm pawhin thusawitute leh thupuangtute hnen atangin mipuiin thu kan ngaithla thin a ni. Thu kan sawi chhan leh thu kan puan chhan chu ngaithlatu mipui an awm vang a ni. Tichuan, mipui hriat tura thupuangtu leh a lo ngaithlatu chu an pawimawh ve ve a. Thusawitu emaw thupuangtu emaw chuan a ngaithlatu mipui pungkhawm chu a ngai pawimawh a nih chuan hriat theihin thu a sawi a ngai a ni.
Biak inah emaw, puipunna hmun dangah emaw, a huho leh malzai te kan ngaithla fo thin. Heng hmunah hian zai ri leh rimawi a inchawih chuan ngaihthlak a nuam a, Pathian biak a tinuamin a tizahawm thin. Hla thu luahlan hial khawpa rimawi (musical instrument) a rin lutuk chuan lung a tizingin, min timangang hial thei a ni. Mi tlemte punkhawmna hmuna music ring tak taka play te, ring tak leh rang zeta thusawite a inhmeh lo chauh ni lovin, a ngaithlatu lam tan ninawmah a chang hial thei.
Mipuiin a huhova Pathian kan biakna hi a lo hlimawma, a lo phuisui zawk nan thusawi kawngah te, rimawi hman thu-ah te leh, aw kan hman dan hrim hrimah te hian hma kan sawn a hun ta hle mai. Pathian malsawmna a zarah Biak in mawihnai zawk deuh te kan nei ve ta a. A chhunga inkhawm, member kal khawmte pawh kan lo changkang ve hret hret zel a. Heti a nih lai hian Biak in chhunga kan khawsak duh dan te, kan thusawi leh kan zai honaah te hian a tha zawngin hma ka sawm em? tih te hi inzawt thin ang u.Thangthar zawkte pawh hian Pathian biaknaa kan chanvo kan hlen that zawk theih nan hmasawn i tum ang u.
Chawlhni a lo thlen a, Pathian be ho tura Biak-ina ringtute kan pungkhawm thin hi a lawmawmin, a ropui tak zet a ni. Heti ang huna chiang leh fiah deuh a thu puan leh sawi ngaihthlak tur a awm chuan a lawmawm a; hriat hleihtheih loh leh chiang mang lo zeta kan sawi erawh chuan mahni leh mahni kan intei te tihna a ni thei hial a sin.
Kohhran mite inneihna
Kan hriat angin tunkar nilaini khan Kan member chuan kohhran mi pasal a nei a, karleh lawkah kan member vekin adventist nula a nei leh dawn a ni a, inneihna hi kan chawimawi a, la innei lote pawh Kohhran dan thianghlima an inneih theihna tura kohhranin hma kan lak a pawimawh hle mai. Presbyterian kohhran chuan dan anga inneite an chawimawiin, dan anga innei nei tam kohhran nih tumin an tang nasa hle. Kohhran dang anga innei zat leh dan 2-naa innei zat an chhinchhiah thlap a, kum tawpah kohhran hmunpuia report an pe thin. Keini kohhran pawh hian hetianga a tha zawnga hma laka inelna neih hi a tihchi hlein a rinawm.
Kan kohhran Seventh-day Adventist thalaite hi kum 2011 chhung hian Kohhran dan thianghlima innei engzat nge awm a, Kohhran dan thianghlima innei lo, inru leh Mizo dan hmanga innei ta mai mai engzat nge awm tih hi hre ta ila khawi nge tam zawk ang a, engzatin nge a inthlauh ang tih hriat tum ila, chuta tang chuan rawngbawl zel dan tur pawh a hriat deuh ngei ang le.

Circle of Love

2011-05-14T07:22:00.000+05:30

Georgi Kertikov chu ringlomi a ni a, Bulgaria rama awm a ni. Nu pakhat ina a electric khawl chhia siam tura koh a nih lai chuan chu nu chuan biak ina inkhawm puiah a sawm a, chu sawmna chu a hnar chuan a thilchhia a siamtir duh tawh loh takin tiin a inkhawmpui ve mai a.
Sabbath School class-ah chuan Thupuan bung 13-a sakawlh chugchang an zir ni tak a lo ni a. Georgi lah Chinese hmanlai thawnthu tuipui tak mi a lo ni a. Insual chanchin te, infiamna lam chanchinte a tuipui zawng tak a ni bawk a. Thupuana Dragon leh Sakawlh chungchang chu a ngaithla ngun kher mai. Indo te, thisen te leh dragon chungchang sawitu kohhran chu a kohhran duhzawng tak a nih ringin a inkhawm chhunzawm ta zel a, kum 2 hnuah chuan baptisma a chang ta nghe nghe a ni.
Georgi chuan nupui te a nei a, tichuan Global Mission a rawngbawltu ni turin Bulgaria thingtlang khaw lian vak lovah koh a ni ta a. Bible study Group 3 din a lo ni tawh a. Bulgarian group chuan member 5 an nei a, Turkish group-in ngaihventu an nei nual naa member chu an nei chiah lo va. Romani (gypsy) group chuan ngaihventu mi 7/8 chu an nei naa member an nei bik lo. Georgia chuan thla 18 chhung rawng a bawlpui hnu chuan Romani mite chuan baptisma an chang ta a ni.
Georgi chu Bulgaria ram chhim lama awm Chirpan khuaah sawn a ni a. Chutah chuan Romani mi tam vak lo an awm a. Hruaitu an neih loh reng avangin member thenkhat chu an bo hman tawh a. Georgi chuan member-te chu a tlawhkual nghal a, chutia rinna phatsan tawhtute pawh chu tlawh chhuak zel turin a fuih bawk a. Georgi Romani chu a ni lo naa Romani mite chu intlawhpawh tawn nuam ti tak leh chhungkhat laina te inkungkaihna ngai pawimawh tak an ni tih a hre thuai a. Member-te tlawh a, member intlawhtawn tura fuih chu thil tih tur hmasa ber niin a hria a ni.
In chhung bungraw siam leh electric hmanraw siam lama a talent neihte chu thian siam nan a hmang a. Natna avanga chesawn thei lote tan chetsawn theihna hmanrua a siam sak a, sakawrin a kawngkhar a tlawh chhiatna nu pakhat pawh a kawngkhar a siam that sak mai a, a thawh pah chuan Pathian thu a hrilh zel mai a ni.
Georgi chuan Kohhran member ni sate chhungte ringlomite chu ngaipawimawhin, chhungkaw inhmuhkhawmna hun a siam sak a, picnic te, infiamna hun te, computer zirna hun te a siam sak a, tichuan Krista chanchin a hrilh thin. Thalaite chu computer a zirtir tan nan typing a zirtir a ngai a, chutia typing an zir nan chuan Turkish tawngin Pathian hla bu te a siamtir a, chung chu biak inah te an sa thin.
Georgi hian a hna hi nuam a ti em em a. Thian siam nuam a tiin Krista a hmangaih a ni tih hi midang hnenah sawi nuam a ti em em bawk thin. Chanchin buatsaih lai hian mi 30 baptisma chang turin a buatsaih mek a. Krista hmelhriattir tumin thian eng emawzat a ziam mek bawk a ni.
Kan thawhlawm hmangin heng Missionary-te hi kan tanpui ve thei tih hriain thawhlawmte hi ui lovin Krista hmangaihna hre lo ten an hriat theih nan i thawh thin ang u.
Krista chu a lo kal thuai tawh dawn a, Khawvel ram tina a hmangaihna thu hril turin min tir a, hmun kilkhawr leh ram hlaah kal thei vek lo mah ila, tawngtaina leh thilpek hmangin rawng kan bawl ve thei a ni.

LAwWRKHAWM

2011-05-14T07:17:00.001+05:30

Pathfinder Meeting: Sunday-ah Pathfinder Meeting a hun leh hmun ngaiah neih tur a ni.

Mother’s Day: Naktuk Ay Inkhawmah Mother’s Day hman tur a ni dawn a, nu leh pa zawng zawng inkhawm theuh tum ang u. Naupangte leh nu la nei zawng zawngte chuan nute hnena pangpar pek tur lo inrin lawk tur a ni. Nu zawng zawng tan pangpar buatsaih tum a ni a, fate Aizawla awm remchang lo pawh kim taka inkhawm turin kan insawm a ni.

Helen Lowry School-in Graduation Day hmang: Tunkar thawhlehni khan Helen Lowry School chuan a vawi 16-na atan Graduation Day an hmang a, kum 2010-2011 School kuma Class X leh Class XII pass-te chawimawina leh thlahna hun hman a ni.

Nl TC Lalrinpuii te innei: Helen Lowry School-a zirtirtu leh Girls Hostel enkawltu Nl TC Lalrinpuii leh Evangelist Lalrinawma Hnamte te chu tunkar nilaini khan Chhiahtlang Seventh-day Adventist biak inah an innei. Helen Lowry School Staff leh Conference Office Staff mi eng emawzat inneihna hmanpuiin an kal. Nupa tuak tharte duhsakna kan hlan e.

Pu C Thangliana in lamah enkawl a ni: Pi Lalruatpuii pa, Lunglei Chanmari Kohhran Elder Pu C. Thangliana chu hun rei tak Civil Hospital leh Adventist Hospital-a enkawl a nih hnuin in lama enkawl turin lak chhuah rih a ni. Pu C. Thangliana tan hian i dilpui chhunzawm zel ang u.

Revival Camping: May ni 20 -22 chhung khian Champhai bial chhung chhim lam kohhran member zawng zawngte tan Seventh-day tlang-ah Camping buatsaih a ni dawn. Hmar lam tan pawh Camping hi buatsaih thuai tura hma lak a ni.
Tun kartawp chhung hian Seling leh a chhehvel kohhrante tan Camping buatsaih a ni dawn a, Pastor PL Thlenga Speaker a ni ang.
Tunkar tawp chhung vek hian Zotlang Kohhran chuan Tanhril rama UPC camping-na hmunah Thalaite pualin Camping an buatsaih dawn bawk a, Pu Lalthlamuana (Patea) chu Speaker a ni ang.

ADVENTIST YOUTH SOCIETY (Nilai zan khan OB Meeting neih a ni.)

2011-04-29T08:48:00.000+05:30

Tunkar nilai zan (April 27) khan OB Meeting neih a ni a, naktuk zan (Sabbath zan)-ah AYF Membership Fee khawn tum a ni. Naktuk inkhawmah thil Member-te dah khah tur lehkha sem tum a ni a, chumi lam khawm pah chuan Membership Fee, mi pakhat tan Rs 10/- khawn a ni ang.

AY Sports Naktip (Sunday) zanah Helen Lowry School kawtah Sports neih tum a ni a, he infiamnaah hian member zawng zawng kal tura beisei kan ni. Infiamna Football, throw ball, etc a tel theite chuan AYF Membership fee khawntute hnenah inhriattir nghal zel tur a ni. AY Hruaitute’n Team lo siam lawk an duh avangin tel turte hming hriat lawk a ngai a, hming lo pe lawk turin min beisei a ni.

HSSLC (CLASS XII) RESULT

2011-04-29T08:46:00.000+05:30

Kar hmasa ningani (April 21) khan MBSE HSSCL result a chhuak a, hengte hi kan member pass kan hriat theihte an ni:

Lalruatdika s/o Lalthanzara Colney

Vanlalthasangkima s/o Lalngaihawma

Laltlanzovi d/o Lalngaihawma

Linda Lalawmpuii d/o Lalluaia

Vanlalduhsaki d/o Vaninmawii

PC Laldinpuia s/o PC Zorinmawia

K Malsawmzuali d/o Lalzuithangi

Lalrinnungi d/o P Biaksanga

Joycelynn Ralte d/o Vanlalruata Ralte

Gladys Hmingsangzuali d/o Thangtluangi

Ziah hmaih kan lo nei a, chungte hria kan awm a nih chuan Editor-te hriattir turin kan inngen e.

HUALTU-AH HARHNA

2011-04-29T08:45:00.000+05:30

Remnant Revival Team-te’n April 21 - 27, 2011 chhungin Hualtu-ah rawngbawlna an nei a, Kohhranah harhna duhawm tak a thleng. Chawlhkar khat dawn camping neih a ni a, mi 130 vel an lutin Pathian Thlarau hnathawh duhawm tak avangin an hlim hle. Kohhran hruaitute leh thalaite’n Pathian hnena inhlan tharna neiin, Krista hmel hliahtu nia an hriat an thil neih te paihbovin chaw nghei tawngtaina nen Camping zawh hnuah pawh hun an hmang chho zel a, Kohhran hruaitute chuan, “Hetiang harhna leh hlimna hi kan kohhranin kan la tawng ngai lo,” an ti hial a ni. Hualtu Kohhran hi lawmthu sawi puiin i tawngtaipui zel ang u.

Remnant Revival Team Speaker Pu Lalthlamuana (Patea) chu vawiin khan Cherhluna Hnahthial AY Group Intawhkhawmnaa Speaker ni turin Lunglei lamah a kal. Pu Patea hian Kohhran mite tawngtaipui turin Ay Kantu kaltlangin min sawm a, a rawngbawlna leh a tan i dilpui thin ang u.

EDITORIAL

2011-04-29T08:43:00.000+05:30

Piangthar an ti che em?

Rawngbawltute, Kohhran Lay member te, kan vai hian miin piangthar niin min hria em tih hi zawhna pawimawh tak a ni awm e. Biak ina thu sawi leh mi hmaa din nikhuain Pathian nena inpawlna leh Testimony sawi fo thin mah ila, kan thusawi ngaithlatuten piangthar nun nia an lo hriat ang kha kan nuna an hmuh tlat si loh chuan kan thusawi chuan awmzia a nei tam lo hle ang.

Tirhkoh Paula’n Korinth mite hnena, “Ei tur hian ka unau a tihtluk chuan, ka unau ka tihtluk lohna turin kumkhuain sa reng reng ka ei tawh lo vang,” a ti a. Pawi lem lo nia kan hriat pawh hi kan unaute’n an tluk phah nana an hmang dawn a nih chuan tih loh mai tur a lo ni a. Ringtu tih awm loh tak kan ti a, ringtu awm dan awm loh taka kan nung fo a, ringtu sawi awm loh tak kan sawi fo mai chuan, mi’n tluk phah nan lo hmang lo mah se, kan rawngbawlnain rah tha a chhuah thei ngai lo vang.

Ringtu chuan kawng dik leh dik lo te, inchei dan phung te leh kawng hrang hrangah te dinhmun nghet (Principle) fel tak neih tur a ni a. Chungah chuan ‘a dik apiang te, a fel apiang te, a thangmawi apiangte’ zawn tur a ni. Chutih rualin kan ngaihdan hi a tha ber ziah kher lo tih hriat a tha. Incheina atana mawi leh zahawm ka tih hi ka thenawm tan mawi leh zahawm a ni lo thei a. Ka duh dan leh ka rilrem zawnga mi a inchei loh vang mai a, rel emaw sawisel emaw ka ching mai a nih chuan mite tan tlukna leh hnawksak mai ka ni thei.

Mahni nun theuh ngaihtuah ila, midang khawsak phungah inrawlh lutuk tum lo ila; an thlarau tanghma ngaia Krista hmel hmuhtir kan tum vanga thil ti leh sawi kan nih loh chuan inrawlh lo mai ila, kan unaute hmangaihin an tana tha tur ngaihtuah zel ila, hlim takin i dam chhung tawite hi i hmang teh ang u.

MIZO SUMMER MINISTRYSpicer Memorial College~Zothanzauva Pachuau

2011-04-29T08:37:00.002+05:30

Spicer Memorial College atanga Pathian thu zirlai duhawm tak tak, mi 25 zetin Mizoramah rawngbawl turin an lo chhuak a; hmuh an nuamin min tiphur hle mai. Zoram dung leh vanga Adventist Kohhran eng emaw zat tlawh turin an inbuatsaih a, an bul tanna atana Seventh-day Tlang Kohhrana hun an hmang thei kha thinlung takin an lawm hle niin ka hria.

Kohhran membert-te’n eng ang takin nge kan lo dawn sawn chu ka hre hauh lo; mahse kei, ka mimal lo thlir dan chuan, kha ti ang hun hlimawm leh hlawk thlak tak mai min rawn hlui thei kha ka lawm tak zet a ni. An thuchah nung leh awmze nei tak khan ka thlarau nun hi a chawi kang a, ka kristian nun kawnga ka mamawh, ei tur tha min rawn pe ni-ah ka ngai.

Sabbath zana Tv Lalbiakliana thusawi, midangte tana nun hman leh ngaihsak chung chang te kha a ngaihnawm mai ni lovin awmzia a va nei ril em! Kha ti ang Pathian thusawi nung tak, han ngaihthlak kha kei chuan nuam ka tiin Isua lamah chuan min hruai hnai ngei niin ka hria. Ka tlin lohna leh thiam lohna min hai lan sakin min kawh hmuh a; mahse, ka mamawh Isua chu min hmuhtir kha ka va han lawm em!

A tuk, Divine Service inkhawmah Pu Vanlaltluanga’n Kristian tha tak nih theihna kawng point nga a sawi ve leh a. Thawhlawm kan khawn avangin ka ngaithla kim vek hman lova, ka ui tak zet a ni. A thusawi tlem a zawng, ka hriat chhun pawh khan min hneh hle mai. Tun hmain Pu Vanlaltluanga te nen kan lo awm ho tawh thin a, thusawi a thiam tih kan hre hran lo. A dik tak chuan, kha ti ang taka thu tha kha a rawn sawi theih kei chuan ka lo beisei lo. Mahse, Ama insawi ang takin a inbuatsaih nasa a, Pathian Thlarau Thianghlimin a hmang a ni tih loh rual a ni lo. A thusawi zinga ka thinlunga la cham reng chu, “Insen Ralna” tih kha a ni. Atul hunah Pathian tana inseng ral ve tur hian ka thei ang em? eng tik nge a hun chu ni ang? Tirhkoh Paula leh Isua Krista te insen ralna phei kha chu a va han ropui leh zual a em!

He mite pahnih thusawi ka ngaihthlak hian ka nun a khawih danglam hle a, Krista-a ka thanlenna kawngah hian zirlai zir tur ropui tak tak min chhawp chhuah sak a ni. Pi White-in “Jesus Christ will be the center in every sermon” a ti ang khan, kan sermon tinrengah hian Isua Krista hi a laimu berah hman a nih zel chuan kan thlarau nun chu nasa taka chawmlenin a awm ngei ang. Kan Kristian nun kawngah hian than lenna tur hi a va tam em! Hun rei tak chhung chu Thurin 27 kan nei a; mahse tunah chuan “Growing in Christ” (Krista-a than lenna) tih hi belh a ni ta a, tunah chuan Thurin 28 kan nei ta. Thurin tam tak kan hriat hnu pawha kan mamawh tak mai chu Krista-a thanlen zel hi a ni; chuvangin Krista-a thanlenna thu Thurin atana an belh pawh hi tih awm reng a ni. Thusawitu tin te’n mipuite thlarau nun chawmtu tur thu, sawi chhuak thei turin tawngtaina nen i inbuatsaih sauh sauh thin ang u

LAWRKHAWM

2011-04-29T08:34:00.000+05:30

Pathfinder Meeting: Sunday-ah Pathfinder Meeting a hun leh hmun ngaiah neih tur a ni.

Adventist Music School hawng dawn: May ni 1, 2011 Sunday tlar dar 2:00-ah Conference Music School hawnna inkhawm, Conference Office-ah neih a ni dawn.

Adventist Music School: Mizo Conference Youth Department enkawl Adventist Music School-a kan kohhran atanga zir tura thlante chu - Lalnuntluanga, Matthew Lalhruaitluanga, Thasangkima Hauhnar, Muansanga leh Lalduhsaki te an ni.

Southern Flower School Staff Revival Camping: Lungleia Mission School awm chhun Southern Flower School Staff-te chuan Circle Leader Evangelist Thangliana Speaker-a hmangin vawiin tlai atanga tanin Thawhtan zing thleng awh turin Revival Camping an nei dawn.

Naisingpara ADRA-in tanpui: Naisingpara-a March 19 (Sabbath) chhun dar 12:00 vela kangmei tuarte tanpuiin ADRA hotute an kal a, Conference President Pastor R Biakthansanga a kal bawk. Chhungkaw 275 hnenah bungbel, thosilen, blanket etc., tunkar Sunday (April 24) khan pek an ni a, tanpuina an pek zawng zawng hi Cheng nuai 4.5 hu vel a ni.

Evan. Tlanthanga pizawn thi: Pi Zaikhumi (73) chu tunkar Nilaini (April 27) khan a thi a, Pu Tlana te in Zotlangah a ruang lak a ni a, Chhiahtlangah phurh a ni. Khawhar chhungte tan i tawngtaipui ang u.

Membership Census: Kohhran Member (a lunung) inchhiarna neih mek a ni a(Bial thenkhatah chuan zawh a ni tawh) Upa bial then hrang hrang mila bial then a ni. Census-na tur Form siam a ni a, Hming bakah, khawi kohhran atanga lo kal nge tih te, baptisma ni leh chantirtute ziahlan tur a ni ang.

HLS-ah Commerce: Helen Lowry School chuan kumin atangin Commerce an hawng tan dawn ta a. Karleh thawhtan atangin Class XI Class tan a ni ang. Tunkar nilaini (April 27) khan Lalthanpuii M. Phil chu Commerce Lecturer atan lak a ni.

Kan Va Lawm Tak Em!~Upa Ramengmawia KawlniSecretary Church Building Committee

2011-04-21T19:57:00.000+05:30

7th Day tlang atanga Zotlang Kohhran kan indanna kum 6 lai a lo ni ta reng mai! Hei leh chen Lalpan min puihna leh kan nu leh pa 7th day tlang Kohhran min uapnaah lawmthu kan sawi bang lo.
April 30, 2011 Sabbath zan hian kum 6 zet kan sak tawh kan biak in fellowship hall-ah in chhunluh kan tum a, chu mi tur chuan thil tul hmasa ber a tam em em a, ek in leh zun in, Electric Wiring, rawng hnawih - heng pathum hi thawh hmasak ber tur vek an ni a, pawisa a heh hle lehnghal.
Kan Kohhran sum bawma pawisa awmin a daih tawh si lo va, a hun lah chu a ni telin a hnai tual tual bawk si. Committee lu a hai hle mai a. Keimahni kan insawrfu hle hnuah kan nu leh pa 7th day tlang kohhranah sangha zawrh kan rawtthlu ta. Church Board-ah kan duhnate kan thlen a, Church Board-in sangha zawrh chu min remtihsak a, Carol erawh chu “a timing lo” min tihsak a ni awm e. Mahse, sangha zawrh mai kan duh tawk lo tlat bawk si! Carol lovin kan nuho an lng chhuak a, kan mi thilphalte an rawn lenchilh che ua, (Carol ni chiah si lovin) cheng tam deuh in lo pe kha kan lawm takzet a. Thilpek min petute hming han tarlan vek kan duh ngawih ngawih laiin a remchang chiah lovin kan hria a, kan tarlang ta lo mai a, min lo hrethiam mai ru.
Sangha kan zuar a, sangha min leisak lote pawhin kan hlep tur aia tam te min lo pe a, a thenin kg 1 cheng 500/- ten min lo leisak bawk a. Kan va lawm tak em! Kan lawmzia kan thupbo phal lo vam Ay Kantu kaltlangin kan han puang chhuak a ni.
Biak in sak nana sangha min lei saktu leh pawisafai min petu zawng zawng leh Ay Kantu chhiartu zawng zawngte April 30, 2011 Sabbath zana biak in kan luah tan zanah min rawn inkhawmpui vek tur leh in biak in sak, a hmun ngaia rawn hmu turin Zotlang Kohhranin kan sawm vek a che u.

COMMUNION SERVICE NAKTUKAH

2011-04-01T17:27:00.000+05:30

Naktuk Divine Servic-ah Communion Service neih a ni dawn a, Pastor H Zairemthanga’n hun a chang ang. He hun pawimawh tak hi mi tinin ngai pawimawhin kan vaiin tel theuh tum ila, tawngtaina nen lo inbuatsaih theuh ang u.

Deacon Duty tura ruatte : Pu C Zomuana, Pu Lalrinsanga, Pu Chawngsiampuia, Pu Nirmal Swansi, Pu CL Zohmingthanga, Pu F Lalhriatpuia

Tui buaipui turte: Pu Joseph Lalmuanpuia, Pu PC Lalthlamuana, Pu Zothanzuala

BUSINESS MEETING

2011-04-01T17:25:00.000+05:30

Karleh tawngtai inkhawm banah Business Meeting neih tur a ni a, Department tin atangin First Quarter chhunga rawngbawlna leh hmalakna report ngaihthlak a ni ang. Department hrang hrang Secretary leh hruaitute lo inbuatsaih tura beisei an ni. Business Meeting-ah hian kal thei chin leh kal thei lo an awm chuang lo va, Baptisma member chu tupawh kal theih a nih avangin, kohhran rorelna khawl sang ber a ni.

Business Meeting-ah Member kal kan tlem thei hle a, Church Board Meeting zat deuh chauh kan kal thin a, Member tin hian a pawimawhzia hria a, kal tum i tum theuh ang u.

TIRHKOH HNA RUAK

2011-04-01T17:23:00.000+05:30

Aizawl West Danial Pawl Chhantu hnuaia thawk turin tirhkoh hna a ruak a, Pathian rawngbawlnaa tuimi leh \hahnemngai tan dil theih a ni. Diltu chuan Kohhran recommend-na lehkha thil telin, June 7, 2011 (Tuesday) thleng Aizawl West Danial Pawl Chhantu Chairman leh Secretary hnenah dilna thehluh theih a ni.

Interview hun leh hmun chu a hnuaia mi ang hi a ni e.

Interview hun : June 12, 2011 ( Sunday) 11:00 a.m.

A hmun : Committee Room, Mizo Conference,

Seventh-day Tlang, Aizawl.

sd/-

C Lalnunmawia

Secretary

Aizawl West Danial Pawl Chhantu

Editorial

2011-04-01T17:21:00.000+05:30

Revival And Reformation

Kohhranin Harhtharna leh siamthatna Programme a kalpui mek a. Hetih lai hian lo thleng tura kan beisei leh kan tum hi a inang lo thei hle awm e. Thenkhatin hmanlaia harhna kan tih ang- khawlaite fang a, zan rei tak tak thleng a hlim taka zaia phur taka tawngtai ang kha an beisei a. Thingtlangah te kala Pathian thu, a rem loh rem lo, a hun leh hun lo pawh sawi lo va, tlangaupui tawn tawn hunte kha kan ngai a.

‘Fangrual’ an tia, khaw hran hrang member-te intlawh kualin hlim takin hun an hman laite ngaihtuah chuan khang hunte kha a ngaihawm hle mai. Mahse, khatiang kha kan beisei leh kan lo tum rilruk a nih chuan tunlai ang kum 2011 hunah meuh tawh chuan a thleng kher awm lo ve. Thlawhlai kalsana, hlo har tak tak hmaa hna thawh chhunzawm leh mai theih ang kha a ni lo va, tunlaia kohhran member-te hi chu ni 2/1 an hna han kalsan se, hotute Room-a insawifiah a ngai ang a. An chhunzawm lui a nih ngat chuan hna nei lovin an awm mai ang.

Kan khawvel hun zira harhtharna leh siamthatna hi kan kalpui a, kan beisei pawh hi her rem thiam a pawimawh hle mai. GC lama kan hotute pawh hian hmanlaia EG White-i te hun laia harhna leh an rin dan ang chiaha let leh tur khan member-te hi min beisei lo. Khang hun laia an lo rin dang ang Doctrines tihdanglam a awm ta nual a, Pathian thu hi vawi khata hriat vek theih leh hriat fiah nghal vek sen a ni lo va, James White te hun laia kohhran thurin leh tunlaia kan thurinte pawh hi a inang lo nual tawh niin a hriate’n an sawi. Hei hian hun kal zel mil hian kohhran pawh hian a rawngbawl dante a siam rem ve zel a ni tih a tilang a. Keini pawh hian kan tunlai member-te hun neih dan te, an rilru te hrethiam tak chunga revival & Reformation hi kan kalpui a ngai a ni.

Pr. L. Hmingliana Hriatrengna Inkhawm

2011-04-01T17:03:00.000+05:30

Pr. L. Hmingliana Hriatrengna Inkhawm

Date 15-03-2010

Place – Mizoram 7th day Adventist Conference Hall, Nisarih tlang

Eulogies – (A thawhpui leh thian ten a chungchang an sawi dan)

~Dr Rinpuii

Pr R Zohruaia chuan Hun tam tak Pr L Hminga’n inenkawl nan a hman thu leh Shillong-a an inhrawn dan te ngaihnawm takin a sawi a. A thih laia Shillong-a awm lo pawi a tih thu a sawi. A fapa Benjamin Lalduhsaka’n nupui a neih hma a thla thum teh meuh Bible Study-a a hrual thu a sawi, (A nupui tur erawh chu Pr Saizika’n bible study a pe thung).

Pr R.Biakthansanga’n Hun serh a hmangin fuihna thu a sawi.

Pr. HB. Lalkhawliana – “Mithuk, mi ropui a ni.”

Pr. C. Aitawna – “Administrator tha a ni, a hnuaia thawkte min hau ngai lo, a lungawi lohna chu a hmelah min hmuh duh chauh a ti. A thawhpuite hnenah News hi chu a headlines tal chhiar rawh u a ti thin. Sapte pawn a saptawng thiamzia an sawi.”

Pi Sangkungi – “Elementary School a kal laiin Pr. L. Hminga’n a zirtir hman. A thusawi thenkhat a la hriatte, ‘ka nakruh thenkhat an paih tawh a, ka tawng ring thei lo,’ a ti. Thil pakhat an zir a theihnghilh tawh miah loh tur a zirtir chu, “Sweetly sing the donkey at the break of day, if you do not feed him listen to what he say, he haw, he haw……(3);” Vawiin thlengin a la theihnghilh bik lo. Pi Rualngailovi puih hlekna nen.

S. Lalkamlova – “In sak a thiam lo,” Public Relation thiam lo a ni keimah ang thovin. Hotu Administrator a ni a – a mawhphurhnaah a tlanchhe ngai lo. Division Council ah te – Bible study pe turin dahban a ni ngai lo, policy a hria. A duhsak leh ngaihsante chu Pr. Sanglura leh Pr. Lalthankamlova. Thil sawi hluak hluak chi a ni lo. A thusawi a tunlai reng (a chhiar zau); a tawngkam a tunlai (a sermon te a ngaihnawm); mi rinawm leh mi dik a ni. A hriatna leh thiamnate chapopui tham mahse a chapo pui lo. A thuziak leh lehlin te hi a chhiar a nuamin tawngkam a mam nalh, Mizotawng a man tha. Sawrkarah te emaw lo lut nise Advisor ni tlak khawp a ni, mi principle nei mi a ni. Pathian mi tak, mi chapo lo a ni.

Pr. C. Hmingliana – “New Orleans a GC an zuk kal ho khan, Booth hrang hrang a awm a, a saptawng thiamzia khaa lo show ve zauh aniang saphote chuan an ngaisang riau mai a ti, pa titi thiam leh thusawi ngaihnawm mi tak a ni; thil sawidan a thiam. A thil sawi zinga pakhat Three(3) P’s – Piang, puang leh phun (pung). Pr. L. Hminga chuan a rochun te kan hria, keimahni theuh hi engnge a hnutchhiah? Engnge kohhran tan kan hnutchhiah ve ang? tih chona a sawi tel. Nun fimkhur leh nun uluk, mi tana hnawksak silo a nihzia leh chhung leh chi leh kuangte a duhsak bik ngai chuang lo.”

R.K. Sangliana – “District Council an tan tirhin a tlangpuiin sawrkar hlawh kha Rs.60 atanga Rs. 80 per month a ni a. BBA anih avang khan sum lam khawih turin sawrkarin a sawm a, Rs. 300 hlawh turin- chu chu a hnial fithla thak a ni. Engtikahge a lo zir kan hre lo mahse staff note te a chhiar thiam a ti. Khasi a thiam em thu kan hre lo, mahse saptawnga sawi kha Khasiin a let thin!

R.L. Sangvunga – “A thil hriat mite hnenah hrilh chhawn a thiam em em a, mi duham lo tak a ni. A huntawpa February thla a Pu Raltea nen Pu Hminga an zu tlawh khan, anmahni kha a lehkhabu ziah a lo present duh a, chu chu a muthmun atangin khawilai shelf ah nge tih leh a dahna chiah a sawi thei a ti. (Mi in chengvawng tak chu a ni.)

Office-ah hun a vawng dik em em a, hma takah worship turin a lo thu a, a zahawm em em mai a ti. A zu tawngtaisaktuten an tawngtaisak hnuin tawngtaina a lo hmang ve thin. Mizo Conference leh a chhehvela school a ni emaw, Evangelism chungchang a ni emaw Hospital hmasawnna te hian min ti harh tulh tulh thin a ti.

Dr. Kenneth Chawngliana - Mi danglam tak a ni. Presbyterian kohhran kan rilru a lo lutte chu Liangkhaia tih leh Rev. Zairema tih te a ni a. Baptist tih chuan Sawiluaia leh kohhran danga chuan Sapliana tih te Kawlkunga tih te an ni. SDA tih chuan HB Lalkhawliana tih te Lalhmingliana tih te a ni ve thung. Integrity nei, principle nei, hriatna sharp, Bula awm nuam mai.

Mite chuan Wedding Anniversary hrang hrang- Diamond te, Golden te, Silver Jubilee te an hmang a, kei hian eng Jubilee nge ka lawm ve theih ang a tih chuan, ‘Paper Jubilee’

i.e: 10 years anniversary hmang turin a lo hrilh. Saptawng chu a thiam a ni.

Lalnilawm – Amah kantu te suit nen nalh zaihin sitting room-ah alo kawm thin. Mi inuluk a ni.

Cowboy a ngaisang ve a, USA-ah pawh Texas-ah cowboy nunchang zir turin a zin vang vang a ni. Israel rama zin report a pe ngaihnawm. Sawrkar mite lo ni se, kan top citizen tur a ni.

Pu Ralte nupui chuan ti hian a sawi, “Mi mak tak a ni. A nu leh pate pawhin an zah.”

Kan Adult franchise kan exercise tur a ni ,Vote thlak tur a ni a tihna 1998 a Vellore a a sawi kha ka la theih nghilh lo, ka lo ngaihdanin a lehkha bu lehlin zinga pakhat Chatuan Nghahfak hi university-ah Mizo literature ang ah te an la zir thei ang ka ti.

KHAWVEL PUM HUAP RAWNGBAWLNA

2011-04-01T17:02:00.000+05:30

KHAWVEL PUM HUAP RAWNGBAWLNA

He ram chanchin tha hi hnam zawng zawng hriattirna turin khawvel zawng zawngah hrilhin a awm ang; Chu mi zawhah chuan tawpna chu a lo thleng ang.” (Matthaia 24:14)

Khawvela chanchin tha puan zawhna tura hmanraw pawimawh berte zinga pakhat chu Bible Ralchhan School (Bible Correspondence) hi a ni ngei ang. He Bible Ralchhan School hmang hian mi tam takin Krista an hmuh chian phah a. Krista’n keimahni kutah midangte Chhandamna thuchah chu a dah a ni.

Kan zavaia Vantirhkoh pathum thuchah kan puan theihna kawng chu V.O.P zirlai midangte hnena sem a, zirtir turin hma kan la thei a ni.

Bible Ralchhan School hi kum 1942-a din tan a ni a. Nikum 2010-a Report hnuhnung berah chuan khawvela ram 140 velah din a ni tawh a, chung rama tawng chi hrang hrangin zirlaite buaisaih a ni bawk.

Russia ram khawpuia Pastor Mark Finley-a ten Crusade an neih pawh khan memberten a hmain mi 100,000 vel chu V.O.P Graduate an lo nei tawh a, khami tuma baptisma chang tam berte kha V.O.P lo zir a, Pathian thlarauvin a lo luah tawhte an ni.

Isua lo kal thuai theih nan kan zavai mai hian kan hmanraw neih sa V.O.P zirlai hmangin thlarau bo mangangte hi zawng chhuakin Krista hnenah hruai kan tum ve thei dawn lawm ni?

Kumin chhung hian member tin ten V.O.P zirlai pahnih khat tal zirtirin Lalpa rawng i bawl ang u.

LAWRKHAWM

2011-04-01T16:57:00.000+05:30

Pathfinder Meeting: Sunday chawhma dar 10:00-ah biak in kawtah kim taka kal khawm tur a ni e.

AYF Membership Fee khawn dawn: AYF Membership fee khawn a ni dawn a, member pakhat tan Rs 10/- zel a ni ang. Hming, pa hming leh Address te kim taka ziahlan tur a ni ang.

Remnant Revival Team: Remnant Revival Team buatsaihin Lungleng thalaite’n naktuk Sabbath ni hian Khumtung thalaite an tlawh dawn. Tunhnai khan Khumtung-ah leh Lunglengah te hian Revival Meeting leh Camping te buatsaihin kohhrante an hlim hle. Remnant Revival Team-te hian karleh lamah Saiha-ah Revival Meeting neihpui an tum bawk a. Team member-ten kohhranhote tawngtainaah hre reng turin min ngen a ni.

Revival And Reformation Sub Committee Meeting nei: Tunkar tawngtai inkhawm ban khan Fellowship Hall-ah Revival And Reformation Sub Committee Meeting, Upa S Lalkamlova hovin neih a ni a, Kan Kohhrana Revival And Reformation Programme kalpui dan turte rel ho a ni a. Kohhran hruaitute (Kohhrana chanvo chelhtu) tan Retreat buatsaih thuai tum a ni.

Conference hotute zin: Pu Daniala Sailo leh Pastor Malsawma Tochhawng te Thenzawlah an kal a, Pastor VL Sanglura te Saiha-ah an kal.

Dr Rinpuii Champhaiah: Tunkar khan Dr Rinpuii chu Champhaiah a kal a, Champhaia Adventist Hospital-ah March 31 khan Steam bath khawl thar an hawng a, Damlo mi 100 chuang a en bawk.

Zaipawl sum tuak: Tunkar Sunday khan Dinner buatsaihin Rs. 10,000 chuang an hmu a. An zanriah buatsaih a tuihnaiin an Programme pawhin a felfai a. Zaipawl Member te inbuatsaihna a fakawm hle. Zaipawl hian Champhai lam tlawh tum an inbuatsaih mek nia thu dawn a ni.

Pulpit Thar nei

2011-03-25T07:52:00.003+05:30

Kohhranin Pulpit thar kan nei ta. He Pulpit hi Deaconess-in nikum lam atanga an lo tuak tawh kha a ni a. A mawi hle mai.

Dorki thuchhuak

2011-03-25T07:49:00.000+05:30

DORKI THUCHHUAK
Buhfaitham khawn tura kan ruatten thahnem ngai leh tlawmngai takin in khawn thin a. In Chungah Dorcas Society an lawm em em a ni. Buhfaitham hi Dorki sum lakluhna ber a nih avangin thahnemngai lehzuala khawn tura ruatte khan lo khawn leh hram turin kan ngen che u a ni. In ke pen tin khan Lalpa tan hna a thawk a ni tih in lo hre thar leh dawn nia. Lalpan, “Heng mi te ber chunga in tih chu ka chunga ti in ni a ti si a. Venghla atanga pawisa emaw buhfai emaw pe duhte tan chuan Pi Zapari, Pi K Zonunsangi, Pi Lalrinliani te hnenah englai pawhin pek theih reng a ni e. Buhfaitham khawn tura February - March thla chhunga ruatte chu -
Mission Compound - Pi Lalnunsangi w/o F. Lalhriatpuia
Nl Lianzuali
7th Day Tlang te - Pi Lalrampari & Pi Lalrinliani
Upper Kanan - Pi Flora w/o Chawngsiampuia
Zotlang & Chawnpui - Pi Laldinkimi & Pi Muanpuii
KC Thanga Complex - Nl Linda & Nl Lalnunziri
Vaivakawn - Pi Hauzami
Chawnpui - Thansiami w/o Pastor Malsawma Tochhawng
Middle Kanan - Pi Rebek Lalhlimpuii
Hospital Complex - Pi Rozamliani & Pi Vanlalzawni
Chhungkaw tinte’n buhfaitham hi thahnemngai lehzualin i thawh theuh ang u. Mi tinin awmhmun atanga Pathian rawng kan bawl tlan theihna a ni a. I buhfai pek khan mi tam tak hlimna leh lawmna a thlen a ni tih in hre theuh dawn nia.
Buhfaitham phal taka petute zawng zawng, in zavaiin Lalpan malsawm che u rawh se.
Lalrinliani
Secretary
Dorcas Welfare Society

Editorial

2011-03-25T07:46:00.000+05:30

Biak in - hmun thianghlim
Kohhranin biak in kan sa mek a, biak in hi in dang ang ni lovin lei leh van siamtu leh a thilsiamte enkawltu kan Pathian chibai kan bukna hmun a nih avangin kan vawn thianghlim a pawimawh hle. A neituten kan zah a, kan uluk chuan biak in zahawm a ni ang a, kan enkawl danin a zir loh chuan zahawm lo takah kan chhuah mai dawn a ni.
Sabbath ni kan hman dan pawh hi ngun taka inenfiah a tha awm e. Hmun pakhata nu pakhat chuan Sabbath ni hian a tKan Kohhranah hian naupang eitur pai a, biak in kawt leh biak in chhungahte pek mai mai ching kan tam hle. Kan fate hnena biak in zahna rilru kan tuh duh a nih chuan an tet lai atang hian eitur pek loh ngam a pawimawh ang. “Naupangin mi thil ei an hmuhin an awta keng ve lo tan a hrehawm,” ti pawh an awm nual ta mai. Sabbath ni hian mi harsa zawkte tana phurrita siamtu kan lo ni reng thei a ni.
“Biak in kan zah a, Sabbath kan hman that chuan Pathian a lawm ang a,” tih vang ni lo vin; Pathian hi a zahawm a, A Sabbath ni te hi a thianghlim em avangin a mite chuan he ni hian phurrit phurte tan hahdamna leh chanhaite tan malsawmna thlentu nih tum ila. Kan fate hi an lo nulat tlangval huna Salvation Camping an luh huna Pathian hmuhtir tum lovin an naupan lai atang hian Krista chu i kawhhmuh ang u. Chutiang bawkin an tleirawl huna Biak ina thil an ei laia hau leh ngai lo turin biak in leh a kawta awm dan tur hi an tet lai atangin i zirtir ang u.

HARHTHARNA LEH SIAMTHATNA ~Pastor HB Lalkhawliana

2011-03-25T07:43:00.000+05:30

Harhtharna leh siamthatna dik nei turin Pathian thu leh hrilhlawkna thlarau thurawn kaihhruaina kan zui a va han tul nasa em! Chutiang a nih loh chuan kan thelh palh hlauh dah ang e.
“Tih ziak a ni” tih leh “Hmanlaia ziak apiangte chu keimahni min zirtirna tur leh, keini hun tawp lo thlenna huna mite min zilhna turin an ziak a ni bawk a” tih a ni a. (Rom 15:4; I Korinth 10:11)
E G White-i chuan pawi ti takin, “Lalpa thurawn leh kaihhruaina min pekte zui aia remruatna dang kan zui zawk thin avang hian eng kan va han chan nasa tak em!” a ti a. (Heng lehkhabute hi chhiar ni se, HT 130; 8T 289; Johana 1:9; ZL 373.) Isua pawhin pawi ti tak leh run takin, “In thurochhiah (tradition/formality) avangin Pathian thu chu in bawh bo ta a nih hi,” a ti a. (Mat. 15:5; I Tim. 1:3; II Tim. 3:5; ZL 373 chhiar tel ni se.)
Harhtharna leh insiamthatna dik tak, a suak ni lo, kan neih theih nan Pathian leh hrilhlawkna thlarau thurawn leh kaihhruainate sawi hmasa ila. Kan hriat chiana kan zui ngei theih nan. A hlawhtlin leh tlin loh chu kan zui leh zui loh-ah a innghat dawn si a. Isua chuan, “Dil rawh u, an pe ang che u, zawng rawh u, in hmu ang” a ti a. (Mat. 7:1; Jer 29:10,1; II Chron. 7: 14)
EG White-i chuan “Pathiana harhtharna dik tak hi kan mamawhte zinga pawimawh hmasa ber a ni a. Hemi zawn hi kan hna hmasa ber tur chu a ni a ti a. (HT 26; 7T 285.) EG White-i ziak hi kan kohhranin kan zui leh zui loh hi ngaihtuah tham a awm in ti ve lo maw?
Isua chuan a zirtirte kha a rawngbawl tak tak hma ngeiin harhna leh siamthatna an neih hmasak ngei nan Jerusalem khua kalsan suh u, Pa thil thil tiam ka sawi in hriat kha nghak rawh u a ti tlat a. Johana khan tuiin a Baptist thin a, “Ni rei lote hnuah Thlarau Thianghlimin baptisma in chang ang… thiltihtheihna in nei ang a, Jerusalemah Judai leh Samaria khaw tinah leh kawlkil thleng pawhin ka thu hretu in ni ang,” tiin thurawn, kaihhruaina leh thutiam a pe a. (TT 1:4,5,8)
EG White-i chuan, “Krista thupek awihin Pa thutiam Thlarau leihbuakna chu Jerusalemah chuan an lo nghak ta a. An lo nghah chhung hian an awm mai mai lo” a ti a. (TR 35; Luka 24:53) Thiltihtheina rawngbawlna mak leh ropui tak mai a lo thleng ta a nih kha. Nikhatah mi 3000 ngawtin baptisma an chang, hmun khatah, sermon pakhatah. Lalpa chu fakin awm rawh se. A va ropui em! Lalpa thurawn leh kaihhruina zui chu a va hlawk em, a va eng nasa em! Jerusalem pindan chung nung revival hian a cho hle lo maw? I ngaihtuah chiang ang u.
EG White-i chuan, Lalpan thurawn leh kaihhruaina min pekte aia remruatna dang kan zui zawk thin avang hian eng kan va han chan nasa tak em! a tih kha i ngaihtuah fo ang u. Isua pawhin a hun laia kohhran hruaitute pawh khan an remruatna formalism-in Pathian thu an bawh bo tih a hrilh a. (Mat 15:6)
Chutiang chu a nih theih dan tur chu, Isua, Paula leh EG White-i te hian an sawi chiang hle a. “Zawlnei derte lakah fimkhur rawh u.” (Mat.7:15) Chinghne kawlh te (beram vun sin) an lo lut ang” (TT 20:29.) Setana chuan a bumna vervek tak hmangin mi tam tak thuneitute leh mi thiam, mi hip thiam te, sakhaw ngaihsak anna neite hmangin finrawl a chhuah dawn a.
Talent nei thate leh lehkha thiamte Pathian tihna tel lo pawha chhandamna pe thei leh, mite chu Pathian duhsakna dawntir thei ang hrimin ngaihsan leh chawimawi an ni a… Mi hriatna nei thate leh mi hip thei tam takte chet dan khaw lo ni ang a lang thei lam awn duh miah lo tur te hi Setana hmanraw chei mawi lek an ni thin,” (Indona Ropui p. 511) (Phek 519-na pawh chhiar teh.) Saula leh Judate pawh kha ngaihtuah teh u, a zei leh fel berte an nih kha, mahse, Chutiang chu a nih theih si avangin Pathianin A finna hmangin kohhran chhung ngei atanga insiamthatna intan turin a buatsaih a ni. (TT 1:4,5) “Jerusalem khua chhuahsan suh u, lo nghak rawh u,” a ti tlat a nih kha.
Ngai teh u, “Unaute u, a kohna chu hi ngaihtuah teh u, tisa lama mi fing tam takte, mi chak tam tak te, mi tha tam tak te, koh an nih lohzia hi, khawvel thil a te, chak lo te, hmuhsitawm te, nen lam a thlang”, Paula chuan a ti. (I Kor. 1:26,27)
EG White-i chuan, “Kohhran siamthatna kawnga hruaitute hi mi hnuaihnung an ni vek a…. thil ropui tak puitlin tura mi hnuaihnung hman hi Pathian ruat dan a ni,” a ti. (Isaia 8:20; I Thes. 5:20,21; I Johana 4:1 te tlawhchhana fimkhur taka tan lak a tul dawn a ni.)

Lawrkhawm

2011-03-25T07:39:00.003+05:30

Naisangipara kang tuar tanpui: Naisingpara kang tuarte tanpui nan Mizo Conference of Seventh-day Adventists chuan khawpui chhunga Kohhran hrang hrangah vehbur a khawn a, tunkar ningani khan Conference Truck-in phurhthlak a ni. Pastor R Biakthansanga hovin kang tuarte tanpui turin Conference hnathawkte an kal.
Conference Office-ah Revival Programme: Tunkar Thawhtanni atang khan Mizo Conference Office Staff-te chuan Revival Programme an nei a, Speaker atan Pastor Saizika hman a ni a. Staff-ten an hlawkpuiin an hlim hle.
Tobacco Control Society Helen Lowry School-ah: Tunkar thawhlehni (March 22) khan Mizoram Tobaccoo Control Society chuan Helen Lowry School naupangte hnenah Campaign hun an hmang a, Zuk leh hmuam thatlohzia uar takin sawi a ni. Zirna in Compound chhung leh a chhehvel hnai (Feet 300) huam chinah vaihlo atanga siam thil reng reng zawrh phal a ni lo, zuar lui an awm a nih chuan dan anga hrem theih a ni.
Helen Lowry naupangte hian zuk leh hmuam thatlohna thuziak leh Poster te tarin vawiin khan Vaivakawnah hnatlang an nei.
Annual Sport: Helen Lowry School Elementary Section (Class Kg I - Class VII) karleh (March 28 - 1st April) chhungin Annual Sport an nei dawn.
Tamdila General Camp hlimawm tak neih a ni: Karhmasa Sabbath leh Sunday khan Tamdil-ah AY General Camp hlimawm tak neih a ni. (More Photoshttp://aykantu.blogspot.com/p/general-camp-2011.html

Naisingpara Bru Camp kang

2011-03-21T08:03:00.002+05:30

March 19 (Sabbath) chhun dar 12:00 vel khan Naisingpara, Tripura chu a kang a, in 3500 vel awmah in 3000 vel chu a kang ral vek a, mi 19 an thi. Chutih laiin chuan Adventist Biakin/School 3 chu a kang lo va, a chhehvel a kang a, mahse biak in awmna bawr a kang lo a ni.

BLANKET SUK HNATLANG NEIH A NI.

2011-03-18T08:36:00.002+05:30

Tunkar Sunday (13 March) khan AY-in tlawng luiah intihhlim pahin Blanket suk hnatlang an nei a, Conference Truck hmangin mi 40 chuang hnatlangin an thawkchhuak a ni. Hemi ni hian Blanket 70 vel an su a, an hlim hle. Thalai sum tuakna a ni tih hriaa Blanket suktirtute chungah AYS chuan lawmthu a sawi a. Thenkhat, Blanket suk tur nei lo, Pawisa thawhtu eng emawzat an awm bawka an chungah AYS chuan lawmthu a sawi takmeuh a ni.

( Blanket suk thlalak thenkhat)http://aykantu.blogspot.com/p/picture-page.html

PASTOR L HMINGLIANA HRIATRENGNA INKHAWM NEIH A NI.

2011-03-18T08:35:00.003+05:30

Tunkar thawhlehni (March 15 dar 1:30pm) khan Conference Committee Room-ah Mizo Section President lo ni tawh (1976-1982) Pastor L Hmingliana hriatrengna inkhawm neih a ni a. He inkhawm hi Pu Lanilawma Colney, Executive Secretary-in a kaihruai a. Inkhawm an thahnem hle.
Pastor L Hmingliana hi December ni 25, 1925 khan Sialsukah a piang a. Kum 1944-ah Adventist Kohhranah Baptisma a chang a. January ni 16, 1962-ah Blubell Kharshing (Khasi) nen an innei a. Assam Training School-ah zirtirtu niin 1947-ah Mission hna a thawk tan a ni.
Pastor L Hmingliana hian Mizo Section President bakah Union President te, Assam Section Secretary te, Union Secretary te, Assam Section-ah Circle Leader te leh hna pawimawh dang eng emawzat a lo chelh tawh a ni.
“Mizo zinga Adventist hmasa leh sulsutu, Mizo Section tana nasa taka hna lo thawk tawh leh Mizo Adventist-te zingah chuan kan Arsi lian, Pastor L Hmingliana kan chan ta hi kan ui em em a. A nupui, a fa leh tute Lalpan awmpui zel rawh se.” tiin Mizo Conference of Seventh-day Adventists chuan thu a chhuah a ni.